Эфеслилеге 5:3 - Сыйлы Инжил бла Забур

³ Саякълыкъны эм хар тюрлю харамлыкъны эм жыртхычлыкъны сизде атлары айтылыргъа окъуна жарарыкъ тюйюлдю, была сыйлылагъа тийишли ишле тюйюлдюле.

Эфеслилеге 5:3 Iomraidhean Croise

Забур 10:3

Мурдорла оюлгъан заманда, тюзлюклю не этерикди?» – деп къалай айтасыз?

Маттай 15:19

Нек десегиз аман ниетле, адам ёлтюрюуле, зийна этиуле, тос туруула, урлаула, жалгъан шагъатлыкъла, аман айтыула жюрекден чыгъадыла.

Лука 12:15

Ол заманда алагъа: «Къарагъыз, хар тюрлю жутлукъдан кесигизни сакълагъыз, нек десегиз адамны ёмюрю аны мюлкюню кёплюгюне къарамайды», – деди.

Лука 16:14

Муну барын ахча сюйюучю фарисейле да, эшитип, Иссаны хыликкя эте эдиле.

Ишлери 15:20

Алагъа уа, идоллагъа берилип харам болгъан ашладан, саякълыкъдан, мурдар ёлген хайуан этден эмда къандан ала кеслерин сакъласынла эмда кеслерине этилирин сюймеген затланы башхалагъа этмесинле деп жазып иерге керекди.

Ишлери 20:33

Мен бир кишиден да не кюмюш, не алтын, не кийим излемегенме.

Римлилеге 1:29

Алай бла ала хар тюрлю терсликден: саякълыкъдан, хыйлачылыкъдан, жутлукъдан, огъурсузлукъдан толгъандыла; зарлыкъдан, мурдарлыкъдан, къаугъадан, алдаудан, аман ниетден толудула.

Римлилеге 16:2

Сыйлылагъа тийишлисича Раббий ючюн аны къабыл этигиз, сизде ол не керекли болсада болушугъуз; нек десегиз ол кеси кёплеге да, мени кесиме да болушлукъчу болуп тургъанды.

Римлилеге 6:13

Эмда санларыгъызны гюняхха тюзлюксюзлюкню амалына бермегиз, алай а, ёлгенледен тиргизилгенле кибик, кесигизни Аллахха, санларыгъызны да тюзлюклюлюкню амалына Аллахха беригиз.

I Коринфлилеге 10:8

Саякълыкъ да этмейик. Аланы бир къауумлары саякълыкъ этип, бир кюннге аланы жыйырма бла юч минги жоюлгъанды.

I Коринфлилеге 5:1

Сизде мажюсюледе окъуна эшитилмеген аллай бир саякълыкъ чыкъгъанды, биреу къатыныны орунуна кесини атасыны къатынын жюрютеди деген керти хапар барды.

I Коринфлилеге 6:13

Аш къарын ючюндю, къарын да аш ючюндю; алай а Аллах аланы экисин да жокъ этерикди, чархларыбыз а саякълыкъ ючюн тюйюл, Раббий ючюндю, Раббий да чарх ючюндю.

I Коринфлилеге 6:18

Саякълыкъдан къачыгъыз; адам этген хар гюнях чархындан тышындады, саякъ а кесини чархына къажау гюнях этеди.

II Коринфлилеге 12:21

Энтда келген заманымда, мени Аллахым мени, сизни аллыгъызда ыйлыкъдырыр эм алгъын гюнях этип, этген харамлыкъларындан, саякълыкъларындан, адепсизликлеринден тобагъа къайтышмагъан кёп адам ючюн мен жиляу этерме деп къоркъама.

Эфеслилеге 5:12

Нек десегиз аллай адамланы ташада этген ишлерин айтыргъа да айыпды.

Эфеслилеге 5:5

Нек десегиз бир тюрлю саякъ, неда харам адамны, неда идоллагъа табыныучу бла бирча болгъан жыртхыч адамны, Масихни эмда Аллахны Патчахлыгъындан юлюшю болмагъанын билигиз.

Колослулагъа 3:5

Алай бла, бу дуниядагъы гюняхлы санларыгъызны ишлерин: саякълыкъны, харамлыкъны, тыйгъысызлыкъны, аман кюсеулени эмда ол идолгъа табыныу болгъан жутлукъну ёлю этигиз.

I Фесалоникачылагъа 4:3

Нек десегиз Аллах сизни сыйлы болуругъузну эмда сиз саякълыкъдан кесигизни тыярыгъызны сюеди.

I Фесалоникачылагъа 4:7

Нек десегиз Аллах бизни харамлыкъгъа тюйюл, сыйлы жашаугъа чакъыргъанды.

I Тимотейге 2:10

Алай а, Аллахны жолунда жюрюйбюз деп шагъатлыкъ этген тиширыулагъа тийишлисича, кеслерин хайырлы ишле бла ариу этсинле.

I Тимотейге 3:3

Ичгичи болмагъан, тюйюшюучю болмагъан, кесине хайырны сюйюучю болмагъан, алай а тынч, жарашыулукъну сюйюучю, ахча сюйюучю болмагъан,

I Тимотейге 6:10

Нек десенг битеу аманлыкъланы тамыры ахча сюймекликди, анга бир къауумла кеслерин берип иймандан тайгъандыла эм кеслери-кеслерин кёп къайгъылагъа салгъандыла.

II Тимотейге 3:2

Нек десенг адамла, кеслерин бек сюйюучюле, ахчаны сюйюучюле, махтанчакъла, ёхтемле, аман сёзчюле, ата-аналарына бойсунмаучула, игиликни билмегенле, Аллахха хурмет этмеучюле, сюймекликлери болмагъанла,

Титге 1:11

Аллайланы ауузларын тыяргъа керекди. Ала айыплы малкёзлюк бла, жарамагъан затлагъа юйретип, сау юйюрлени терсине бурадыла.

Титге 1:7

Нек десенг жамауатны къуллукъчусу, Аллахны юй жюрютюучюсюча айыпсыз болургъа керекди. Бурушакъыл болмагъан, ачыуланыучу болмагъан, ичгичи болмагъан, тюйюшюучю болмагъан, кесине хайырны сюйюучю болмагъан,

Титге 2:3

Аны кибик къарт къатынла да сыйлылагъа тийишлисича жашасынла, тилчиле болмасынла, ичгичиликге къул болмасынла, игиликге юйретсинле.

Чюйютлелеге 12:16

Сизни арагъызда бир тюрлю саякъ неда Эсауча Аллахдан узакъ болгъан адам болмасын. Эсау бир ашарыкъ ючюн кесини тюнгюч эркинлигин сатханды.

I Петер 5:2

Аллахны сизде болгъан сюрюуюн кютюгюз; зорсуз, кесигиз сюйюп эм Аллахны ыразы этип, кесигизге хайыр излеген аманлыкъ бла тюйюл, алай а кёл салып къарагъыз.

II Петер 2:10

Бегирек да гюняхлы табийгъатлары кюсеген харам ишлерини ызындан баргъанланы, Раббийни буйругъун сан этмегенлени, бетсизлени, бурушакъыл адамланы, махтаулулагъа аман айтыргъа къоркъмагъанланы, къыямат кюннге, азап берирге къалай сакъларгъа биледи.

II Петер 2:14

Аланы кёз алларында жаланда саякъ тиширыула эмда тохтаусуз гюнях этиу турадыла; ала бегимсиз адамланы терилтедиле; аланы жюреклери жыртхычлыкъны сюйюуге юйреннгенди. Ала налат адамладыла.

II Петер 2:3

Малкёзлюклеринден кёзбау сёзле айтып, сизден хайырланырыкъдыла. Алагъа сюд эрттеден хазырды, аланы Жоярыкъ да жукълап турмайды.

Билим Ачханы 2:14

Алай а санга къажау айтыр бир аз затым да барды: сизни арагъызда Биламны юйретиуюн тутханла бардыла. Ол, Израил улуланы терилтип, алагъа идоллагъа этилген къурманланы этлерин ашатыргъа эм аланы саякъ этерге Балакъны юйретгенди.

Билим Ачханы 2:21

Аны саякълыкъ этиуюнден тобагъа къайтышыргъа Мен анга заман бергенме, алай а ол тобагъа къайтышыргъа унамайды.

Билим Ачханы 21:8

Къоркъакъланы, иймансызланы, харамланы, мурдарланы, саякъланы, хыйнычыланы, идоллагъа табыныучуланы эм битеу ётюрюкчюлени къадарлары уа от бла кукурт жаннган кёлдеди; бу экинчи ёлюмдю», – деди.

Билим Ачханы 22:15

Ит адамла эм хыйнычыла, саякъ адамла эм мурдарла, идоллагъа табыныучула эм ётюрюкню сюйюучю эм этиучю хар адам шахардан тышындадыла.

Билим Ачханы 9:21

Ала не адам ёлтюрюулеринден, не хыйны этиулеринден, не саякълыкъ этиулеринден, не уручулукъларындан тобагъа къайтышмадыла.