Эфеслилеге 2:8 - Сыйлы Инжил бла Забур

⁸ Нек десегиз сиз Аны шафауаты бла, ийнаныуугъузну юсю бла къутхарылгъансыз, ол да сиз жетишген зат тюйюлдю, Аллахны саугъасыды.

Эфеслилеге 2:8 Iomraidhean Croise

Маттай 16:17

Сора Исса анга жууапха: «Жюнюс улу Шимон, сен насыплыса; нек десенг муну санга ачхан адамла тюйюл, Мени кёкледеги Атамды.

Маттай 20:9

Онбиринчи сагъатха жууукъ заманда келгенле бирер динар алдыла.

Марк 16:16

Ийнаннган эмда сууда кёмюлдюрюлген адам къутхарыллыкъды; ийнанмагъан адамгъа уа сюд этилликди.

Лука 7:50

Ол а тиширыугъа: «Сени ийнаныуунг сени къутхарды, ырахатлыкъ бла бар», – деди.

Ахия 3:36

Уланнга ийнаннганны ёмюрлюк жашауу барды; Уланнга бойсунмагъан а жашау кёрлюк тюйюлдю, Аллах ол адамгъа чамланнганлай турады».

Ахия 4:10

Исса анга жууапха: «Сен Аллахны саугъасын билсенг эди эмда санга: „Манга бир суу ичирчи“ деген ким болгъанын билсенг эди, сен кесинг Андан тилер эдинг, Ол да санга жашау бериучю суу берир эди», – деди.

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Ахия 6:35

Исса уа алагъа: «Жашауну ётмеги Менме; бир заманда да Манга келген ач боллукъ тюйюлдю эм Манга ийнаннган суусап боллукъ тюйюлдю.

Ахия 6:37

Ата Манга бергенлени барысы да Манга келликдиле, Манга келгенни да тышына къыстарыкъ тюйюлме.

Ахия 6:40

Уланны кёрген эм Анга ийнаннган хар адамны ёмюрлюк жашауу болургъа, Мени ийген Атаны буйругъу олду; Мен да аны ахыр кюн тиргизирикме», – деди.

Ахия 6:44

Мени ийген Ата аны тартмаса, Манга бир киши да келаллыкъ тюйюлдю; Мен да аны ахыр кюнде тиргизирикме.

Ахия 6:65

Алагъа: «Мен сизге, „Мени Атам анга эркинлик бермесе Манга киши келаллыкъ тюйюлдю“ деп аны ючюн айтхан эдим», – деди.

Ишлери 13:39

Мусаны Таурат Закону бла сиз кесигизни ариулап болалмагъан хар затыгъыздан, Иссагъа ийнаннган хар адам Аны юсю бла ариуланады.

Ишлери 14:27

Ары келгенлей, ала, жамауатны жыйып, Аллах аланы юсю бла неле этгенин эм башха миллетлилеге ийманны эшигин Ол къалай ачханын айтдыла.

Ишлери 15:11

Биз а, ала кибик, Раббий Масих Иссаны шафауаты бла къутхарылырбыз деп ийнанабыз», – деп сёлешди.

Ишлери 16:14

Тиатира шахардан Лидия атлы, къызгъылдым къумач сатыучу, кеси да Аллахха табыныучу, бир тиширыу тынгылай эди; Пауулну не айтханына эсин бёлюрге Раббий аны жюрегин ачхан эди.

Ишлери 16:31

Ала уа анга: «Раббий Масих Иссагъа ийнан, кесинг да къутхарылырса эм битеу юйюрюнг да къутхарылыр», – дедиле.

Римлилеге 10:14

Алай а Анга ийнанмагъанларын къалай чакъырсынла? Аны юсюнден эшитмегенлерине къалай ийнансынла? Хапар бериучю болмаса къалай эшитсинле?

Римлилеге 10:17

Алай бла ийман Хайыр Хапарны эшитиуденди, эшитиу а Аллахны сёзю билдирилиуюнденди.

Римлилеге 4:16

Алай бла ант сёз Аллахны шафауатына таянсын эм, Ибрахимни битеу туудукълары ючюн ышаннгылы болсун деп, ийманнга кёре болады. Ибрахимни туудукълары, Законнга ышанып къалмай, алай а алада Ибрахимни ийманы болгъан адамладыла.

Римлилеге 4:5

Ишлемеген, алай а аллахсызны Ариулаучугъа ийнаннган адамны уа ийманы тюзлюклюлюкге саналады.

Римлилеге 9:16

Алай бла сайланыу адамны сюйгенинден неда кюрешгенинден тюйюлдю, мархамат этиучю Аллахданды.

Галатиялылагъа 3:14

Масих бизни ючюн налатлы болуп, Законну налатындан бизни жулгъанды. Нек десегиз Китапда: «Терекге асылгъан хар адам налатды», – деп жазылгъанды.

Галатиялылагъа 3:22

Алай а, Аллахны ант сёз бла берирге айтханы ийнаннганлагъа, Масих Иссагъа ийнаныулары бла берилир ючюн, Сыйлы Китап бары да гюняхны жесиридиле деп билдиргенди.

Эфеслилеге 1:19

Эм Аны бизде, ийнаннганлада болгъан къудуретини мардасыз уллулугъун сиз ангылар ючюн жюреклеригизни кёзлерин жарытсын деп тилейме.

Эфеслилеге 2:10

Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.

Эфеслилеге 2:5

Терсликлерибиз бла ёлю болгъаныбызлай, бизге Масих бла жашау бергенди. Сиз Аны шафауаты бла къутхарылгъансыз.

Колослулагъа 2:12

Сууда кёмюлдюрюлген заманыгъызда сиз Масихни биргесине кёмюлгенсиз эм ол заманда Аны ёлгенледен тиргизген Аллахны кючюне ийнаныуугъуз бла, сиз Аны бла бирге тиргизилгенсиз.

II Фесалоникачылагъа 1:9

Ала къыямат кюн Раббийни бетинден эм Аны махтаулу къудуретинден узакъда, ёмюрлюк жоюлуу азапха тюшерикдиле.

Чюйютлелеге 6:4

Бир кере жарыкъланып, кёкню саугъасындан татып, Сыйлы Нюрден юлюшлю болуп,

I Петер 1:5

Сиз ахыр заманда ачылыргъа хазыр болгъан къутхарылыугъа Аллахны кючю бла, ийнаныуугъузну юсю бла сакъланнганласыз.