Эфеслилеге 1:17 - Сыйлы Инжил бла Забур

¹⁷ Раббийибиз Масих Иссаны Аллахы, махтаулу Ата, сиз Аны таныр ючюн сизни акъылман этерик эм сизге билим ачарыкъ Нюрюн берсин деп тилейме.

Эфеслилеге 1:17 Iomraidhean Croise

Забур 24:10

Раббийни битеу жоллары мархаматдыла эм хакъ кертидиле Аны кесаматына тюз къалып, Аны фарызларын тутханлагъа.

Забур 24:7

Мени жаш заманымдагъы гюняхларымы эмда терсликлерими эсинге келтирме; Сени ахшылыгъынг ючюн, Сени мархаматлылыгъынг бла мени эсинге тюшюр, Раббий!

Забур 29:3

Я Раббий Аллахым! Мен Сенден тилек этгенме, Сен да мени сау этгенсе.

Маттай 11:25

Ол заманда сёзюн бардыра, Исса: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып, гитче сабийлеге ачханынг ючюн, Санга шукур этеме.

Маттай 11:27

Мени Атам хар нени да Манга бергенди. Уланын Атадан башха бир киши да билмейди; Атаны да Уланындан бла, Улан билдирирге сюйген адамдан башха бир киши да билмейди.

Маттай 16:17

Сора Исса анга жууапха: «Жюнюс улу Шимон, сен насыплыса; нек десенг муну санга ачхан адамла тюйюл, Мени кёкледеги Атамды.

Маттай 20:33

Ала Анга: «Раббий! Бизни кёзлерибиз ачылсынла деп тилейбиз», – дедиле.

Маттай 6:13

Эмда бизни терилиуге тюшюрме, алай а бизни хыйлачыдан къутхар; нек десенг Патчахлыкъ да, кюч да, махтау да ёмюрлеге да Сениди. Амин“.

Лука 12:12

Нек десегиз не айтыргъа керек болгъанын Сыйлы Нюр сизге ол сагъатда юйретирикди», – деди.

Лука 2:14

«Эм бийикледе Аллахха махтау, жер юсюнде Ол ыразы болгъан адамлада ырахатлыкъ!» – деп айта эдиле.

Лука 21:15

Нек десегиз Мен сизге сёзге усталыкъ да, акъылманлыкъ да берликме. Сизге къажау тургъанланы бири да жууап этерге, не къажаулукъ этерге болаллыкъ тюйюлдю.

Ахия 14:17

Аны уа дуния къабыл эталмайды, нек десегиз Аны кёрмейди эм танымайды. Сиз а таныйсыз Аны, нек десегиз Ол сизни бла болуп турады эм ичигизде боллукъду.

Ахия 14:26

Ата Мени атым бла иерик, Жюрек Жапсарыучу, Сыйлы Нюр а, сизни хар неге да юйретир эм битеу Мен сизге айтханланы сизни эсигизге салыр.

Ахия 16:3

Алай этерикдиле, нек десегиз не Атаны, не Мени танымагъандыла.

Ахия 17:3

Ёмюрлюк жашау а буду, Сени – бир хакъ керти Аллахны – эм Сен ийген Масих Иссаны танысынла;

Ахия 20:17

Исса анга: «Мени тыйма, нек десенг Мен алыкъа Атама чыкъмагъанма; алай а Мени къарындашларыма бар да, алагъа айт, Мен Кеси Атама эм сизни Атагъызгъа, Кеси Аллахыма эм сизни Аллахыгъызгъа чыгъама», – деди.

Ишлери 6:10

Алай болгъанлыкъгъа, аны айтхан сёзлериндеги акъылманлыкъгъа эмда Сыйлы Нюрге къажау туралмадыла.

Ишлери 7:2

Истефан а былай сёлешди: «Къарындашла эм атала, тынгылагъыз! Атабыз Ибрахим Хараннга кёчгюнчю, Месопотамияда жашагъан заманында, махтаулу Аллах анга кёрюнюп:

Римлилеге 1:28

Ала Аллахны акъылларында тутаргъа жараулу кёрмегенлери себепли, Аллах аланы жараусуз ойлашыулагъа берип, тийишли болмагъан ишлени этерге бошлап къойгъанды.

Римлилеге 15:6

Алай бла бир ниетли болуп, бир аууздан бизни Раббийибиз Масих Иссаны Атасы Аллахха махтау салырсыз.

I Коринфлилеге 12:8

Биреуге Нюрню юсю бла акъыл сёз бериледи, башхасына ол Нюрден билим сёз бериледи.

I Коринфлилеге 14:6

Къарындашла, энди мен, сизге келип, билинмеген тилледе сёлешип башласам, алай а сизге не ачылыу, неда билим, неда файгъамбарлыкъ сёз, неда юйретиу бла ангылатмасам, мен сизге не хайыр келтирирме?

I Коринфлилеге 2:10

Бизге уа Аллах аны Кесини Нюрю бла ачыкъ этгенди, нек десегиз Нюр хар нени да Аллахны теренликлерин да тинтеди.

I Коринфлилеге 2:8

Аны уа бу ёмюрню башчыларындан бир киши да ангыламагъанды, нек десегиз ангылагъан болсала эди уа, махтаулу Раббийни къачха кермез эдиле.

II Коринфлилеге 12:1

Махтаннганым хайырлы тюйюл эсе да, махтаныргъа керекме; энди мен Раббийни кёргюзюулерини эм билим ачханларыны юсюнден айтырыкъма.

Эфеслилеге 1:3

Масихни юсю бла бизге кёкледе хар тюрлю нюр ахшылыкъны берген бизни Раббийибиз Масих Иссаны Атасы Аллахха махтау болсун!

Эфеслилеге 3:5

Адам улуланы алгъыннгы туудукъларына билдирилмеген, энди уа Масихни сыйлы абустолларына бла файгъамбарларына Сыйлы Нюрню юсю бла ачыкъ этилген сыр а ма буду:

Эфеслилеге 4:13

Муну ахырында барыбыз да ийманда эм Аллахны Уланын билиуде бирликге, тамам кишиликге, Масихни толулугъуну тамам мардасына жетербиз.

II Тимотейге 2:25

Къажау тургъанланы сабырлыкъ бла тюшюндюрюрге керекди, тобагъа къайтышып, хакъ кертини билирге Аллах алагъа онг берир эсе уа деп.

Титге 1:1

Аллахны сайлагъанларыны ийманларын эмда Аллахны жолунда хакъ кертини ангылауларын алгъа бардырыр ючюн, Аллахны къулу эм Масих Иссаны абустолу болургъа сайланнган мен Пауулдан салам!

Якъуп 2:1

Къарындашларым! Бизни махтаулу Раббийибиз Масих Иссагъа ийнаныуугъуз, адамлагъа бет этип къарамай болсун.

II Петер 1:3

Кеси махтауу бла эм ахшылыгъы бла бизни чакъыргъан Аллахны кючю, Аны таныгъаныбыз себепли, бизге жашаугъа бла Аллахны жолунда жюрюуге керекли хар затны бергенди.

II Петер 3:18

Алай а Раббийибиз эм Къутхарыучубуз Масих Иссаны шафауаты бла эм Аны билиу бла ёсюгюз. Анга уа энди да, ёмюрлюк кюнде да махтау болсун! Амин.

Билим Ачханы 7:12

«Амин! Алгъыш да, махтау да, акъылманлыкъ да, шукур да, хурмет да, къудурет да, кюч да ёмюрледен ёмюрлеге да Аллахыбызныды! Амин», – дей эдиле.