Эфеслилеге 2:14 - Сыйлы Инжил бла Забур

¹⁴ Нек десегиз бизни бир-бирибиз бла жарашдыргъан Олду. Ол, Тауратны Законун фарызлары эм жорукълары бла бирге къурутуп,

Эфеслилеге 2:14 Iomraidhean Croise

Лука 1:79

Къарангыда, ёлюмню ауанасында олтургъанланы жарытыр ючюн, бизни аякъларыбызны ырахатлыкъны жолуна бурур ючюн, бизге болушургъа келгенди», – деп айтды.

Лука 2:14

«Эм бийикледе Аллахха махтау, жер юсюнде Ол ыразы болгъан адамлада ырахатлыкъ!» – деп айта эдиле.

Ахия 10:16

Мени бу къой орундан болмагъан башха къойларым да бардыла. Мен аланы да къой оруннга жыяргъа керекме, ала да Мени ауазыма тынгыларыкъдыла. Сора бир сюрюу, бир Сюрюучю боллукъду.

Ахия 11:52

Эм жаланда ол халкъ ючюн тюйюл, Аллахны чачылып айланнган сабийлерин да бирге жыяр ючюн ёллюгюн алгъындан айтхан эди.

Ахия 16:33

Муну Мен сизге, сизни Менде жюрек ырахатлыгъыгъыз болсун деп айтханма. Бу дунияда азап чегериксиз; алай а таукел этигиз: Мен дунияны хорлагъанма!» – деди.

Ишлери 10:28

Алагъа: «Иудейлиге башха миллетли бла келишиу неда жууукълашыу, адетибизге къажау болгъанын сиз билесиз; алай а мен бир адамны да мурдаргъа неда харамгъа санамазгъа Аллах манга баям этгенди.

Ишлери 10:36

Аллах Израиль улулагъа Сёзюн ийгенди эм барысыны да Раббийи болгъан Масих Иссаны юсю бла жарашыулукъну Хайыр Хапарын билдиргенди.

Римлилеге 5:1

Ол себепден, ийман бла ариуланып, Раббийибиз Масих Иссаны юсю бла бизни Аллах бла жарашыулугъубуз барды.

Галатиялылагъа 3:28

Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

Эфеслилеге 2:15

Эки къауумубузну да бир этгенди, Кесини чархы бла арабызда тургъан тыйгъычны, душманчылыкъны кетергенди.

Эфеслилеге 2:17

Эмда, келип, сизге узакълагъа да, жууукълагъа да жарашыулукъну Хайыр Хапарын бергенди.

Эфеслилеге 3:15

Бизни Раббийибиз Масих Иссаны Атасыны аллында тобукъланама.

Эфеслилеге 4:16

Аны оноуунда битеу чарх, хар тюрлю жалгъагъан байламлыкъланы болушлугъу бла къуралып эм къошулуп, хар санны тап ишлеую бла ёсюм алады эм алай бла кесикесин сюймекликде ёсдюрюп кючлендиреди.

Колослулагъа 1:20

Алай бла Аны, къачны юсюнде тёгюлген къаныны болушлугъу бла, Аллах, кёкледегилени да, жердегилени да – барын да, Аны юсю бла Кеси бла жарашдырып, ырахатлыкъ бергенди.

Колослулагъа 2:20

Алай бла, сиз Масих бла ёлюп бу дунияны башланнгыч жорукъларындан азат болгъан эсегиз, сора сиз, бу дунияда жашагъанлача:

Колослулагъа 3:11

Жангы адамлыкъда уа не грекли, не иудейли, не сюннетли, не сюннетсиз, варвар, скиф, къул, азат айырыу жокъду, алай а хар не жаны бла да хар неда Масихди.

Колослулагъа 3:15

Сизни жюреклеригизде Аллахны ырахатлыгъы бийлик этсин. Сиз да, бир чархны санлары болуп, ол ырахатлыкъгъа чакъырылгъансыз. Шукур этиучюле болугъуз.

Чюйютлелеге 13:20

Къойланы уллу Сюрюучюсю болгъан бизни Раббийибиз Масих Иссаны ёмюрлюк кесамат къаны бла ёлгенледен тиргизген, ырахатлыкъ бериучю Аллах а,

Чюйютлелеге 7:2

Анга уа Ибрахим хар затындан зекят айырып бергенди. Мелкиседек бек алгъа атыны магъанасына кёре тюзлюкню патчахыды, андан сора да ол Салимни патчахы, алай демеклик ырахатлыкъны патчахыды.