Эфеслилеге 6:8 - Сыйлы Инжил бла Забур

⁸ Хар ким, къул эсе неда азат эсе да, этген ахшылыгъына кёре Раббийден тийишлисин аллыгъын билигиз.

Эфеслилеге 6:8 Iomraidhean Croise

Маттай 16:27

Нек десегиз Адам Улу Кесини Атасыны аламатлыгъы бла, Кесини мёлеклери бла келликди; ол заманда хар кимге, ишлерине кёре, тийишлисин берликди.

Маттай 20:7

Ала анга: „Бизни биреу да жалгъа алмагъанды“ дедиле. Ол алагъа: „Келигиз сиз да мени жюзюм бахчама, тийишлисин алырсыз“ деди.

Маттай 5:12

Сюйюнюгюз эмда къууанч этигиз; кёкледе сизни аллыкъ саугъагъыз уллуду. Сизден алгъын болгъан файгъамбарлагъа да алай зулму этгендиле».

Маттай 6:1

«Садакъагъызны адамланы аллында ала кёрсюнле деп этмезге сакъ болугъуз, алайсыз сиз Кёкдеги Атагъыздан саугъа аллыкъ тюйюлсюз.

Маттай 6:4

Алай бла сени садакъанг ташада болсун; ташаны кёрюучю Атанг да санга ачыкъ саугъа берир».

Лука 14:14

Сора ала санга къайтаралмагъанлары ючюн, насыплы боллукъса, нек десенг санга тюзлюклюлени тиргизилиуюнде къайтарылыр», – деди.

Лука 6:35

Сиз а душманларыгъызны сюйюгюз, аладан бир зат да умут этмегенлей, ахшылыкъ да этигиз, ёнгкюч да беригиз. Сора сизге уллу саугъа болур, сиз Аллаху-Тааланы уланлары болурсуз, нек десегиз Ол, игиликни билмегенлеге да, огъурсузлагъа да игиликлиди.

I Коринфлилеге 12:13

Нек десегиз биз барыбыз да, бир чарх болур ючюн, бир Нюрде кёмюлдюрюлгенбиз, иудейлиле неда греклиле, къулла неда азатла, барыбызгъа да бир Нюрден ичерге берилгенди.

II Коринфлилеге 5:10

Нек десегиз биз, чархыбызда жашагъан заманыбызда, ахшылыкъ неда аманлыкъ этгенибизге кёре тийишлисин алыр ючюн, хар бирибиз да Масихни сюдюню аллында кёрюнюрге керекбиз.

Галатиялылагъа 3:28

Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

Колослулагъа 3:11

Жангы адамлыкъда уа не грекли, не иудейли, не сюннетли, не сюннетсиз, варвар, скиф, къул, азат айырыу жокъду, алай а хар не жаны бла да хар неда Масихди.

Колослулагъа 3:24

Раббий сизге сакълагъан саугъаны аллыгъыгъызны эсигизде тутугъуз, нек десегиз сиз Раббий Масиххе къуллукъ этесиз.

Колослулагъа 3:25

Терс этген адам а, кесини терслигине кёре тийишлисин алыр, Аллахда бет этип къарау жокъду.

Чюйютлелеге 10:35

Ол себепли уллу саугъасы боллукъ ышаныуугъузну къоймагъыз.

Чюйютлелеге 11:26

Эм Мисирни хазналарындан эсе, Масих ючюн ыйлыкъдырылгъанын кесине уллу байлыкъгъа санагъанды; нек десегиз ол аллыкъ саугъасына къарагъанды.