Эфеслилеге 3:9 - Сыйлы Инжил бла Забур

⁹ Эм хар нени да Масих Иссаны юсю бла жаратхан Аллахда, ёмюрлюкден жашырылып болгъан сыр къалай къуралгъанын барына да ачыкъларгъа манга шафауат берилгенди.

Эфеслилеге 3:9 Iomraidhean Croise

Забур 33:6

Кёзлерин Анга къаратхан адамла жарыкъланадыла, аланы бетлери да уялырыкъ тюйюлдю.

Маттай 10:27

Сизге къарангыда не айтханымы, жарыкъда айтыгъыз; къулагъыгъызгъа айтылып эшитгенигизни юй башладан билдиригиз.

Маттай 13:35

Бу, файгъамбарны юсю бла: «Оюм берген таурухла бла сёзюмю башларма; дуния жаратылгъандан жашырын тургъанны айтырма», – деп айтылгъан сёз толур ючюн болду.

Маттай 25:34

Ол заманда Патчах Кесини онг жанындагъылагъа: „Келигиз, Атамы алгъышлылары, дуния жаратылгъандан бери сизге хазырланып тургъан Патчахлыкъгъа ие болугъуз.

Маттай 28:19

Энди барыгъыз, битеу миллетлени юйретигиз, Атаны, Уланыны эмда Сыйлы Нюрню аты бла аланы сууда кёмюлдюрюгюз.

Лука 24:47

Эмда, Иерусалимден башлап, битеу миллетлеге тобагъа къайтышыудан бла гюняхланы кечирилиуюнден хапар Аны аты бла билдирилирге керекди.

Ахия 10:30

Мен бла Ата бирбиз», – деп жууап этди.

Ахия 5:17

Исса уа алагъа: «Мени Атам эндиге дери аллай ишле этеди, Мен да этеме», – деди.

Ахия 5:19

Бу затха Исса: «Кертисин, кертисин айтама сизге: Улан Атасыны эте тургъанын кёрмесе, Кеси-Кесинден бир зат да эталлыкъ тюйюлдю; Ол не эте эсе да, Улан да алай этеди.

Ишлери 15:18

Аллахны битеу ишлери ёмюрлюкден да Кесине белгилидиле.

Римлилеге 11:25

Къарындашла, сиз кесигизни уллудан кёрмез ючюн, бу тасханы сизге билдирмей къояргъа сюймейме: Израильни терсакъыл болгъаны жангыз бир заманнга дери, башха миллетлиледен къутхарыллыкъланы саны толгъунчугъа дериди.

I Коринфлилеге 2:7

Алай а Аллах ёмюрледен да алгъа бизни махтауубузгъа буюргъан, Аллахны таша, жашырын акъылманлыгъын билдиребиз.

Эфеслилеге 1:4

Биз сюймеклик бла Аны аллында сыйлы эм айыпсыз болур ючюн, Ол бизни дуния жаратылырдан да алгъа Масихде сайлагъанды.

Эфеслилеге 3:2

Аллах шафауатын сизге билдирирге мени боюнума салгъанын сиз эшитген болурсуз:

Эфеслилеге 6:19

Эм мени ючюн да тилек этигиз; мен Хайыр Хапарны сырын таукеллик бла ачыкъ билдирирге манга сёз берилир ючюн,

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:26

Озгъан ёмюрледен бла тукъумладан жашырылгъан, энди уа Аны сыйлыларына ачыкъ этилген тасханы – хар жерде да билдириудю.

Колослулагъа 3:3

Нек десегиз сиз ёлгенсиз, сизни жашауугъуз да Масих бла бирге Аллахда жашырылыпды.

Колослулагъа 4:3

Аны кибик, биз Аллахны сёзюн жайып, мен аны ючюн тутмакъ болгъан Масихни тасхасын билдирир ючюн, Аллах бизге эшик ачсын деп, бизни ючюн да тилек этигиз.

II Фесалоникачылагъа 2:13

Биз а хар заманда сизни ючюн Аллахха шукур этерге керекбиз, Раббий сюйген къарындашла; нек десегиз Аллах сизни, Нюр бла сыйлы болууугъузну эм хакъ кертиге ийнаныуугъузну юсю бла, къутхарыргъа алгъындан сайлагъанды

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

II Тимотейге 1:9

Аллах, бизни ишлерибизге кёре тюйюл, Кесини муратына эм шафауатына кёре бизни къутхарып, сыйлы жашаугъа чакъыргъанды. Ол шафауат бизге Масих Иссада ёмюрледен да алгъын берилгенди,

II Тимотейге 4:17

Алай а, Хайыр Хапар мени юсюм бла толусунлай билдирилир ючюн эм аны битеу миллетле эшитир ючюн, Раббий, къатымда туруп, мени кючлендиргенди, мен да асланны жаякъларындан къутулгъанма.

Титге 1:2

Абустоллугъум а сёзюнден таймагъан Аллах ёмюрледен да алгъын заманлада берирге айтхан ёмюрлюк жашаугъа ышаныуума таянады.

I Петер 1:20

Масих а дуния жаратылырдан да алгъа жораланнганды, алай а ахыр заманлада сизни ючюн келгенди.

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.

Билим Ачханы 14:6

Сора мен кёкню арасында учхан башха мёлекни кёрдюм. Ол мёлег’а, жер башында жашагъанлагъа – хар миллетге эм тукъумгъа, хар тилге эм хар халкъгъа – билдирир ючюн, ёмюрлюк Хайыр Хапарны къолунда тутуп тура эди.

Билим Ачханы 17:8

Ол сен кёрген жаныуар бар эди эм жокъду, тюпсюз теренликледен чыгъарыкъды эм жоюлуугъа кетерикди. Жер башында жашагъанладан атлары дуния жаратылгъандан бери жашау китабында жазылмагъан адамла жаныуарны алгъын болгъанын энди уа жокълугъун кёргенде хайран боллукъдула. Алай а ол энтда бир кере чыгъарыкъды.

Билим Ачханы 4:11

«Я Раббий Аллахыбыз, хурметни да, махтауну да, кючню да алыргъа тийишли Сенсе; хар нени да Сен жаратханса эм хар неда Сени буйругъунг бла бар болуп турады эм жаратылгъанды», – дейдиле.