Эфеслилеге 2:15 - Сыйлы Инжил бла Забур

¹⁵ Эки къауумубузну да бир этгенди, Кесини чархы бла арабызда тургъан тыйгъычны, душманчылыкъны кетергенди.

Эфеслилеге 2:15 Iomraidhean Croise

II Коринфлилеге 5:17

Мынга кёре, ким Масихде эсе, ол жангы жаратылгъан адамды. Буруннгу озгъанды, энди уа хар неда жангыды.

Галатиялылагъа 3:10

Тауратны фарызларын тутуугъа ышаннганла уа бары да налат боладыла. Нек десегиз Китапда: «Таурат китапда жазылгъанланы барын да хар заманда да этип толтурмагъан хар адам налатды», – деп жазылгъанды.

Галатиялылагъа 3:28

Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

Галатиялылагъа 6:15

Нек десегиз Масих Иссада сюннетлиликни да, сюннетсизликни да магъанасы жокъду, жаланда магъаналы болгъан – жангыдан жаратылыуду.

Эфеслилеге 2:10

Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.

Эфеслилеге 2:14

Нек десегиз бизни бир-бирибиз бла жарашдыргъан Олду. Ол, Тауратны Законун фарызлары эм жорукълары бла бирге къурутуп,

Эфеслилеге 2:16

Ол, эки къауумубуздан да Кеси-Кесинде бир жангы адамны болдуруп, жарашыулукъ къурар ючюн эм душманчылыкъны къачны юсюнде жокъ этип, къачны юсю бла бир чархда эки къауумубузну да Аллах бла жарашдырыр ючюн алай этгенди.

Эфеслилеге 4:16

Аны оноуунда битеу чарх, хар тюрлю жалгъагъан байламлыкъланы болушлугъу бла къуралып эм къошулуп, хар санны тап ишлеую бла ёсюм алады эм алай бла кесикесин сюймекликде ёсдюрюп кючлендиреди.

Колослулагъа 2:14

Жорукълары бла бизге къажау жазылгъан эмда терслигибизни кёргюзтген борч къагъытны къоратып, аны арадан алып, чюйле бла къачха ургъанды.

Колослулагъа 2:20

Алай бла, сиз Масих бла ёлюп бу дунияны башланнгыч жорукъларындан азат болгъан эсегиз, сора сиз, бу дунияда жашагъанлача:

Колослулагъа 3:10

Эмда жангы адамлыкъны кийгенсиз. Ол а аны Жаратханны сыфатыча, толу билимге жетер ючюн жангыра турады.

Колослулагъа 3:11

Жангы адамлыкъда уа не грекли, не иудейли, не сюннетли, не сюннетсиз, варвар, скиф, къул, азат айырыу жокъду, алай а хар не жаны бла да хар неда Масихди.

Колослулагъа 3:15

Сизни жюреклеригизде Аллахны ырахатлыгъы бийлик этсин. Сиз да, бир чархны санлары болуп, ол ырахатлыкъгъа чакъырылгъансыз. Шукур этиучюле болугъуз.

Чюйютлелеге 7:16

Ол а Тауратны, тукъумну юсюнден фарызына кёре тюйюл, тохтаусуз жашауну кючюне кёре Дин Къуллукъчу болгъанды.

Чюйютлелеге 8:13

«Жангы кесамат» деп айтып, биринчини эскилигин кёргюзтгенди; эскирген бла къартайгъан а жокъ этилирге жууукъду.

Чюйютлелеге 9:23

Мынга кёре, кёкдеги затланы юлгюлери ол къурманла бла, кёкдеги затла кеслери уа аладан иги къурманла бла тазаланыргъа керек эдиле.