Чюйютлелеге 9:24 - Сыйлы Инжил бла Забур

²⁴ Нек десегиз Масих, керти сыйлы жерни юлгюсю болгъан къол бла ишленнген сыйлы жерге тюйюл, алай а энди бизни ючюн Аллахны аллына барыр ючюн, кёкню кесине киргенди.

Чюйютлелеге 9:24 Iomraidhean Croise

Забур 68:18

Къулунгдан бетинги жашырып къойма, нек десенг мен бушман болама. Мени тилегими кёп турмай къабыл эт.

Маттай 18:10

Къарагъыз, бу гитчеледен бирин да сан этмей къоймагъыз; нек десегиз кёкледе аланы мёлеклери хар заманда Мени Кёкледеги Атамы бетин кёредиле, деп айтама сизге.

Марк 14:58

«Биз Аны: „Къол бла ишленнген бу табыныучу юйню бузарыкъма да, юч кюнден сора къол бла ишленмеген башха юй къурарыкъма“ деп айтханын эшитгенбиз», – дедиле.

Марк 16:19

Алай этип, Раббий, ала бла сёлешгенинден сора, кёкге кётюрюлюп, Аллахны онг жанында олтургъанды.

Лука 24:51

Алагъа алгъыш этген заманында, аладан кете-кете, кёкге кётюрюле башлады.

Ахия 16:28

Мен, Атадан чыгъып, дуниягъа келгенме эм дагъыда дунияны къоюп, Атагъа барама», – деди.

Ахия 6:62

Адам Улуну алгъын болгъан жерине кётюрюлгенин кёрсегиз, сора уа не?

Ишлери 3:21

Аллах ёмюрден бери битеу Кесини сыйлы файгъамбарларыны ауузлары бла билдиргенлери бары да толур заманнга дери, Исса кёкде къалыргъа керекди.

Римлилеге 8:33

Аллах сайлагъанланы ким терслерикди? Аланы ариулаучу Аллахды.

II Коринфлилеге 5:1

Ол себепден бизни жердеги юйюбюз, бу чархыбыз бузулса, бизни Аллахдан кёкледе мекямыбыз, къол бла ишленмеген ёмюрлюк чархыбыз болгъанын билебиз.

Колослулагъа 3:2

Жердегини юсюнден угъай, кёкдегини юсюнден ойлашыгъыз.

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.

Чюйютлелеге 12:2

Ийманыбызны башчысы эм тамамлаучусу болгъан Иссагъа къарайыкъ. Ол, Анга боллукъ къууанч ючюн Кесини ыйлыкъдырылыууна къайгъырмай къоюп, къачны юсюнде ёлюмге тёзгенди, энди уа Аллахны тахтасыны онг жанында олтурады.

Чюйютлелеге 4:14

Алай бла, Аллахны Уланы Исса кёкледен озгъан уллу Баш Дин Къуллукъчубуз болгъанына кёре, ачыкъ къабыл этген ийманыбызны къаты тутайыкъ.

Чюйютлелеге 6:20

Ары уа Мелкиседекни чынында ёмюрге да Баш Дин Къуллукъчубуз болгъан Исса бизге жол ачханды.

Чюйютлелеге 8:2

Эмда Ол, адам къурамай, Раббий къурагъан сыйлы жерде эм хакъ керти чатырда къуллукъ этеди.

Чюйютлелеге 8:5

Ала кёкдегини юлгюсюне эм ауанасына къуллукъ этедиле, нек десегиз Муса табыныучу чатырны ишлерге башлагъан заманда Аллах анга: «Къара, хар затын да санга тауну башында кёргюзтюлген юлгюге кёре ишле», – деп айтханды.

Чюйютлелеге 9:1

Биринчи кесаматны да Аллахха къуллукъ этиуню юсюнден жорукълары эмда дуниядагъы табыныучу жери бар эди.

Чюйютлелеге 9:23

Мынга кёре, кёкдеги затланы юлгюлери ол къурманла бла, кёкдеги затла кеслери уа аладан иги къурманла бла тазаланыргъа керек эдиле.

Чюйютлелеге 9:9

Бу уа бусагъат заманнга юлгюдю; келтирилип тургъан саугъала бла къурманла Аллахха табыннган адамны жюрегин саулай таза эталмагъанларын кёргюзтеди.

I Петер 3:22

Масих Исса уа, кёкге чыгъып, Аллахны онг жанындады. Анга мёлекле да, властьла да, кючле да бойсуннгандыла.

Билим Ачханы 8:3

Сора башха мёлек, къолунда ладан кюйдюрюлюучю алтын саууту бла келип, къурман этилиучю жерни аллында тохтады. Ол, битеу сыйлыланы тилеклери бла, тахтаны аллында болгъан алтын къурман жерни юсюне салыр ючюн, анга кёп ладан берилди.