Эфеслилеге 1:13 - Сыйлы Инжил бла Забур

¹³ Сиз да Масихде, хакъ кертини юсюнден сёзню – сизни къутхарылыуугъузну Хайыр Хапарын – эшитип анга ийнаннганыгъызда, ант сёз бла берилген Сыйлы Нюр бла мухурланнгансыз.

Эфеслилеге 1:13 Iomraidhean Croise

Лука 11:13

Алай бла, сиз огъурсуз болгъаныгъызлай да, сабийлеригизге ахшы саугъала берирге биле эсегиз, бегирек да кёкдеги Ата Андан тилегенлеге Сыйлы Нюрню берир», – деди.

Лука 24:49

Мен сизге Атамы берирге айтханын иерикме, сиз а, огъартындан кюч алгъынчы, Иерусалим шахарда къалыгъыз», – деди.

Ахия 1:17

Нек десегиз Таурат Мусаны юсю бла берилгенди, шафауат бла хакъ керти уа Масих Иссаны юсю бла чыкъгъандыла.

Ахия 14:26

Ата Мени атым бла иерик, Жюрек Жапсарыучу, Сыйлы Нюр а, сизни хар неге да юйретир эм битеу Мен сизге айтханланы сизни эсигизге салыр.

Ахия 15:26

Мен сизге Атадан иерик Жюрек Жапсарыучу – Кеси Атадан чыгъа тургъан Хакъ Кертини Нюрю – келген заманда уа, Ол Мени юсюмден шагъатлыкъ этерикди.

Ахия 3:33

Аны шагъатлыгъын къабыл этген киши, Аллахны кертичи болгъанына мухур басханды.

Ахия 6:27

Чиририк аш ючюн кюрешмегиз, алай а ёмюрлюк жашауда болуп турлукъ аш ючюн кюрешигиз, аны уа сизге Адам Улу берликди; нек десегиз Анга, Аллах Ата Кесини мухурун салгъанды», – деди.

Ишлери 1:4

Сора, ала бла кёрюшюп, алагъа былай буйрукъ бергенди: «Иерусалимден кетмей, сиз Менден эшитген, Ата берирге айтханны сакълагъыз;

Ишлери 13:26

Къарындашла, Ибрахимни тукъумуну сабийлери эмда сизни арагъызда Аллахдан къоркъгъанла! Бу къутхарыу сёз сизге ийилгенди.

Ишлери 2:33

Алай бла Ол, Аллахны онг жанына чыгъарылып, Атадан, Ол берирге айтхан Сыйлы Нюрню алып, энди, сиз кёргенча эм эшитгенча, бу Нюрню юсюбюзге къуйгъанды.

Римлилеге 1:16

Мен Масихни Хайыр Хапарын билдирирге ыйлыкъсынмайма; нек десегиз ол бек алгъа иудейлилени, андан сора уа башха миллетлилени, хар ийнаннганны къутхарыргъа Аллахны кючюдю.

Римлилеге 4:11

Сюннетсиз болгъанлай, ийман салгъанланы барыны да аталары болур ючюн эм алай бла аланы да ийманлары тюзлюклюлюкге саналыр ючюн, Ибрахим, сюннет этилгинчи, кесинде болгъан ийманы бла тюзлюклю болгъанын кёргюзтген мухургъа сюннет белгини алгъанды.

Римлилеге 6:17

Алай а сиз алгъын гюняхны къуллары болгъан эсегиз да, энди уа сиз кесигизни анга берген окъууну юйретиуюне таза жюрекден тынгылаучу болгъаныгъыз ючюн Аллахха шукур!

II Коринфлилеге 1:22

Ол бизге мухур салгъанды эм ышандырыр шартха бизни жюреклерибизге Сыйлы Нюрню жерлешдиргенди.

II Коринфлилеге 6:7

Хакъ керти сёзде, Аллахны кючю бла, онг эм сол къолларыбызда тюзлюкню сауутлары бла,

Галатиялылагъа 3:14

Масих бизни ючюн налатлы болуп, Законну налатындан бизни жулгъанды. Нек десегиз Китапда: «Терекге асылгъан хар адам налатды», – деп жазылгъанды.

Эфеслилеге 4:21

Бир ишексиз, сиз Аны юсюнден эшитгенсиз эм Аны жолуна юйреннгенсиз, нек десегиз хакъ керти Иссадады.

Эфеслилеге 4:30

Эмда Аллахны Сыйлы Нюрюн жарсытмагъыз. Ол сизни гюняхларыгъыздан азат болур кюнюгюзге мухурлагъанды.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

II Тимотейге 2:15

Хакъ керти сёзню тюз юйретип, кесинги Аллахха тийишли, ыйлыгъыр бир заты да болмагъан ишлеучюча тапдырыргъа кюреш.

II Тимотейге 2:19

Алай а Аллахны къаты мурдору бек турады. Аны юсюнде: «Раббий Кесиникилени биледи» эм: «Раббийни атына ийнанып шагъатлыкъ этген хар адам аманлыкъдан артха турсун», – деп жазылгъан мухур барды.

II Тимотейге 3:15

Андан сора да сен сабийлигингден окъуна Сыйлы Китапланы билесе. Ала уа Масих Иссагъа ийнаныуунг бла сени терен акъыллы этип къутхарылыугъа жетдираллыкъдыла.

Титге 2:11

Нек десенг Аллахны битеу адамланы къутхаргъан шафауаты ачыкъ болгъанды.

Чюйютлелеге 2:3

Аллай уллу къутхарыуну сансыз эте эсек, энди биз азапдан къалай къутулурбуз? Ол къутхарыуну бек алгъа Раббий Кеси билдиргенди, бизге да муну Андан кеслери эшитгенле айтып ийнандыргъандыла.

Якъуп 1:18

Биз, Ол жаратханланы биринчилери болур ючюн, Кеси сюйюп, Ол бизни хакъ кертини сёзю бла туудургъанды.

Якъуп 1:21

Ол себепден, хар тюрлю харамлыкъны эм аманлыкъны къалгъанын къоюп, сизге орнатылгъан эм сизни жанларыгъызны къутхараллыкъ сёзню жууашлыкъ бла къабыл этигиз.

I Петер 2:10

Сиз бир заманлада халкъ тюйюл эдигиз, энди уа Аллахны халкъысыз; мархамат этилмегенле эдигиз, энди уа мархамат этилгенлесиз.

Билим Ачханы 7:2

Сора мен кюн чыкъгъан жанындан кётюрюлген эм жашау бериучю Аллахны мухуру анда болгъан башха мёлекни кёрдюм. Эмда алагъа жерге бла тенгизге заран салыргъа эркинлик берилген тёрт мёлекге ол уллу ауазы бла: