Эфеслилеге 6:21 - Сыйлы Инжил бла Забур

²¹ Сиз да мени болумуму эм ишлерими халын билир ючюн, сюйюлюннген къарындаш эм Раббийге тюз къуллукъ этген Тихик сизге барындан да хапар берир.

Эфеслилеге 6:21 Iomraidhean Croise

Ишлери 20:4

Пир улу бериялы Сосипатер, фесалоникалыладан да Аристарх бла Секунд, дербили Гай бла Тимотей эм асиялыладан Тихик бла Трофим Асиягъа дери аны биргесине баргъан эдиле.

I Коринфлилеге 4:17

Аны ючюн мен сизге, Раббийни жолунда ышаннгылы, сюйюлюннген уланым Тимотейни ийгенме. Ол а мен Масих Иссада тутхан эм хар жерде, хар жамауатда юйретген жолларымы сизге эсгертир.

Колослулагъа 1:7

Муну бизни сюйюлюннген иш нёгерибиз Эпафрасдан юйреннгенсиз. Ол Масихни сизни ючюн уруннган, ышаннгылы къулуду.

I Тимотейге 4:6

Къарындашлагъа быланы ангылатсанг, ийманны эм сен ызындан баргъан ахшы окъууну сёзлери бла ёсдюрюлюп, Масих Иссаны ахшы жумушчусу боллукъса.

II Тимотейге 4:12

Тихикни мен Эфесге ийгенме.

Титге 3:12

Санга Артемасны неда Тихикни ийсем, манга Никополгъа келирге ашыкъ; нек десенг мен къышны анда ашырыргъа бегим этгенме.

Филимоннга 1:16

Аны энди къулнуча тюйюл, къулдан бийик, сюйюлюннген къарындашныча, ызына алырса. Ол манга бек багъалыды, санга уа кеси адамынгча да, Раббийни адамыча да, андан да бек багъалы боллукъду.

I Петер 5:12

Муну къысха жазып, мен сизге, мен ышаннгылы къарындашха санагъан Силуанны къолу бла иеме. Бу сиз ийнанып тургъан Аллахны хакъ керти шафауаты болгъанына шагъатлыкъ этип, сизге кёл этдиреме.

II Петер 3:15

Эмда сюйюлюннген къарындашыбыз Пауул, анга берилген акъылманлыкъ бла сизге жазгъаны кибик, Раббийибизни кёп тёзюую бизге къутхарылыу алыргъа онг береди.