Эфеслилеге 4:5 - Сыйлы Инжил бла Забур

⁵ Раббий бирди, ийман бирди, сууда кёмюлдюрюлюу бирди,

Эфеслилеге 4:5 Iomraidhean Croise

Маттай 28:19

Энди барыгъыз, битеу миллетлени юйретигиз, Атаны, Уланыны эмда Сыйлы Нюрню аты бла аланы сууда кёмюлдюрюгюз.

Ишлери 10:36

Аллах Израиль улулагъа Сёзюн ийгенди эм барысыны да Раббийи болгъан Масих Иссаны юсю бла жарашыулукъну Хайыр Хапарын билдиргенди.

Ишлери 2:36

Алай бла битеу Израильни юйюрю, къаты билигиз, бу сиз къачха керген Иссаны, Аллах Бий эм Масих этгенди», – деп сёлешди.

Римлилеге 3:30

Нек десегиз сюннетлилени ийман бла ариуларыкъ бир Аллах сюннетсизлени да ийманны юсю бла ариуларыкъды.

I Коринфлилеге 1:13

Сора Масих юлешиннгенми этгенди? Сора сизни ючюн къачха Пауулму керилгенди? Неда сиз Пауулну аты ючюнмю сууда кёмюлдюрюлгенсиз?

I Коринфлилеге 1:2

Аллахны Коринфде болгъан жамауатына салам! Сизге – Масих Иссада сыйлы этилип, сыйлы болургъа чакъырылгъанлагъа эм хар жерде барыбызны Раббийи Масих Иссаны атын айтып тилек этген битеу адамлагъа –

I Коринфлилеге 12:13

Нек десегиз биз барыбыз да, бир чарх болур ючюн, бир Нюрде кёмюлдюрюлгенбиз, иудейлиле неда греклиле, къулла неда азатла, барыбызгъа да бир Нюрден ичерге берилгенди.

I Коринфлилеге 12:5

Къуллукъ этиуле да кёп тюрлюдюле, Раббий а бирди.

I Коринфлилеге 8:6

Бизде уа бир Аллах Атады, хар зат да Анданды, биз да Аны ючюн барбыз; эм Раббий Масих Исса да бирди, хар зат да Аны юсю бла жаратылгъанды, биз да Аны юсю бла жашайбыз.

II Коринфлилеге 11:4

Нек десегиз ким болсада биреу, сизге келип, биз сизге билдирмеген башха Иссаны билдирип башласа, неда сиз алгъын алмагъан башха нюр алсагъыз неда сиз къабыл этмеген башха хайыр хапарны къабыл этсегиз, сиз анга бек иги тёзесиз.

Галатиялылагъа 5:6

Нек десегиз Масих Иссада не сюннетлиликни, не сюннетсизликни кючю жокъду, алай а кюч сюймеклик бла жюрюген иймандады.

Эфеслилеге 4:13

Муну ахырында барыбыз да ийманда эм Аллахны Уланын билиуде бирликге, тамам кишиликге, Масихни толулугъуну тамам мардасына жетербиз.

Титге 1:1

Аллахны сайлагъанларыны ийманларын эмда Аллахны жолунда хакъ кертини ангылауларын алгъа бардырыр ючюн, Аллахны къулу эм Масих Иссаны абустолу болургъа сайланнган мен Пауулдан салам!

Титге 1:4

Экибизде да болгъан ийманда керти жашым Титге, Атабыз Аллахдан эм Къутхарыучубуз Раббий Масих Иссадан шафауат, мархамат эм ырахатлыкъ болсун.

Чюйютлелеге 13:7

Сизге Аллахны сёзюн билдирген оноучуларыгъызны эсигизде тутугъуз эм аланы жашауларыны ахырына къарап, аланы ийманларындан юлгю алыгъыз.

Чюйютлелеге 6:6

Иймандан тайгъанланы жангыдан тобагъа къайтышыу бла жангыртыргъа амал жокъду. Ала жангыдан кеслери-кеслеринде Аллахны Уланын къачха кередиле эм Анга бедиш этедиле.

Якъуп 2:18

Алай а биреу: «Сени ийманынг барды, мени уа ахшы ишлерим барды», – деп айтыргъа болур. Сен ахшы ишсиз ийманынгы манга кёргюзт, мен а ахшы ишлерим бла ийманымы санга кёргюзтейим!

I Петер 3:21

Аны кибик, бизни да энди ол халда сууда кёмюлдюрюлгенибиз, чархыбызны кирин жуумакълыкъ тюйюлдю, алай а Аллахха тюз ниетли болургъа сёз бермеклик болуп, Масих Иссаны тиргизилгени бла бизни къутхарады.

II Петер 1:1

Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!

Яхуда 1:20

Сиз а, сюйюлюннгенле, эм сыйлы ийманыгъыз бла кесигизни кючлендирип, Сыйлы Нюр бла тилек этигиз.

Яхуда 1:3

Сюйюлюннгенле! Барыбыз да сынагъан къутхарылыудан сизге жазаргъа уллу къадалыуум болгъанлай да, мен, сизни сыйлылагъа бир кере берилген ийман ючюн кюреширге чакъырыр ючюн, жазаргъа кереклиге санайма.