Галатиялылагъа 2:7 - Сыйлы Инжил бла Забур

⁷ Ол угъай эсенг, Хайыр Хапарны сюннетлилеге жаяргъа Петерге ышанып берилгени кибик, манга да сюннетсизлеге жаяргъа берилгенин кёргендиле.

Галатиялылагъа 2:7 Iomraidhean Croise

Ишлери 15:12

Сора битеу жыйылыу тохташып, Барнабаны бла Пауулну, башха миллетлени арасында, Аллах аланы юслери бла къаллай илишанла бла сейир ишле этгенин айтханларына тынгыладыла.

Ишлери 18:6

Ала къажау болуп аман айтханлары себепли уа, ол, кийимлерин къагъып, алагъа: «Кеси къаныгъыз кеси башыгъызда къалады; мен тазама. Бюгюнден башлап башха миллетлилеге барама», – деди.

Ишлери 28:28

Алай бла сизге белгили болсун, Аллахны къутхарыуууну хапары башха миллетлилеге берилгенди; ала тынгыларыкъдыла», – деди.

Ишлери 9:15

Алай а Раббий анга: «Бар! Нек десенг миллетлеге эм патчахлагъа эмда Израиль улулагъа Мени атымы билдирир ючюн, ол Мени сайлагъан сауутумду.

Римлилеге 1:5

Битеу миллетледен адамланы ийманнга бойсундурур ючюн, Масихни юсю бла эм аны аты ючюн Аллахны шафауатын эм абустоллукъ алгъанбыз.

Римлилеге 11:13

Сизге, башха миллетлилеге айтама: миллетлени абустолуча, къуллукъ этиуюмю мен махтаулу этеме.

I Коринфлилеге 9:17

Аны кесим сюйюп эте эсем, саугъа аллыкъма; кесим сюйюп этмей эсем а, жаланда манга берилген къуллукъну толтурама.

Галатиялылагъа 1:16

Мен Аны Хайыр Хапарын миллетлеге жаяр ючюн, Кесини Уланын манга ачаргъа ыразы болгъанында, мен ол сагъат окъуна инсанла бла кенгешмегенме.

Галатиялылагъа 1:18

Артда, юч жыл озгъандан сора, мен Иерусалимге Петер бла кёрюшюрге баргъан эдим эм аны бла онбеш кюн тургъан эдим.

Галатиялылагъа 1:6

Масихни шафауаты бла сизни чакъыргъан Аллахдан сиз алай терк башха хайыр хапаргъа ётгенигизге сейирсинеме.

Галатиялылагъа 2:11

Петер Антиохиягъа келген заманда уа, ол кёлкъалдыгъа тюшгени себепли, мен кесим анга къажау тургъан эдим.

Галатиялылагъа 2:14

Аланы, Хайыр Хапарны хакълыгъы бла тюз этмегенлерин кёргенимде уа, мен Петерге, бары да тургъанлай: «Сен, иудейли болгъанынглай, иудейлича жашамай, башха миллетлилеча жашай эсенг, сора башха миллетлилени иудейлилеча жашагъыз деп нек къысаса?

Галатиялылагъа 2:9

Жамауатны чигинжилерине саналгъан Якъуп, Кефа эм Ахия, Аллахны манга берген шафауатын билгенлеринде, бирикмеклигибизни белгисине манга бла Барнабагъа онг къолларын бергендиле. Биз башха миллетлеге, ала уа сюннетлилеге барыргъа бегим этгендиле.

I Фесалоникачылагъа 2:4

Алай а Аллах, Хайыр Хапарны жаяргъа бизге ышанып тийишли кёргени кибик, биз да, адамланы тюйюл, алай а бизни жюреклерибизни сынаучу Аллахны ыразы этерге кюрешип айтабыз.

I Тимотейге 1:11

Бу затла алгъышлы Аллахны манга ышанып берилген махтаулу Хайыр Хапарына келишген затла тюйюлдюле.

I Тимотейге 2:7

Аны ючюн мен Хайыр Хапарны жайыучу эмда абустол болургъа сайланнганма – Масихники болуп тюзюн айтама, ётюрюк айтмайма – миллетлени ийманнга эмда хакъ кертиге юйретген устаз болургъа сайланнганма.

II Тимотейге 1:11

Мен бу Хайыр Хапарны миллетлеге билдириучю абустол эм устаз болургъа сайланнганма.

II Петер 3:15

Эмда сюйюлюннген къарындашыбыз Пауул, анга берилген акъылманлыкъ бла сизге жазгъаны кибик, Раббийибизни кёп тёзюую бизге къутхарылыу алыргъа онг береди.