Галатиялылагъа 3:17 - Сыйлы Инжил бла Забур

¹⁷ Мен муну айтама, Масихни юсюнден Аллах алгъын бегим этген кесаматны, тёрт жюз бла отуз жылдан сора келген Тауратны Закону бузмайды, ол себепден ант бла берилген сёзню кючю кетмейди.

Галатиялылагъа 3:17 Iomraidhean Croise

Забур 105:9

Къызыл тенгизге къаты айтханынлай, ол къуруп къалгъанды, сора аланы тюпсюзле бла, къургъакъ жерни юсю бла ётдюргенча ётдюргенди.

Забур 33:10

Раббийни сыйлылары, Андан къоркъугъуз, нек десегиз Андан къоркъгъанлада къолайсызлыкъ жокъду.

Ахия 1:17

Нек десегиз Таурат Мусаны юсю бла берилгенди, шафауат бла хакъ керти уа Масих Иссаны юсю бла чыкъгъандыла.

Ишлери 7:6

Аллах анга былай айтханды: „Сени туудукъларынг башха къыралда кёчгюнчюле болуп жашарыкъдыла. Анда къул этилип, тёрт жюз жыл зулмулукъда турлукъдула.

Римлилеге 3:25

Аллах Масихни, Аны къанына ийнаныуубуз бла гюняхларыбызны кечдирген къурманнга бергенди эм алай бла Кесини тюзлюгюн кёргюзтгенди. Нек десегиз Аллах, бизге тёзюп, алгъын этген гюняхларыбызны кечгенди.

Римлилеге 3:3

Аланы бир къауумлары ийман салмагъан эселе, не болур? Аланы иймансызлыкълары Аллахны ышаннгылылыгъын жокъ этерми?

I Коринфлилеге 1:12

Айтханым буду: сизни хар биригиз да: «Мен Пауулнукъума», «Мен Аполлоснукъума», «Мен Кефаныкъыма», «Мен а Масихникиме», – деп айтады.

I Коринфлилеге 1:17

Масих мени сууда кёмюлдюрюрге тюйюл, алай а Масихни къачда ёлюмюню магъанасын кетермез ючюн, акъылман сёзлеге таянмай Хайыр Хапарны билдирирге ийгенди.

I Коринфлилеге 10:19

Мени айтханым неди? Идолну неда идоллагъа этилген къурманланы этлерини бир тюрлю магъанасы барды депми айтама?

I Коринфлилеге 7:29

Къарындашла, мен сизге айтама: энди заман къысхады. Мындан ары къатынлары болгъанла болмагъанлача,

II Коринфлилеге 1:20

Нек десегиз Аллахны битеу ант бла берген сёзлери Масих Иссада «хау» болгъанды эм бу себепден Аллахны махтауу ючюн биз Масихни юсю бла Аллахха «амин» деп айтабыз.

II Коринфлилеге 9:6

Муну сизге айтама: къызгъанып сепген адам аз орур; чомарт сепген а кёп орур.

Галатиялылагъа 3:15

Къарындашла! Адамланы ойлашыуларына кёре айтама: адам бегим этген кесаматны окъуна киши бузмайды эм анга зат къошмайды.

Галатиялылагъа 3:21

Алай бла Аллахны ант бла берген сёзлерине Тауратны Закону къажаумуду? Чыртда угъай! Нек десегиз жашау берирге болаллыкъ закон берилсе эди, сора кертиси да адам закон бла ариуланыр эди.

Галатиялылагъа 5:16

Мен айтама: Сыйлы Нюрге кёре жашагъыз, сора сиз гюняхлы табийгъатыгъызны кюсегенин этмезсиз.

Галатиялылагъа 5:4

Сиз, Таурат бла кесигизни ариуларгъа кюрешгенле, Масихден къуру къалгъансыз, Аллахны шафауатындан айырылгъансыз,

Эфеслилеге 2:12

Сиз ол заманда Масихсиз эдигиз; Израильни жамауатындан тышхы эдигиз, Аллахны ант сёз бла этген кесаматларындан юлюшсюз эдигиз, умутугъуз жокъ эди эм бу дунияда Аллахдан къуру эдигиз.

Эфеслилеге 4:17

Ол себепден мен айтама эм Раббийни хатыры бла тилейме, сиз энди, башха миллетле кеслерини акъылларыны магъанасызлыгъы бла этгенча этмегиз.

Колослулагъа 2:4

Мен муну сизге, бир киши да сизни алдау сёзле бла терилтмесин деп айтама.

Чюйютлелеге 11:13

Ала бары да, берирге ант бла сёз берилгенлени алмагъанлай, ийман бла ёлгендиле, алай а, аланы узакъдан кёрюп, къууанып, кеслерини юслеринден: «Бу дунияда жолоучулабыз эм киргинчилебиз», – деп ачыкъ айтхандыла.

Чюйютлелеге 7:18

Алгъындан болгъан фарызны кетерилиую уа аны къарыусузлугъуну эм файдасызлыгъыны себебинден болады.

I Петер 1:20

Масих а дуния жаратылырдан да алгъа жораланнганды, алай а ахыр заманлада сизни ючюн келгенди.