Галатиялылагъа 2:2 - Сыйлы Инжил бла Забур

² Баргъанымда уа билим ачылыу бла баргъан эдим. Андагъылагъа, артыгъыракъ да, бек белгилилеге, миллетлеге Хайыр Хапарны билдириуюмю юсюнден, мен бошму кюрешеме неда бошму кюрешген болурма деп айтхан эдим.

Галатиялылагъа 2:2 Iomraidhean Croise

Маттай 10:16

«Ма, Мен сизни, къойланы бёрюле ичине ийгенча, иеме: алай бла, жилянлача, акъыллы, кёгюрчюнлеча, хыйласыз болугъуз.

Ишлери 15:12

Сора битеу жыйылыу тохташып, Барнабаны бла Пауулну, башха миллетлени арасында, Аллах аланы юслери бла къаллай илишанла бла сейир ишле этгенин айтханларына тынгыладыла.

Ишлери 15:2

Сора келишмеулюк болуп, Пауул бла Барнаба ала бла кёп айтып кюрешген заманда, Пауулгъа бла Барнабагъа эм аладан бир къауумуна, бу ишни юсюнден, Иерусалимде абустоллагъа бла таматалагъа барыргъа оноу этдиле.

Ишлери 15:4

Ала Иерусалимге келгенлей а, аланы жамауат, абустолла эм таматала къабыл этдиле, ала да Аллах аланы юсю бла неле этгенин эм башха миллетлилеге ийманны эшигин къалай ачханын айтып билдирдиле.

Ишлери 18:9

Сора Раббий кече Пауулгъа кёрюнюп: «Къоркъма, алай а тохтамай айтып тур.

Ишлери 23:11

Ол кече Раббий, Пауулгъа кёрюнюп: «Таукел бол, Пауул! Сен Манга Иерусалимде шагъатлыкъ этгенинг кибик, Римде да алай шагъатлыкъ этерге керексе», – деди.

Ишлери 5:34

Сора битеу халкъ ариу кёрген, кеси да Таурат устаз болгъан, Гамалиел атлы бир фарисей, синедрионда ёрге туруп, абустолланы бир азгъа тышына чыгъарыргъа буюрду.

Римлилеге 9:16

Алай бла сайланыу адамны сюйгенинден неда кюрешгенинден тюйюлдю, мархамат этиучю Аллахданды.

I Коринфлилеге 1:23

Биз а, къачха керилген Масихни билдиребиз. Иудейлиле муну айыпха, греклиле уа акъылсызлыкъгъа санайдыла.

I Коринфлилеге 2:2

Нек десегиз мен сизни арагъызда болгъан заманымда Масих Иссадан эм Аны къачха керилип ёлгенинден башха бир зат да билмезге бегим этген эдим.

I Коринфлилеге 9:24

Стадионда чапханла бары да чабып, саугъа уа биреу алгъанын билмеймисиз? Сиз саугъа алырча чабыгъыз!

I Коринфлилеге 9:26

Ол себепден мен жалгъан затха чапханча чапмайма, сермешгеним а жаланда хауаны урургъа тюйюлдю.

II Коринфлилеге 12:1

Махтаннганым хайырлы тюйюл эсе да, махтаныргъа керекме; энди мен Раббийни кёргюзюулерини эм билим ачханларыны юсюнден айтырыкъма.

Галатиялылагъа 1:12

Нек десегиз мен ол Хайыр Хапарны адамдан алмагъанма эмда аны манга адам юйретмегенди, аны манга Масих Исса ачып билдиргенди.

Галатиялылагъа 1:16

Мен Аны Хайыр Хапарын миллетлеге жаяр ючюн, Кесини Уланын манга ачаргъа ыразы болгъанында, мен ол сагъат окъуна инсанла бла кенгешмегенме.

Галатиялылагъа 1:6

Масихни шафауаты бла сизни чакъыргъан Аллахдан сиз алай терк башха хайыр хапаргъа ётгенигизге сейирсинеме.

Галатиялылагъа 2:6

Белгилиле да не тюрлю жаны бла да къалай болгъан эселе да, манга башхалыгъы жокъду, Аллах адамны тыш сыфатына къарамайды. Белгилиле да мени айтханларыма бир зат да къошмагъандыла.

Галатиялылагъа 2:9

Жамауатны чигинжилерине саналгъан Якъуп, Кефа эм Ахия, Аллахны манга берген шафауатын билгенлеринде, бирикмеклигибизни белгисине манга бла Барнабагъа онг къолларын бергендиле. Биз башха миллетлеге, ала уа сюннетлилеге барыргъа бегим этгендиле.

Галатиялылагъа 5:7

Сиз тап бара эдигиз. Сизни хакъ кертиге бойсуннганыгъызны ким тохтатды?

I Фесалоникачылагъа 3:5

Ол себепден мен да, андан кёп тёзмей, терилтиучю сизни терилтип, бизни урунууубуз файдасыз болупму къалды деп, ийманыгъыздан хапар билир ючюн Тимотейни ийген эдим.

II Тимотейге 4:7

Мен ахшы кюрешни бардыргъанма, жолуму бошагъанма, ийманымы сакълагъанма.

Чюйютлелеге 12:1

Бизни тёгерегибизде булутла кибик алай кёп шагъатла бардыла! Ол себепден битеу бизге чырмау болгъан затланы, бизни бийлеп тургъан битеу гюняхларыбызны юсюбюзден атайыкъ эмда бизге белгиленнген жолубузда тёзюмлюк бла барайыкъ.