Эфеслилеге 4:24 - Сыйлы Инжил бла Забур

²⁴ Эм хакъ керти тюзлюклюлюк бла эмда сыйлылыкъ бла Аллахха ушатылып жаратылгъан жангы адамлыкъгъа кийинигиз.

Эфеслилеге 4:24 Iomraidhean Croise

Лука 1:75

Бизни битеу жашау кюнлерибизде Кесини аллында сыйлылыкъ бла эм тюзлюк бла Кесине къоркъуусуз къуллукъ этдирирге айтханды.

Ахия 17:17

Сени хакъ керти нг бла аланы сыйлы эт; Сени сёзюнг хакъ кертиди.

Римлилеге 12:2

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

Римлилеге 13:12

Кече озгъанды, кюн а жууукълашханды: алай бла, къарангылыкъны ишлерин атып, жарыкъны сауутларын юсюбюзге киейик.

Римлилеге 13:14

Алай бла Раббийибиз Масих Иссаны кюбеча юсюгюзге кийигиз эмда гюняхлы табийгъатыгъызны кюсегенлерине бой салыуну ойламагъыз.

Римлилеге 6:4

Ол себепден, Масих Атаны махтаулу кючю бла ёлгенледен тиргизилгени кибик, биз да жангыргъан жашауда алай жюрюр ючюн, сууда кёмюлдюрюлюуюбюз бла Аны бла ёлюмге кёмюлгенбиз.

Римлилеге 7:6

Энди уа, биз ёлюп, алгъын бизни жесир этген Закондан эркин болгъанбыз, жазыл гъан жорукъла бла байланнган эски жа шауда тюйюл, Сыйлы Нюр берген жангы жашауда Аллахха къуллукъ этер ючюн За кондан азат болгъанбыз. Гюнях бла сермешиу

Римлилеге 8:29

Нек десегиз Кесини Уланы кёп къарындашланы арасында биринчи туугъан болур ючюн, Аллах кимлени алгъындан билген эсе, аланы Кесини Уланыны сыфатына ушатыргъа алгъындан белгили этгенди.

I Коринфлилеге 15:53

Нек десегиз бу чиририк чархыбыз чиримезликни киерге керекди эм бу ёллюк чархыбыз да ёлюмсюзлюкню киерге керекди.

II Коринфлилеге 3:18

Биз а барыбыз да, кюзгюде кибик, ачыкъ бетли болуп, Раббийни аламатлыгъына къарап, Анга ушаш болур ючюн аламатлыкъны бир даражасындан бир даражасына тюрленебиз; бу да Раббийни Нюрюню юсю бла болады.

II Коринфлилеге 4:16

Ол себепден биз мудах болмайбыз; алай а бизни тыш чархыбыз бузула эсе да, ичибиздеги уа кюнден-кюннге жангырады.

II Коринфлилеге 5:17

Мынга кёре, ким Масихде эсе, ол жангы жаратылгъан адамды. Буруннгу озгъанды, энди уа хар неда жангыды.

Галатиялылагъа 3:27

Сиз барыгъыз да, сууда кёмюлдюрюлюп, Масих бла бирлешгенле, Масиххе кийиннгенсиз.

Галатиялылагъа 6:15

Нек десегиз Масих Иссада сюннетлиликни да, сюннетсизликни да магъанасы жокъду, жаланда магъаналы болгъан – жангыдан жаратылыуду.

Эфеслилеге 2:10

Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.

Эфеслилеге 2:15

Эки къауумубузну да бир этгенди, Кесини чархы бла арабызда тургъан тыйгъычны, душманчылыкъны кетергенди.

Эфеслилеге 6:11

Ибилисни хыйлаларына сиз къажау турургъа болалыр ючюн, Аллах берген битеу сауутланы юсюгюзге кийигиз.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Чюйютлелеге 1:8

Уланыны юсюнден а: «Эй Аллах, Сени тахтанг ёмюрден ёмюргеди; Патчахлыгъынгы таягъы тюзлюк таягъыды.

Чюйютлелеге 12:14

Битеу адамла бла жарашыулу жашаргъа эмда сыйлы болургъа кюрешигиз; сыйлы болмаса, бир киши да Раббийни кёрлюк тюйюлдю.

I Петер 2:2

Жангы туугъан сабийле кибик, Аллахны таза сютге ушагъан сёзюн сюйюгюз, аны бла, ёсюп, къутхарылыугъа жетерсиз.

II Петер 1:4

Аланы хайырындан а, бизге бек уллу эм багъалы ант сёзле берилгендиле; алай бла сиз, бу дунияны бийлеп тургъан тыйгъычсызлыкъ бла бет жоюудан кери болуп, ол ант сёзлени юсю бла Аллахны табийгъатына къошулурсуз.