Эфеслилеге 1:1 - Сыйлы Инжил бла Забур

¹ Аллахны буйругъу бла Масих Иссаны абустолу болгъан мен Пауулдан Масих Иссагъа ийман салгъан, Эфесдеги сыйлылагъа салам!

Эфеслилеге 1:1 Iomraidhean Croise

Лука 16:10

«Аз затда ышаннгылы болгъан кёп затда да ышангылыды, аз затда ышангылы болмагъан а кёп затда да ышангылы тюйюлдю.

Ишлери 16:15

Ол кеси юйюрю бла бирге сууда кёмюлдюрюлгенден сора бизден: «Сиз мени Раббийге ийнаннганнга санай эсегиз, мени юйюме келип, анда туругъуз», – деп тиледи. Эмда бизни къоймай элтди.

Ишлери 18:19

Эфесге келгенлеринде, Пауул Акиланы бла Прискиланы анда къойду, кеси уа синагогагъа кирип иудейлиле бла ушакъ этди.

Ишлери 18:21

«Келе тургъан байрамны мен Иерусалимде ашырыргъа керекме; сизге уа дагъыда къайтырма, Аллах буюрса», – деп ала бла саламлашып айырылды эм кеме бла Эфесден кетди. Акила бла Прискила уа Эфесде къалдыла.

Ишлери 9:13

Ханания жууапха: «Раббий! Ол адам Сени Иерусалимдеги сыйлыларынга къаллай бир аманлыкъ этгенин мен кёпледен эшитгенме.

Римлилеге 1:1

Масих Иссаны къулу, Аллахны Хайыр Хапарын билдирирге сайланып, абустол болургъа чакъырылгъан мен Пауулдан салам!

Римлилеге 1:7

Римде жашагъан, Аллах сюйген, сыйлы болургъа чакъырылгъанланы барына: Атабыз Аллахдан эм Раббий Масих Иссадан сизге шафауат эм ырахатлыкъ болсун.

Римлилеге 8:1

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

I Коринфлилеге 4:12

Эм кеси къолларыбыз бла ишлеп урунабыз. Бизге аман айтадыла, биз алгъыш этебиз; бизге зулму этедиле, биз тёзебиз;

I Коринфлилеге 4:17

Аны ючюн мен сизге, Раббийни жолунда ышаннгылы, сюйюлюннген уланым Тимотейни ийгенме. Ол а мен Масих Иссада тутхан эм хар жерде, хар жамауатда юйретген жолларымы сизге эсгертир.

II Коринфлилеге 1:1

Аллахны буйругъу бла Масих Иссаны абустолу болгъан мен Пауулдан эм Тимотей къарындашдан Коринфде болгъан Аллахны жамауатына эмда саулай Ахаяда болгъан битеу сыйлылагъа салам!

Галатиялылагъа 1:1

Адамла сайламагъан эм адамны юсю бла сайланмагъан, алай а Масих Исса эм Аны ёлгенледен тиргизген Аллах Ата сайлагъан мен абустол Пауулдан

Галатиялылагъа 3:26

Нек десегиз Масих Иссагъа ийнаныуугъуз бла сиз барыгъыз да Аллахны уланларысыз.

Галатиялылагъа 3:28

Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

Галатиялылагъа 3:9

Алай бла ийман салгъанлагъа ийманлы Ибрахим бла бирге ыразылыкъ бериледи.

Эфеслилеге 1:15

Ол себепден мен да, сизни Масих Иссагъа ийнаннганыгъызны эм битеу сыйлыланы сюйгенигизни эшитгенимден бери,

Эфеслилеге 2:10

Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.

Эфеслилеге 2:13

Энди уа Масих Иссада сиз, бир заманлада узакъ болгъанла, Масихни къаны бла жууукъ болгъансыз.

Эфеслилеге 2:6

Аллах бизни Масих Исса бла бирге тиргизгенди эмда Аны бла бирге кёкледе олтурур жер бергенди.

Эфеслилеге 6:21

Сиз да мени болумуму эм ишлерими халын билир ючюн, сюйюлюннген къарындаш эм Раббийге тюз къуллукъ этген Тихик сизге барындан да хапар берир.

Колослулагъа 1:2

Масих Иссагъа ийнаннган, Колосдагъы сыйлы къарындашлагъа – салам!

Билим Ачханы 17:14

Ала Къозу бла къазауат этерикдиле, Къозу аланы хорларыкъды; нек десенг Ол бийлени Бийиди эм патчахланы Патчахыды, Аны бла болгъанла да чакъырылгъанладыла, сайланнганладыла эм ийманлыладыла», – деди.

Билим Ачханы 2:10

Сен сынарыкъ къыйынлыкъладан къоркъма. Ма, ибилис, сизни сынар ючюн, сизни арагъыздан бир къауумланы тюрмеге саллыкъды эм он кюн къыйынлыкъда боллукъсуз. Ёлюрге керек болсанг да тюз бол, сора санга жашауну тажын берликме.

Билим Ачханы 2:13

„Сени ишлеринги эм жашагъан жеринги билеме; шайтанны тахтасы андады. Алай болгъанлыкъгъа Мени атымы къаты тутаса эм арагъызда – шайтан жашагъан жерде ёлтюрюлген Мени тюз шагъатым Антипаны кюнлеринде окъуна манга ийнаныудан таймагъанса.