Эфеслилеге 3:8 - Сыйлы Инжил бла Забур

⁸ Сыйлыланы битеу барындан да эм гитче болгъанымлай, Масихни акъылгъа сыйынмагъан байлыгъыны юсюнден башха миллетлеге хайыр хапар берирге

Эфеслилеге 3:8 Iomraidhean Croise

Лука 14:22

Сора къул: „Бийим! Сени буйругъунг толтурулгъанды, алай а энтда жер барды“, дегенди.

Ахия 1:16

Аны толулугъундан биз барыбыз да шафауат юсюне шафауат алгъанбыз;

Ишлери 5:41

Абустолла уа Раббий Иссаны аты ючюн сансыз этилирге тийишли кёрюлгенлерине къууанып, синедриондан кетдиле.

Ишлери 9:15

Алай а Раббий анга: «Бар! Нек десенг миллетлеге эм патчахлагъа эмда Израиль улулагъа Мени атымы билдирир ючюн, ол Мени сайлагъан сауутумду.

Римлилеге 11:33

Эй, Аллахны байлыгъы, терен акъыллылыгъы эм билими къалай чексиз уллуду! Аны къадарлары акъылгъа сыйынмазча, Аны жоллары да тинтип билмезча къалай сейирликдиле!

Римлилеге 12:10

Ариу хал бла бир-биригизге къарындаш сюйюучюле болугъуз. Бир-биригизге хурмет этиуде эришигиз.

Римлилеге 2:4

Неда Аллахны ахшылыкъдан байлыгъын, сабырлыгъын эм кёп тёзюуюн сансыз этипми къояса, Аллахны ахшылыгъы сени тобагъа къайтарыргъа элтгенин ангыламаймыса?

I Коринфлилеге 1:30

Алай а сиз Аллахны болушлугъу бла Масих Иссадасыз. Масих а бизни ючюн Аллахдан келген акъылманлыкъ, тюзлюклюлюк, сыйлылыкъ эмда гюняхларыбызны тёлеген болуп къалгъанды,

I Коринфлилеге 15:9

Нек десегиз мен абустолланы бек гитчелериме. Аллахны жамауатына зулму этгеним себепли, абустол аталыргъа тийишли да тюйюлме.

I Коринфлилеге 2:9

Алай а, Китапда жазылгъаны кибик: «Аллах Аны сюйгенлеге не хазырлагъанын кёз да кёрмегенди, къулакъ да эшитмегенди эм ол адамны жюрегине да келмегенди».

Галатиялылагъа 1:16

Мен Аны Хайыр Хапарын миллетлеге жаяр ючюн, Кесини Уланын манга ачаргъа ыразы болгъанында, мен ол сагъат окъуна инсанла бла кенгешмегенме.

Галатиялылагъа 2:8

Нек десегиз сюннетлилеге абустол болургъа Петерге кюч берген Аллах, манга да башха миллетлилеге абустол болургъа кюч бергенди.

Эфеслилеге 2:7

Ол, Масих Иссада бизге этген игилик бла, Кесини шафауатыны мардасыз уллу байлыгъын келлик ёмюрледе кёргюзтюр ючюн алай этгенди.

Эфеслилеге 3:1

Ол себепден а мен, Пауул, сиз башха миллетлиле ючюн Масих Иссагъа жесир болгъанма.

Эфеслилеге 3:16

Ол, Кесини аламатлыгъыны байлыгъындан, Кесини Нюрю бла ич адамыгъызда кюч берип, сизни бегитсин,

Эфеслилеге 3:19

Ангылаудан озгъан бу сюймекликни билиригизни эм алай бла Аллахны битеу толулугъу бла толуругъузну тилейме.

Эфеслилеге 3:2

Аллах шафауатын сизге билдирирге мени боюнума салгъанын сиз эшитген болурсуз:

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

I Тимотейге 1:13

Мен алгъын аман айтыучу эм зулмучу эмда жюрек къыйнаучу эдим. Алай а Аллах манга мархамат этгенди; нек десегиз ол затланы, билмегенлей, ийнанмагъан заманымда этгенме.

I Тимотейге 1:15

«Масих Исса дуниягъа гюняхлыланы къутхарыр ючюн келгенди», – деген сёз ышаннгылыды эм хар жаны бла да къабыл этилирге тийишлиди. Аланы барындан да эм аман а менме.

I Тимотейге 2:7

Аны ючюн мен Хайыр Хапарны жайыучу эмда абустол болургъа сайланнганма – Масихники болуп тюзюн айтама, ётюрюк айтмайма – миллетлени ийманнга эмда хакъ кертиге юйретген устаз болургъа сайланнганма.

II Тимотейге 1:11

Мен бу Хайыр Хапарны миллетлеге билдириучю абустол эм устаз болургъа сайланнганма.

Билим Ачханы 3:18

Сен бай болур ючюн, отда тазаланнган алтынны эм кийинир ючюн, къымыжалыгъынгы уятлыгъы кёрюнмез ючюн, акъ кийимни Менден алыргъа санга акъыл юйретеме; кёрюр ючюн да, кёзлеринге кёз дарман сюрт.