Эфеслилеге 3:20 - Сыйлы Инжил бла Забур

²⁰ Бизде жюрюген кючю бла, бизни тилегенибизден да неда ойлашыуубуздан да бек аламат кёп эталлыкъ Аллахха,

Эфеслилеге 3:20 Iomraidhean Croise

Маттай 3:9

Жюрегигизде: „Бизни атабыз Ибрахимди“ деп ойламагъыз; нек десегиз Аллах Ибрахимге сабийле бу ташладан да болдураллыкъды деп айтама сизге.

Ахия 10:10

Гудучу жаланда урлар, ёлтюрюр эм жояр ючюн келеди; Мен а адамланы жашаулары болур ючюн эм жашаулары артыгъы бла болур ючюн келгенме.

Римлилеге 4:21

Эмда анга берген сёзюн толтурургъа, Аллахны кючю болгъанына толу ышанып тургъанды.

I Коринфлилеге 2:9

Алай а, Китапда жазылгъаны кибик: «Аллах Аны сюйгенлеге не хазырлагъанын кёз да кёрмегенди, къулакъ да эшитмегенди эм ол адамны жюрегине да келмегенди».

II Коринфлилеге 9:8

Сизни хар заманда, хар не жаны бла да хар затыгъыз эркин болуп, сиз хар ахшы ишге чомарт болуп къошулур ючюн, Аллахны сизге хар игиликни кёп этерге кючю барды,

Эфеслилеге 1:19

Эм Аны бизде, ийнаннганлада болгъан къудуретини мардасыз уллулугъун сиз ангылар ючюн жюреклеригизни кёзлерин жарытсын деп тилейме.

Эфеслилеге 3:7

Аллахны менде жюрюген кючю бла манга берген шафауатыны саугъасы бла мен ол Хайыр Хапарны жайыучу жумушчу болгъанма.

Колослулагъа 1:29

Масихни менде жюрюген деменгили кючю бла, мен муну ючюн урунуп кюрешеме.

I Тимотейге 1:14

Алай а ийман бла эм Масих Иссада болгъан сюймеклик бла бирге Раббийибизни шафауаты манга толу берилгенди.

Чюйютлелеге 11:19

Нек десегиз ол, ёлгенледен тиргизирге да Аллахны кючю жетерикди деп, ойлагъанды. Ол себепден, тюзюн айтханда, Исхакъны ёлюмден кери алгъанды.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

Якъуп 4:12

Къутхарыргъа да, жояргъа да болаллыкъ, Закон Бериучю эм Сюдю бирди: башханы терслеген сен а кимсе?

II Петер 1:11

Нек десегиз бизни Раббийибиз эм Къутхарыучубуз Масих Иссаны ёмюрлюк Патчахлыгъына эркин эшик сизге алай ачыллыкъды.

Яхуда 1:24

Сизни тентиреуден сакълаяллыкъ эм Кесини махтаууну аллына айыпсыз этип къууанч бла салаллыкъ,