Эфеслилеге 2:12 - Сыйлы Инжил бла Забур

¹² Сиз ол заманда Масихсиз эдигиз; Израильни жамауатындан тышхы эдигиз, Аллахны ант сёз бла этген кесаматларындан юлюшсюз эдигиз, умутугъуз жокъ эди эм бу дунияда Аллахдан къуру эдигиз.

Эфеслилеге 2:12 Iomraidhean Croise

Лука 1:72

Бизни аталарыбызгъа мархамат этип, Кесини сыйлы кесаматын эсине тюшюргенди.

Ахия 10:16

Мени бу къой орундан болмагъан башха къойларым да бардыла. Мен аланы да къой оруннга жыяргъа керекме, ала да Мени ауазыма тынгыларыкъдыла. Сора бир сюрюу, бир Сюрюучю боллукъду.

Ахия 15:5

Мен Жюзюм Терекме, сиз а бутакъласыз; кеси Менде болуп тургъан, Мен да анда тургъан адам кёп битимли болады; нек десегиз Менсиз бир зат да эталлыкъ тюйюлсюз.

Ахия 4:22

Сиз билмегенигизге табынасыз, биз а билгенибизге табынабыз; нек десенг къутхарыу иудейлиледенди.

Ишлери 2:39

Нек десегиз Аллах берирге айтханын сизге, сабийлеригизге эм узакъдагъыланы барына да, Раббий Аллахыбыз кимни чакъырса да анга айтханды», – деди.

Ишлери 28:20

Мен Израильни умуту ючюн бу бугъоула бла байланнганма. Сизни да, ма бу ишни юсюнден кёрюшюп, сёлеширге чакъыргъанма», – деди.

Ишлери 3:25

Сиз файгъамбарланы уланларысыз, Аллах аталарыгъыз бла этген кесаматны туудукъларысыз. Аллах Ибрахимге: „Сени урлугъунгу юсю бла дунияны битеу халкълары алгъышлы боллукъдула“ деп айтханды.

Римлилеге 9:8

Алай демеклик Аллахны сабийлери чархдан жаратылгъан сабийле тюйюлдюле, алай а ант сёз бла берилген сабийле Ибрахимни урлугъуна саналадыла.

Галатиялылагъа 4:8

Алгъын, Аллахны билмеген заманыгъызда уа, сиз кертиси бла аллах болмагъан затлагъа къуллукъ этип тургъансыз.

Эфеслилеге 2:19

Алай бла сиз энди тыш адамла эм киргинчиле тюйюлсюз, алай а сыйлыла бла бир халкъсыз эм Аллахны юйюрюсюз.

Эфеслилеге 4:18

Аланы акъыллары къарангы болгъанды, ичлериндеги жахилликлерини эм жюреклерини сезимсизлигини себебинден, Аллахны жашауундан тышында къалгъандыла.

Колослулагъа 1:21

Сиз да, этген аман ишлеригиз себепли, бир заманлада акъылыгъыз бла Аллахдан узакъ эм Аны душманлары эдигиз.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 1:5

Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

I Фесалоникачылагъа 4:13

Къарындашла, ышаныулары болмагъан башха адамлача, сиз бушуу этмез ючюн ёлгенлени юсюнден сизге билдирмей къояргъа сюймейме.

I Фесалоникачылагъа 4:5

Аллахны билмеген миллетлеча, чархыгъызны тыйгъычсызлыгъын этмегиз.

II Фесалоникачылагъа 2:16

Бизни Раббийибиз Масих Исса Кеси эм бизни сюйюп шафауаты бла ёмюрлюк жапсарылыуну эмда ахшы умутну берген бизни Атабыз Аллах,

I Тимотейге 1:1

Бизни Къутхарыучубуз Аллахны эм бизни ышаннганыбыз Раббий Масих Иссаны буйругъу бла Масих Иссаны абустолу мен Пауулдан

Чюйютлелеге 11:34

Кючлю отну ёчюлтгендиле, къылычны ауузундан къутулгъандыла, къарыусузлукъларында кюч алгъандыла, къазауатда къаты болгъандыла, душманланы аскерлерин къыстагъандыла.

Чюйютлелеге 6:18

Аллах жалгъан айтыргъа амал жокъду. Ол себепден биз, къутхарылыр ючюн Анга келгенле, уллу таукеллик бла аллыбызда болгъан умутну тутар ючюн, Аллах эки тюрленмезлик затны: сёз бериуюн бла антын жюрютгенди.

Чюйютлелеге 8:6

Энди уа Исса, эм иги ант сёзле бла бегиген эм иги кесаматны Келечиси болгъаны кибик, жердеги дин къуллукъчуладан айырма къуллукъ да алгъанды.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Петер 1:3

Бизни Раббийибиз Масих Иссаны Аллахына эм Атасына шукур болсун! Ол Кесини уллу мархаматы бла бизни жангыдан туудургъанды. Масих Иссаны ёлгенледен тиргизип, бизни керти ышаныугъа,

I Петер 3:15

Раббий Аллахны жюреклеригизде сыйлы тутугъуз. Сизни Аллахха ышаныуугъузну юсюнден сизге соруп билирге излеген хар адамгъа сабырлыкъ бла эм хурметлик бла жууап берирге хар заманда хазыр болугъуз.

I Ахия 3:3

Эм Масиххе бу ышаныуу болгъан хар адам, Масих таза болгъаны кибик, кесин тазалайды.