Эфеслилеге 4:14 - Сыйлы Инжил бла Забур

¹⁴ Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

Эфеслилеге 4:14 Iomraidhean Croise

Забур 59:3

Аллах! Сен бизни атып къойдунг, Сен бизни ууатдынг, Сен чамландынг; энди бизге ал бур.

Маттай 11:7

Ала кетгенлей а, Исса Ахияны юсюнден халкъгъа былай айтып башлады: «Сиз къум тюзге неге къараргъа баргъан эдигиз? Жел къымылдатхан къамишгеми?

Маттай 24:11

Кёп жалгъан файгъамбарла чыгъарыкъдыла, кёплени жангылтырыкъдыла.

Маттай 24:24

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн уллу илишанла бла сейирликле кёргюзтюрюкдюле.

Ишлери 23:21

Алай а сен алагъа ышанма; нек десенг аладан къыркъдан артыкъ адам, аны ёлтюргюнчю, не ашамазгъа, не ичмезге къаргъанып ант этгендиле, ала, бугъуп, аны марап турадыла; энди хазыр болуп, сени буйругъунгу сакълайдыла», – деп жууап этди.

I Коринфлилеге 12:2

Сиз, мажюсю заманыгъызда, тилсиз идоллагъа сизни сюрюп элтген кибик, алай жюрюгенигизни билесиз.

I Коринфлилеге 14:20

Къарындашла! Акъылдан сабийле болмагъыз: аманлыкъ жанындан гитче сабийле болугъуз, акъыл жанындан а акъыл-балыкъ болгъанла болугъуз.

I Коринфлилеге 3:19

Нек десегиз бу дунияны акъылманлыгъы Аллахны аллында акъылсызлыкъды. Китапда жазылгъаны кибик: «Аллах акъылманланы аланы хыйлачылыкълары бла тутады».

II Коринфлилеге 2:17

Нек десегиз биз, кёплеча, Аллахны сёзюн кесибизге файда болур ючюн жюрютюучюле тюйюлбюз, алай а Аллах ийгенле, Масихникиле болуп, Аллахны аллында таза жюрекден айтабыз.

II Коринфлилеге 4:2

Алай а, таша болгъан айыплы ишлени атып, хыйлалыкъ этерге излемей эм Аллахны сёзюн терсине бурмай, хакъ кертини уа ачып, кесибизни хар адамны жюрегине Аллахны аллында ачыкъ этебиз.

Галатиялылагъа 3:1

Эй ангылаусуз Галатиялыла! Масих Исса сизни кёзлеригизни аллында къачха керилген халда суратланнганлай да, сиз хакъ кертиге боюн салмазгъа сизге ким хыйны этгенди?

Эфеслилеге 6:11

Ибилисни хыйлаларына сиз къажау турургъа болалыр ючюн, Аллах берген битеу сауутланы юсюгюзге кийигиз.

I Тимотейге 3:6

Жангы ийнаннганладан болургъа да керек тюйюлдю; алай болмаса, ёхтемленип, ибилис бла бирге терсликге тюшер.

II Тимотейге 1:15

Битеу асиячыла мени атып къойгъанларын сен билесе, Фигел бла Эрмоген да ала бла бирге.

II Тимотейге 3:13

Огъурсуз адамла бла терсине юйретиучюле уа ажашдыра эм ажаша, амандан аман бола барлыкъдыла.

II Тимотейге 4:3

Нек десенг адамла тюз окъууну эшитирге да сюймеген заман келликди. Ала кеслери кюсеген затланы этип, эшитирге сюйген затларын айтырыкъ устазла, чакъырып, алагъа тынгыларыкъдыла

Чюйютлелеге 13:9

Тюрлю къужур окъуулагъа кесигизни бермегиз. Нек десегиз жюреклеригизни Аллахны шафауаты бла кючлендирмеклик игиди, энчи ашарыкъла бла тюйюл, алагъа ышаннганла аладан хайыр алмагъандыла.

Якъуп 1:6

Алай а, ийнаныу бла, не аз да ишекленмей тилесин; нек десегиз ишеклениучю адам жел кётюрюп чачхан тенгиз толкъуннга ушайды.

Якъуп 3:4

Ма, кемеле да, не уллу эселе да эм не кючлю желле бла жюрюй эселе да, гитче руль бла аны, кемени, жюрютюучю къайры сюйсе да бурады;

II Петер 2:18

Нек десегиз ала махтанчакълыкъ бла бош сёзле айтып, ажашыуда тургъанладан кючден къутулгъанланы гюняхлы табийгъатларыны кюсеулери бла саякълыкъгъа тутадыла;

I Ахия 2:19

Ала бизден чыкъгъандыла, алай а бизникиле тюйюл эдиле; нек десегиз ала бизникиле болсала эди, бизни бла къалыр эдиле. Алай а аланы бизден чыкъгъанлары ала бири да бизни болмагъанын кёргюзтгенди.

I Ахия 2:26

Мен быланы сизни терилтгенле ючюн жазгъанма.

I Ахия 4:1

Сюйюлюннгенле! Хар тюрлю нюрге ийнанып къалмагъыз, алай а нюрлени Аллахдан болгъанларын сынагъыз. Нек де сегиз дунияда кёп жалгъан файгъамбарла чыкъгъандыла.

Яхуда 1:12

Аллайла сизни сюймеклик ушхууурларыгъызгъа бедиш келтиредиле: сизни бла ашапичип, къоркъуусуз кеслерин семиртедиле; ала жел айландыргъан суусуз булутладыла; тамырлары бла чыгъарылгъан, эки кере ёлген, кёгетсиз, кюз артындагъы терекледиле;

Билим Ачханы 19:20

Сора жаныуар да, аны бла бирге аны аллында сейир илишанла кёргюзтген, ол илишанла бла жаныуарны тамгъасын къабыл этгенлени эм аны суратына баш ургъанланы терилтген жалгъан файгъамбар да тутулдула; ала экиси да саулай, кукурт жаннган от кёлге атылдыла.