Эфеслилеге 2:11 - Сыйлы Инжил бла Забур

¹¹ Алай бла сиз, башха миллетлиледен туугъанла, бир заманлада не болгъаныгъызны, чархларына къолла бла сюннет этилип, сюннетли атлы болгъанла сизге сюннетсизле атагъанларын эсигизде тутугъуз.

Эфеслилеге 2:11 Iomraidhean Croise

Маттай 20:7

Ала анга: „Бизни биреу да жалгъа алмагъанды“ дедиле. Ол алагъа: „Келигиз сиз да мени жюзюм бахчама, тийишлисин алырсыз“ деди.

Римлилеге 11:17

Бутакъладан бир бёлеги сыннган эселе уа, сен а, кийик зейтун терек, аланы жерлерине жалгъанып, зейтун терекни тамырына бла суууна ала бла бирча къошулгъан эсенг,

Римлилеге 2:26

Алай бла, сюннет этилмеген адам Тауратны бегимлерин тута эсе, аны сюннетсизлиги сюннетге саналмазмы?

Римлилеге 2:27

Эм жазылгъан жорукъла бла сюннет адет сенде болуп тургъанлай, сен Тауратны бузуучу адам эсенг, табийгъатдан сюннетсиз болуп, Тауратны тутхан адам сени терслемезми?

I Коринфлилеге 12:2

Сиз, мажюсю заманыгъызда, тилсиз идоллагъа сизни сюрюп элтген кибик, алай жюрюгенигизни билесиз.

I Коринфлилеге 6:11

Сизден да бир къауумла аллайла эдиле; алай а жууулгъансыз, сыйлы этилгенсиз, Раббийибиз Масих Иссаны аты бла эм Аллахыбызны Нюрю бла ариуланнгансыз.

Галатиялылагъа 2:15

Биз, башха миллетлиледен болгъан гюняхлыла угъай, иудейли болуп туугъанлабыз.

Галатиялылагъа 6:12

Адам табийгъатлары бла махтаныргъа сюйгенлени сизге сюннет этилигиз деп къысханлары уа, жаланда Масихни къачы амалтын зулмулукъ кёрмез ючюндю.

Эфеслилеге 2:2

Бир заманлада сиз бу гюняхлада жашагъансыз, бу дунияны адети бла, хауада бийлик этген башчыны – Аллахха бойсунмаучу адамлада энди ишин этген нюрню – ызындан баргъансыз.

Эфеслилеге 5:8

Сиз бир заманлада къарангылыкъ эдигиз, энди уа Раббийде жарыкъсыз. Жарыкъны сабийлерича жашагъыз.

Колослулагъа 1:21

Сиз да, этген аман ишлеригиз себепли, бир заманлада акъылыгъыз бла Аллахдан узакъ эм Аны душманлары эдигиз.

Колослулагъа 2:11

Масихникиле болгъаныгъызда, сизге да къол бла этилмеген сюннет, Масих этген сюннет этилгенди; ол сюннет а чархыгъызны гюняхлы табийгъатын кетериуюгюздю.

Колослулагъа 2:13

Сиз алгъын терсликлеригиз бла эм сюннетсиз, гюняхлы табийгъатыгъыз бла ёлю эдигиз, Аллах а сизге Масих бла бирге жашау бергенди. Ол бизни битеу терсликлерибизни кечгенди.

Колослулагъа 3:11

Жангы адамлыкъда уа не грекли, не иудейли, не сюннетли, не сюннетсиз, варвар, скиф, къул, азат айырыу жокъду, алай а хар не жаны бла да хар неда Масихди.