Эфеслилеге 3:17 - Сыйлы Инжил бла Забур

¹⁷ Ийманыгъыз бла Масих жюреклеригизде жашасын деп тилейме.

Эфеслилеге 3:17 Iomraidhean Croise

Маттай 13:6

Кюн чыкъгъан заманда уа, зыгытла мууал болдула да, терен тамырлары болмагъаны себепли, къурудула.

Лука 6:48

Ол, къазып, терен этип, мурдорун ташны юсюне салып юй ишлеген адамгъа ушайды. Суу къутургъан заманда, ырхы ол юйге бошланнганда, юй ташны юсюнде орналгъаны себепли, (суу) аны жеринден тепдиралмады.

Ахия 14:17

Аны уа дуния къабыл эталмайды, нек десегиз Аны кёрмейди эм танымайды. Сиз а таныйсыз Аны, нек десегиз Ол сизни бла болуп турады эм ичигизде боллукъду.

Ахия 14:23

Исса анга жууапха былай айтды: «Мени сюйген адам, Мени сёзюмю тутады; Мени Атам да аны сюерикди, Биз да анга келликбиз эмда анда мекям этерикбиз.

Ахия 17:23

Мен алада, Сен да Менде болуп, ала толу бирликге жетсинле эмда Мени Сен ийгенинги эм Мени сюйгенинг кибик, аланы да сюйгенинги дуния билсин.

Ахия 6:56

Мени чархымы ашагъан эм Мени къанымы ичген Менде жашайды, Мен да – анда.

Римлилеге 5:5

Ышаныу а айыплы этмейди; нек десегиз бизге берилген Сыйлы Нюрню юсю бла бизни жюреклерибизге Аллахны сюймеклиги къуюлгъанды.

I Коринфлилеге 3:6

Мен орнатханма, Аполлос сугъаргъанды, ёсдюрген а Аллах этгенди;

I Коринфлилеге 8:1

Идоллагъа этилген къурманланы этлерини юсюнден биз билебиз; нек десегиз бизни барыбызны да билимибиз барды. Алай а билим адамны эсирик этеди, сюймеклиг’а нюр жанындан ёсдюреди.

II Коринфлилеге 13:5

Сиз иймандамысыз – кесигиз-кесигизни сынагъыз, кесигиз-кесигизни тинтип къарагъыз. Масих Иссаны сизде болгъанын сиз кесигиз билмеймисиз? Алай болмаса, сиз сыналыугъа чыдаялмай къалыр эдигиз.

II Коринфлилеге 6:16

Аллахны юйюню идолла бла бирге не келишиую барды? Нек десегиз сиз, жашау берген Аллахны юйюсюз: «Алада мекям салып, араларында жюрюрюкме. Мен аланы Аллахы боллукъма, ала да Мени халкъым боллукъдула, – деп Аллахны айтханы кибик.

Галатиялылагъа 2:20

Сора энди уа мен жашамайма, алай а менде Масих жашайды. Энди чархымда жашай эсем а, сора мени сюйюп, Кесин мени ючюн берген Аллахны Уланына ийнаныуум бла жашайма.

Галатиялылагъа 5:6

Нек десегиз Масих Иссада не сюннетлиликни, не сюннетсизликни кючю жокъду, алай а кюч сюймеклик бла жюрюген иймандады.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 2:7

Масихде тамырланып эм бегинип эмда ийман бла кючленип, сиз юйреннгенигизча, Аллахха шукур этиу бла ийманда жетишимли болугъуз.

I Ахия 4:16

Биз да Аллахны бизге болгъан сюймеклигин билгенбиз эм ол сюймекликге ийнаннганбыз. Аллах сюймекликди, сюймекликде жашагъан адам Аллахда жашайды, Аллах да ол адамда жашайды.

I Ахия 4:4

Сабийле! Сиз Аллахдансыз эм жалгъан файгъамбарланы хорлагъансыз; нек десегиз Ол сизде болгъан, бу дунияда болгъандан уллуду.

Билим Ачханы 3:20

Ма, эшикни къатында сюелип, аны къагъып турама: Мени ауазымы эшитип, эшигин ким ачса да, аны къатына кирликме эм аны бла, ол да Мени бла ушхууур ашарыкъбыз.