Филимоннга 1:6 - Сыйлы Инжил бла Забур

⁶ Сен ийманынгы башхала бла юлешиуде жигер болурунгу эмда Масих Иссада сизни болгъан хар ахшылыкъны билиринги Аллахдан тилейме.

Филимоннга 1:6 Iomraidhean Croise

Маттай 25:16

Беш талант алгъан, барып, аланы ишге жаратып, башха беш талант алды.

Маттай 5:16

Сизни жарыгъыгъыз да адамланы алларында, ала сизни ахшы ишлеригизни кёрюп, сизни Кёкдеги Атагъызгъа махтау салырча, алай жарытсын».

I Коринфлилеге 14:25

Алай бла, аны жюрек тасхалары ачыкъ болурла; сора ол энишге аууп, Аллахха сежда этер эм: «Аллах кертиси да сизни арагъыздады!» – деп айтыр.

I Коринфлилеге 16:9

Нек десегиз мында уллу эмда жараулу ишле этерге манга эшик ачылыпды, манга къажау тургъанла да кёпдюле.

Колослулагъа 1:9

Ол себепден биз да, муну эшитген кюнюбюзден башлап, сизни ючюн тохтамай дууа этип, сиз нюр жанындан хар тюрлю акъылманлыкъ бла эм ангылау бла Аллахны буйругъун толу билир ючюн тилек этебиз.

Колослулагъа 3:10

Эмда жангы адамлыкъны кийгенсиз. Ол а аны Жаратханны сыфатыча, толу билимге жетер ючюн жангыра турады.

Титге 3:14

Ийманлыланы жашаулары хайырсыз болмаз ючюн, аланы ахшылыкъ этерге, башхаланы эм керекли затларын тындырыргъа юйрет.

Чюйютлелеге 6:10

Нек десегиз Аллах тюзлюксюз тюйюлдю. Сизни урунууугъузну эм сиз Аны сюйген сюймеклигигизни – Аны аты ючюн сыйлылагъа къуллукъ этгенигизни эм энтда эте тургъаныгъызны – Ол унутурукъ тюйюлдю.

Якъуп 2:14

Къарындашларым, адам ийманым барды дей эсе, ахшы ишлери уа жокъ эсе, не файда? Аллай ийман аны къутхаралырмы?

Якъуп 2:17

Ийман да алай, ахшы ишлери жокъ эсе, кеси-кесинлей ёлюдю.

I Петер 2:12

Эм ийнанмагъан адамланы арасында жашауугъузну хайырлы ишле бла бардырыгъыз, сизге аманлыкъчылагъача аман сёзле айтханла, сизни хайырлы ишлеригизни кёрюп, алагъа жууукълашхан кюнюнде Аллахха махтау салсынла.

I Петер 3:1

Аны кибик, къатынла, сиз да эрлеригизге боюн салыгъыз; аланы бир-бирлери Аллахны сёзюне тынгыламай эселе да,

I Петер 3:16

Аманлыкъчылагъа кибик, сизге аман айтханла, сизни Масихде огъурлу жашауугъузну айыплагъанла кеслери уялыр ючюн тюз ниетли болугъуз.

II Петер 1:8

Была сизде бар эселе эм кёп бола эселе, Раббийибиз Масих Иссаны билиуден жетишимсиз эм хайырсыз къаллыкъ тюйюлсюз.