Эфеслилеге 6:11 - Сыйлы Инжил бла Забур

¹¹ Ибилисни хыйлаларына сиз къажау турургъа болалыр ючюн, Аллах берген битеу сауутланы юсюгюзге кийигиз.

Эфеслилеге 6:11 Iomraidhean Croise

Марк 13:22

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн илишанла эм сейирликле кёргюзтюрюкдюле.

Римлилеге 13:12

Кече озгъанды, кюн а жууукълашханды: алай бла, къарангылыкъны ишлерин атып, жарыкъны сауутларын юсюбюзге киейик.

Римлилеге 13:14

Алай бла Раббийибиз Масих Иссаны кюбеча юсюгюзге кийигиз эмда гюняхлы табийгъатыгъызны кюсегенлерине бой салыуну ойламагъыз.

I Коринфлилеге 10:13

Сиз хар адам да тюбеучю сыналыуладан башха тюрлю сыналыулагъа тюбемегенсиз. Аллах а ышаннгылыды. Ол сиз чыдаялмазча сыналыу бла сизни сынатмаз, алай а сыналыуда сиз тёзюп къутулурча амал да берир.

II Коринфлилеге 10:4

Бизни къазауат этген сауутларыбыз чархны сауутлары тюйюлдюле, алай а алада къалаланы бузаргъа Аллахны кючю барды. Биз ала бла бош фикирлени

II Коринфлилеге 11:3

Алай а, жилян кесини хыйлачылыгъы бла Хауаны терилтгени кибик, сизни да акъылларыгъыз, Масиххе тюз ниетлиликден тайып, бузулурла деп къоркъама.

II Коринфлилеге 2:11

Шайтан бизге заран этмез ючюн алай этгенме; нек десегиз аны аман ниетлери бизге белгисиз тюйюлдюле.

II Коринфлилеге 4:4

Кёрюнмеген Аллахны сыфаты болгъан Масихни аламатлыгъыны юсюнден Хайыр Хапарны жарыгъы иймансызланы жарытмаз ючюн, бу ёмюрню аллахы аланы акъылларын сокъур этгенди.

II Коринфлилеге 6:7

Хакъ керти сёзде, Аллахны кючю бла, онг эм сол къолларыбызда тюзлюкню сауутлары бла,

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

Эфеслилеге 4:24

Эм хакъ керти тюзлюклюлюк бла эмда сыйлылыкъ бла Аллахха ушатылып жаратылгъан жангы адамлыкъгъа кийинигиз.

Эфеслилеге 6:13

Аны себепли, сиз, огъурсуз кюнде чыдап эм барын да хорлап, таймай турургъа болалыр ючюн, Аллах берген битеу сауутланы алыгъыз.

Колослулагъа 3:10

Эмда жангы адамлыкъны кийгенсиз. Ол а аны Жаратханны сыфатыча, толу билимге жетер ючюн жангыра турады.

I Фесалоникачылагъа 5:8

Биз а кюндюзню уланлары эсек, юсюбюзге ийманны бла сюймекликни кюбесин, башыбызгъа да къутхарылыугъа ышаныуну темир бёркюн кийип аязып турайыкъ.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

Якъуп 4:7

Алай бла Аллахха боюн салыгъыз. Ибилисге къажау туругъуз, сора ол сизден къачар.

I Петер 5:8

Аязып, сагъайып туругъуз; нек десегиз сизни душманыгъыз ибилис, хырылдагъан аслан кибик, кимни жутарын излеп айланады.

Яхуда 1:24

Сизни тентиреуден сакълаяллыкъ эм Кесини махтаууну аллына айыпсыз этип къууанч бла салаллыкъ,

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 19:20

Сора жаныуар да, аны бла бирге аны аллында сейир илишанла кёргюзтген, ол илишанла бла жаныуарны тамгъасын къабыл этгенлени эм аны суратына баш ургъанланы терилтген жалгъан файгъамбар да тутулдула; ала экиси да саулай, кукурт жаннган от кёлге атылдыла.

Билим Ачханы 2:24

Сизге уа эм Тиатирада болгъан башхалагъа, ол окъууну тутмагъанлагъа эм шайтанны теренликлери аталгъан затланы билмегенлеге,