23 Акъылыгъызны нюрю бла уа жангырыгъыз
Мен а Аллахны юйюнде хар заманда да жашиллей тургъан зейтун терек кибикме эмда ёмюрледен ёмюрлеге да Аллахны мархаматына ышанама.
Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.
Ол себепден, Масих Атаны махтаулу кючю бла ёлгенледен тиргизилгени кибик, биз да жангыргъан жашауда алай жюрюр ючюн, сууда кёмюлдюрюлюуюбюз бла Аны бла ёлюмге кёмюлгенбиз.
Гюняхлы табийгъатны ойлашыулары ёлюм, Нюрню ойлашыулары уа жашау эм ырахатлыкъды.
Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.
Эмда жангы адамлыкъны кийгенсиз. Ол а аны Жаратханны сыфатыча, толу билимге жетер ючюн жангыра турады.
Ол бизни, биз этген тюзлюклю ишле бла тюйюл, алай а Кесини мархаматы бла, Сыйлы Нюр бла жангыдан туудуруу эм жангыртыу хамам бла къутхаргъанды.
Ол себепден, акъылыгъызны ишге хазыр тутуп, сагъайып туругъуз, Масих Иссаны келиую бла сизге бериллик шафауатха толу ышаныгъыз.
