Чюйютлелеге 9:9 - Сыйлы Инжил бла Забур

⁹ Бу уа бусагъат заманнга юлгюдю; келтирилип тургъан саугъала бла къурманла Аллахха табыннган адамны жюрегин саулай таза эталмагъанларын кёргюзтеди.

Чюйютлелеге 9:9 Iomraidhean Croise

Римлилеге 5:14

Алай болгъанлыкъгъа Адам файгъамбардан башлап Мусагъа дери ёлюм Адамны гюняхына ушаш гюнях этмегенлеге окъуна бийлик этгенди. Адам файгъамбар келлик Кишини юлгюсю эди.

Галатиялылагъа 3:21

Алай бла Аллахны ант бла берген сёзлерине Тауратны Закону къажаумуду? Чыртда угъай! Нек десегиз жашау берирге болаллыкъ закон берилсе эди, сора кертиси да адам закон бла ариуланыр эди.

Чюйютлелеге 10:11

Хар дин къуллукъчу хар кюн сайын къуллугъун бардырады эм ала бир заманда да гюняхланы къуруталмазлыкъ бир тюрлю къурманланы кёп кере этип турады.

Чюйютлелеге 11:19

Нек десегиз ол, ёлгенледен тиргизирге да Аллахны кючю жетерикди деп, ойлагъанды. Ол себепден, тюзюн айтханда, Исхакъны ёлюмден кери алгъанды.

Чюйютлелеге 5:1

Эски Кесаматха кёре, адамладан сайланнган хар баш дин къуллукъчу саугъала эмда адамланы гюняхларын кечдириучю къурманла келтирирге, Аллахны аллында адамла ючюн къуллукъ этерге сайланады.

Чюйютлелеге 7:11

Алай бла, Левийлилени дин къуллукъчулукъларыны юсю бла тамамлыкъ жетишсе эди – нек десегиз Израильни халкъы Тауратны Законун ол дин къуллукъчулукъгъа таянып алгъанды – Харунну чынында аталмагъанлай, Мелкиседекни чынында башха дин къуллукъчу чыгъаргъа энди не кереги бар эди?

Чюйютлелеге 8:4

Ол, жер башында къалгъан болса эди, сора дин къуллукъчу да боллукъ тюйюл эди; нек десегиз, Тауратны Законуна кёре, къурман келтириучю дин къуллукъчула бардыла.

Чюйютлелеге 9:24

Нек десегиз Масих, керти сыйлы жерни юлгюсю болгъан къол бла ишленнген сыйлы жерге тюйюл, алай а энди бизни ючюн Аллахны аллына барыр ючюн, кёкню кесине киргенди.

I Петер 3:21

Аны кибик, бизни да энди ол халда сууда кёмюлдюрюлгенибиз, чархыбызны кирин жуумакълыкъ тюйюлдю, алай а Аллахха тюз ниетли болургъа сёз бермеклик болуп, Масих Иссаны тиргизилгени бла бизни къутхарады.