Галатиялылагъа 2:4 - Сыйлы Инжил бла Забур

⁴ Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.

Галатиялылагъа 2:4 Iomraidhean Croise

Лука 5:38

Алай а жангы чагъырны жангы гыбытлагъа къуяргъа керекди. Алай болса, экиси да сакъланырыкъдыла.

Ишлери 15:1

Иудеядан келген бир къауумла, къарындашлагъа: «Мусаны адети бла сюннет этдирмесегиз, къутхарыллыкъ тюйюлсюз», – деп юйрете эдиле.

Ишлери 15:24

Бизден бир къауумла барып, сизге сюннет этилирге эм Тауратны жорукъларын тутаргъа керекди деп, сизни жунчутуп, жюреклеригизни арсар этгенлерин эшитгенбиз. Биз алагъа алай этерге буйрукъ бермеген эдик.

Ишлери 20:30

Сизни кесигизден да, сохталаны кеси ызларындан элтир ючюн терсине айтырыкъ адамла да чыгъарыкъдыла.

Римлилеге 8:15

Нек десегиз энтда къоркъуп жашарча сиз къул болур нюрню алмагъансыз, алай а уланлыкъны Нюрюн алгъансыз. Ол Нюр бла уа: «Абба, Ата!» – деп чакъырабыз.

II Коринфлилеге 11:13

Нек десегиз аллай жалгъан абустолла, хыйла ишле этиучюле, Масихни абустолларыны сыфатына киредиле.

II Коринфлилеге 11:17

Айтханларымы, Раббийге кёре тюйюл, алай а махтаныргъа былай таукел болуп, акъылсызча айтама.

II Коринфлилеге 11:20

Сизни къул этгенлеге, къыйыныгъызны ашагъанлагъа, сизни алдагъанлагъа, кеслерин ёрге кётюргенлеге, бетигизге ургъанлагъа сиз тёзесиз.

II Коринфлилеге 11:26

Кёп кере жолоучулукъ этгенме. Баргъан суулада къоркъуулукълагъа, аманлыкъчыладан къоркъуулукълагъа, кеси миллетимден къоркъуулукълагъа, башха миллетлиледен къоркъуулукълагъа, шахарда къоркъуулукълагъа, къум тюзде къоркъуулукълагъа, тенгизде къоркъуулукълагъа, жалгъан къарындашланы араларында къоркъуулукълагъа тюбегенме.

II Коринфлилеге 3:17

Раббий Нюрдю. Раббийни Нюрю къайда эсе, азатлыкъ да андады.

Галатиялылагъа 1:7

Керти да башха хайыр хапар жокъду, алай а сизни жунчутхан эм Масихни Хайыр Хапарын терсине бурургъа сюйген адамла бардыла ансы.

Галатиялылагъа 4:25

Ол себепден, Хажар Аравияда Синай тауну магъанасын кёргюзтеди эм эндиги Иерусалимге ушашды; нек десегиз ол кесини сабийлери бла къул болупду.

Галатиялылагъа 4:3

Биз да аны кибик, «сабийликде» болгъан заманыбызда, бу дунияны башланнгыч жорукъларына бойсунуп тургъанбыз.

Галатиялылагъа 5:1

Алай бла бизге Масих берген азатлыкъда туругъуз эм энтда жангыдан къул болууну боюнсасын боюнугъузгъа такъмагъыз.

Галатиялылагъа 5:10

Мен сизни юсюгюзден, сиз башха тюрлю ойлашмазсыз деп, Раббийге базынып турама; сизни жунчутхан а, ол ким болсада, кесини айыбына тюберикди.

II Тимотейге 3:6

Юйлеге жашыртын кирип, гюняхларында батып тургъан, тюрлю кюсеулери бла жюрюген,

Якъуп 1:25

Тамамлы законнга, азатлыкъны законуна тюшюнюп, аны толтургъан адам а, ол тынгылап унутуучу тюйюл, ишни толтуруучу болса, алай этиую бла насыплы боллукъду.

I Петер 2:16

Азатлача жашагъыз; азатлыкъны, аман ишлени жашырыр ючюн жюрютгенлеча тюйюл, алай а Аллахны къулларыча жашагъыз.

II Петер 2:19

Алагъа азатлыкъ берирге айтадыла, кеслери уа чиримекликни къулларыдыла. Нек десегиз ким кимге хорлатхан эсе, ол анга къулду.

I Ахия 4:1

Сюйюлюннгенле! Хар тюрлю нюрге ийнанып къалмагъыз, алай а нюрлени Аллахдан болгъанларын сынагъыз. Нек де сегиз дунияда кёп жалгъан файгъамбарла чыкъгъандыла.

Яхуда 1:4

Нек десегиз бизни Аллахыбызны шафауатын саякъ жюрюрге сылтаугъа бургъан эм Бийибиз бир Аллах ны да, Раббийибиз Масих Иссаны да къабыл этмеген бир къауум аллахсыз адамла арагъызгъа жашыртын киргендиле. Бу этген ишлери ючюн алагъа сюд этиллиги эрттеден жазылыпды.