Эфеслилеге 2:2 - Сыйлы Инжил бла Забур

² Бир заманлада сиз бу гюняхлада жашагъансыз, бу дунияны адети бла, хауада бийлик этген башчыны – Аллахха бойсунмаучу адамлада энди ишин этген нюрню – ызындан баргъансыз.

Эфеслилеге 2:2 Iomraidhean Croise

Забур 17:14

Раббий кёкледе кюкюреди, Уллу Аллах Кесини ауазын берди, бузну бла от кесеулени жаудурду.

Маттай 11:19

Адам Улу келди, ашайды эм ичеди; сора: „Ма, ашаргъа эм чагъыр ичерге сюйюучю адам, жасакъ жыйыучула бла гюняхлыланы шуёху!“ дейдиле. Акъылманлыкъны тюзлюгю уа аны ишлеринден кёрюнеди», – деди.

Маттай 13:22

Чыгъана ичине себилген а, сёзню эшитген, алай а бу ёмюрню къайгъысы эм байлыкъгъа алданыулукъ сёзню кючлеп, ол сёз тирлик бермеген адамны кёргюзтеди.

Маттай 13:38

Сабан – дунияды. Иги урлукъ – Кёклени Патчахлыгъыны уланларыдыла, аман хансла уа – хыйлачыны уланларыдыла.

Марк 4:19

Алай а алада бу ёмюрню къайгъылары, байлыкъгъа алданыулукъ эм башха кюсеуле алагъа кирип, сёзню кючлеп, ол сёз тирлик бермеген адамланы кёргюзтеди.

Лука 16:8

Сора бий, ышаннгысыз юй жюрютюучюсюн эслеп, этгени ючюн махтагъанды, нек десегиз бу ёмюрню адамлары кеслерини тукъумларында жарыкъны уланларындан эсе эслидиле.

Лука 22:31

Сора Раббий: «Шимон! Шимон! Сакъ бол! Шайтан сизни будайны элегенча элерге тилегенди.

Ахия 12:31

Энди бу дуниягъа сюд этиледи; энди бу дунияны бийи тышына къысталлыкъды;

Ахия 13:2

Ушхууурну заманында, Шимон улу Иуда Искариотну жюрегине ибилис, Иссаны сатар фикирни салгъан эди.

Ахия 13:27

Иуда ётмек кесекни алгъанлай, анга шайтан кирди. Ол заманда Исса анга: «Не этерик эсенг да, терк эт», – деди.

Ахия 14:30

Энди Мен сизни бла кёп сёлеширик тюйюлме; нек десегиз бу дунияны бийи келеди, аны уа Манга кючю жокъду.

Ахия 15:19

Сиз дуниядан болсагъыз эди, дуния кесиникин сюер эди; сиз а дуниядан тюйюлсюз, Мен сизни дуниядан сайлагъанма; дуния сизни аны ючюн кёрюп болмайды.

Ахия 16:11

Сюдню юсюнден да – нек десегиз бу дунияны бийине сюд этилгенди.

Ахия 7:7

Дуния сизни кёрюп болмай къояргъа болаллыкъ тюйюлдю, Мени уа кёрюп болмайды; нек десегиз Мен аны этген ишлери аман болгъанына шагъатлыкъ этеме.

Ахия 8:23

Исса алагъа: «Сиз тёбеннгиледенсиз, Мен огъаргъыладанма; сиз бу дуниядансыз, Мен бу дуниядан тюйюлме.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

Ишлери 19:35

Шахарны къагъытчысы уа, халкъны тыйып: «Эфеслиле! Эфес шахар уллу тиширыу тейри Артемисни табыныучу юйюню эм кёкден тюшген сыйлы ташны къоруучусу болгъанын билмеген адам бармыды?

Ишлери 5:3

Петер а анга: «Ханания! Жюрегинги шайтаннга нек бердинг, Сыйлы Нюрге ётюрюк айтып жеринги багъасыны бир кесегин кесинге нек къойдунг?

Римлилеге 12:2

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

I Коринфлилеге 5:10

Алай а бу дунияны саякъ неда жут адамлары бла, неда жыртхычлары бла, неда идоллагъа табыныучулары бла тюбешмегиз деп айтмайма. Нек десегиз алайсыз сизге бу дуниядан чыгъаргъа керек болур эди!

I Коринфлилеге 6:11

Сизден да бир къауумла аллайла эдиле; алай а жууулгъансыз, сыйлы этилгенсиз, Раббийибиз Масих Иссаны аты бла эм Аллахыбызны Нюрю бла ариуланнгансыз.

II Коринфлилеге 4:4

Кёрюнмеген Аллахны сыфаты болгъан Масихни аламатлыгъыны юсюнден Хайыр Хапарны жарыгъы иймансызланы жарытмаз ючюн, бу ёмюрню аллахы аланы акъылларын сокъур этгенди.

Галатиялылагъа 1:4

Атабыз Аллахны буйругъуна кёре, Масих, бу эндиги огъурсуз ёмюрден бизни къутхарыр ючюн, бизни гюняхларыбыз ючюн Кеси-Кесин бергенди.

Эфеслилеге 1:21

Аллах, Масихни битеу башчыладан да, властьладан да, кючледен да, бийликледен да эм бу ёмюрде болуп къалмай, алай а боллукъ ёмюрде да аталгъан хар тюрлю атдан да ёрге кётюргенди.

Эфеслилеге 2:11

Алай бла сиз, башха миллетлиледен туугъанла, бир заманлада не болгъаныгъызны, чархларына къолла бла сюннет этилип, сюннетли атлы болгъанла сизге сюннетсизле атагъанларын эсигизде тутугъуз.

Эфеслилеге 2:13

Энди уа Масих Иссада сиз, бир заманлада узакъ болгъанла, Масихни къаны бла жууукъ болгъансыз.

Эфеслилеге 2:3

Бир заманлада биз барыбыз да аллайла эдик, гюняхлы табийгъатыбыз сюйгенни эм акъылыбызгъа келгенни этип, адам табийгъатыбызны кюсегенлерине кёре жашай эдик. Бизни барыбызны да Аллахны чамланыуу сакълай эди.

Эфеслилеге 4:17

Ол себепден мен айтама эм Раббийни хатыры бла тилейме, сиз энди, башха миллетле кеслерини акъылларыны магъанасызлыгъы бла этгенча этмегиз.

Эфеслилеге 4:22

Алай бла, алдаулу кюсеуледен чирий тургъан эски адамлыгъыгъызны алгъыннгы жашау халын къоюгъуз,

Эфеслилеге 5:6

Бир киши да сизни бош сёзле бла терилтмесин; нек десегиз бойсунмагъан адамланы юслерине, аллай затла ючюн Аллахны чамланыуу келеди.

Эфеслилеге 5:8

Сиз бир заманлада къарангылыкъ эдигиз, энди уа Раббийде жарыкъсыз. Жарыкъны сабийлерича жашагъыз.

Эфеслилеге 6:12

Нек десегиз бизни къазауатыбыз адамлагъа къажау къазауат тюйюлдю, алай а башчылагъа къажау, властьлагъа къажау, къарангылыкъны бу ёмюрлю дуния оноучуларына къажау, тюп кёкледеги огъурсуз нюрлеге къажау къазауатды.

Колослулагъа 1:21

Сиз да, этген аман ишлеригиз себепли, бир заманлада акъылыгъыз бла Аллахдан узакъ эм Аны душманлары эдигиз.

II Тимотейге 4:10

Нек десенг Димас, эндиги ёмюрню сюйюп, мени къоюп, Фесалоникагъа кетгенди. Крескент Галатиягъа, Тит Далматиягъа кетгенди. Мени биргеме жангыз Лука къалгъанды.

Якъуп 1:27

Аллах Атаны аллында таза эм айыпсыз дин ахлулукъ ёксюзлени бла башсыз къатынланы къыйынлыкъларына къарамакълыкъ эм дунияны харамлыгъындан кесин сакъламакълыкъды.

Якъуп 1:7

Аллай адам Раббийден бир зат алыргъа умут этмесин.

Якъуп 4:4

Зийначыла бла хаулечиле! Бу дуния бла шуёхлукъ Аллахха къажау душманлыкъ болгъанын билмеймисиз? Алай бла бу дуниягъа шуёх болургъа сюйген адам Аллахха душман болады.

I Петер 1:14

Айтылгъанны этген сабийле кибик, билмей тургъан заманыгъызда сизде болгъан алгъыннгы тыйгъычсызлыкълагъа кёре этмегиз,

I Петер 4:3

Нек десегиз сиз озгъан заманда жашауугъузда мажюсю талпыу бла адепсизликлеге, тыйгъычсызлыкълагъа, ичгичиликге, ашауда эм ичиуде артыкъ оздурмакълыкъгъа эм жийиргенчли идоллагъа табыныугъа кесигизни берип жашагъаныгъыз боллукъду.

II Петер 2:14

Аланы кёз алларында жаланда саякъ тиширыула эмда тохтаусуз гюнях этиу турадыла; ала бегимсиз адамланы терилтедиле; аланы жюреклери жыртхычлыкъны сюйюуге юйреннгенди. Ала налат адамладыла.

I Ахия 3:10

Аллахны сабийлери эм ибилисни сабийлери былай таныладыла: тюзлюк этмеген эм кесини къарындашын сюймеген ким болсада Аллахдан тюйюлдю.

I Ахия 3:8

Гюнях этген адам ибилисденди; нек десегиз бек алгъа ибилис гюнях этгенди. Ол себепден а Аллахны Уланы ибилисни ишлерин бузар ючюн келгенди.

I Ахия 4:4

Сабийле! Сиз Аллахдансыз эм жалгъан файгъамбарланы хорлагъансыз; нек десегиз Ол сизде болгъан, бу дунияда болгъандан уллуду.

I Ахия 5:19

Биз Аллахдан болгъаныбызны эм битеу дуния ибилисни оноуунда тургъанын билебиз.

I Ахия 5:4

Нек десегиз Аллахдан туугъан хар адам бу дунияны хорлайды. Бу дунияны хорлагъан бу хорлауубуз а бизни ийманыбызды.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 13:14

Эм анга жаныуарны аты бла этерге берилген илишанла бла ол жер башында жашагъанланы терилтеди. Жер башында жашагъанлагъа къылыч жарасы болуп сау тургъан жаныуарны суратын ишлеп, монумент этигиз деп буюрады.

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.

Билим Ачханы 16:17

Жетинчи мёлек кесини аягъын хауагъа къуйду; сора кёкдеги табыныучу юйде тахтадан: «Болуп бошалды!» – деген уллу ауаз чыкъды.

Билим Ачханы 20:2

Ол ибилис эм шайтан болгъан аждагъанны, буруннгулу жилянны тутуп, аны минг жылгъа бугъоулады.