Чюйютлелеге 9:14 - Сыйлы Инжил бла Забур

¹⁴ Сора ёмюрлюк Нюр бла Кесин таза айыпсызны Аллахха къурманнга келтирген Масихни къаны уа, биз жашау бериучю Аллахха къуллукъ этер ючюн, жюреклерибизни ёлюм келтирген ишледен бек да тазаларыкъды!

Чюйютлелеге 9:14 Iomraidhean Croise

Забур 51:2

Идумеялы Доек келип эмда Шауулгъа тил этип, Дауут Абимелекни юйюне келгенди деп анга айтхандан сора жазылгъанды.

Маттай 12:28

Мен жинлени Аллахны Нюрю бла къыстай эсем а, ишексиз сизге Аллахны Патчахлыгъы жетгенди.

Маттай 16:16

Шимон Петер, жууап эте: «Сен – жашау бериучю Аллахны Уланы Масихсе», – деди.

Маттай 20:28

Муну кибик Адам Улу да, Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Маттай 7:11

Алай бла сиз, огъурсуз болгъаныгъызлай да, сабийлеригизге ахшы саугъала берирге биле эсегиз, бегирек да сизни Кёкдеги Атагъыз Андан тилегенлеге ахшылыкъ берир.

Лука 1:74

Ол, бизни душманларыбызны къолларындан къутхаргъандан сора,

Лука 12:24

Къаргъалагъа къарагъыз: ала не урлукъ сепмейдиле, не оракъ ормайдыла, аланы не сакълагъан жерлери, не кюфлери жокъду. Аллах алагъа да ашатып турады. Сиз а къанатлыладан къаллай бир багъалысыз!

Лука 12:28

Бюгюн бар болгъан, тамбла уа отха атыллыкъ, аулакъда ёсген хансны Аллах алай кийиндире эсе, сизни уа бегирек да кийиндирир, эй ийнаныулары азла!

Лука 4:18

«Раббийни Нюрю Мени юсюмдеди; нек десегиз Ол Мени жарлылагъа хайыр хапар берирге майлагъанды эмда Мени жюреклери сыннганланы сау этерге, жесирлеге азатлыкъны, сокъурлагъа кёзлерини ачыллыгъын билдирирге, унукъдурулгъанланы эркинликге бошларгъа,

Ахия 3:34

Аллах ийген Киши Аллахны сёзлерин айтады; нек десегиз Аллах Нюрюн ёлчелеп бермейди.

Ишлери 1:2

Аны хар не этгенини эм неге юйретгенини юсюнден жазгъан эдим.

Ишлери 10:38

Аллах Сыйлы Нюр бла эм кюч бла Назаретли Иссаны къалай майлагъанын билесиз. Исса халкъгъа игилик эте эм ибилис бийлегенлени барын да сау эте айланнганды, нек десегиз Аллах Аны бла эди.

Ишлери 14:15

«Инсанла! Сиз былай нек этесиз? Биз да сизни кибик адамлабыз эмда сиз бу жалгъан затланы къоюп, кёкню да, жерни да, тенгизни да эм битеу алада болгъанланы да жаратхан жашау бериучю Аллахха ийнанып къайтышыгъыз деп, Хайыр Хапарны сизге айтабыз.

Ишлери 15:9

Эмда аланы бла бизни арабызда бир тюрлю башхалыкъ этмей, ийман бла аланы жюреклерин тазалагъанды.

Римлилеге 1:20

Нек десегиз Аны кёрюнмегени, Аны ёмюрлюк кючю эм Аллахлыгъы, дуния жаратылгъандан жаратылыннганлагъа тинтип къарау бла кёрюнедиле. Алай бла ала жууапсыздыла.

Римлилеге 1:4

Эм Кесини кючю бла, сыйлы Нюрюне кёре, ёлгенледен тиргизилгенини юсю бла, Аллахны Уланы болгъаны ачыкъ болгъанды.

Римлилеге 11:12

Сора аланы терсликлери дуниягъа байлыкъ келтирген эсе, аланы жарлы болуулары да башха миллетлеге байлыкъ келтирген эсе, тамамлыкълары уа андан да уллу байлыкъ келтирликди!

Римлилеге 11:24

Ол себепден сен, табийгъатда кийик зейтун терекден кесилип, сени табийгъат халингде болмагъан иги зейтун терекге жалгъаннган эсенг, сора бегирек да ол керти бутакъла кеслерини зейтун тереклерине жалгъанырла!

Римлилеге 6:13

Эмда санларыгъызны гюняхха тюзлюксюзлюкню амалына бермегиз, алай а, ёлгенледен тиргизилгенле кибик, кесигизни Аллахха, санларыгъызны да тюзлюклюлюкню амалына Аллахха беригиз.

Римлилеге 6:22

Энди уа, сиз гюняхдан азат этилип, Аллахны къуллары болгъаныгъызгъа кёре, сизни хайырыгъыз сыйлылыкъды, ахыры уа ёмюрлюк жашауду.

I Коринфлилеге 15:45

Китапда: «Биринчи инсан Адам жашагъан жан болгъанды», – деп алай жазылгъанды; ахыргъы Адам а тиргизиучю нюрдю.

II Коринфлилеге 5:21

Нек десегиз биз Масихни юсю бла Аллахны аллында тюзлюклю болур ючюн, Аллах гюнях не болгъанын билмеген Масихни бизни гюняхларыбыз ючюн къурман этгенди.

II Коринфлилеге 6:16

Аллахны юйюню идолла бла бирге не келишиую барды? Нек десегиз сиз, жашау берген Аллахны юйюсюз: «Алада мекям салып, араларында жюрюрюкме. Мен аланы Аллахы боллукъма, ала да Мени халкъым боллукъдула, – деп Аллахны айтханы кибик.

Галатиялылагъа 2:19

Мен, Аллах ючюн жашаргъа болалыр ючюн, Тауратны Законуну болушлугъу бла Тауратны Законуна ёлгенме. Мен Масих бла бирге къачха керилгенме.

Эфеслилеге 2:5

Терсликлерибиз бла ёлю болгъаныбызлай, бизге Масих бла жашау бергенди. Сиз Аны шафауаты бла къутхарылгъансыз.

Эфеслилеге 5:2

Масих, бизни сюйюп, Кесин бизни ючюн Аллахха саугъагъа эм ариу ийисли къурманнга бергени кибик, сиз да алай, сюймекликни жолунда жюрюгюз.

I Фесалоникачылагъа 1:9

Нек десегиз адамла кеслери бизни къалай сюйюп къабыл этгенигизни айтадыла. Сиз, жашау бериучю хакъ керти Аллахха къуллукъ этер ючюн

I Тимотейге 1:17

Ёмюрлени Патчахына, ёлмезлик, кёрюнмеген, терен акъыллы бир Аллахха уа хурмет да, махтау да ёмюрледен ёмюрлеге болсун! Амин.

I Тимотейге 3:15

Мычысам а, сен Аллахны юйюрюнде къалай этерге тийишли болгъанын билир ючюн, быланы санга жазама. Ол юйюр жашау бериучю Аллахны Жамауатыды, хакъ кертини тамалыды эм чигинжисиди.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.

Чюйютлелеге 10:10

Бу буйрукъгъа кёре уа, биз Масих Исса чархын бир кере къурманнга келтириую бла сыйлы этилгенбиз.

Чюйютлелеге 10:12

Исса уа, гюняхла ючюн бир къурман келтирип, ёмюрлюкге Аллахны онг жанында олтургъанды.

Чюйютлелеге 10:2

Алайсыз аланы келтириуню къояр эдиле; нек десегиз къурман келтиргенле бир кере тазаланнгандан сора, бир тюрлю гюняхларын сезиулери болмаз эди.

Чюйютлелеге 10:22

Ол себепли таза жюрекден, толу ышаныу бла, жюреклерибизни аман ниетден тазалап эмда чархыбызны ариу суу бла жуууп, Аллахха жууукълашайыкъ.

Чюйютлелеге 11:21

Ийманы бла Якъуп, ёле туруп, Юсюпню эки жашына алгъыш бергенди эм кесини таягъыны башына таянып сежда этгенди.

Чюйютлелеге 13:12

Муну кибик, Исса да, Кесини къаны бла халкъны сыйлы этер ючюн, шахарны къабагъындан тышында азап чекгенди.

Чюйютлелеге 3:12

Сакъ болугъуз, къарындашла, сизден биреуде да жашау бериучю Аллахдан тайгъан харам эм иймансыз жюрек болмасын.

Чюйютлелеге 6:1

Ол себепден, Масихни юсюнден юйретиуню ал башланнганларын къоюп, тамамлыкъгъа жетерге ашыгъайыкъ эм ёлюм келтирген ишледен тобагъа къайтышыудан бла Аллахха ийнаныудан,

Чюйютлелеге 7:16

Ол а Тауратны, тукъумну юсюнден фарызына кёре тюйюл, тохтаусуз жашауну кючюне кёре Дин Къуллукъчу болгъанды.

Чюйютлелеге 7:27

Ол баш дин къуллукъчула алгъа кеслерини гюняхлары ючюн, андан сора уа халкъны гюняхлары ючюн хар кюн сайын къурманла этгенлерича этерге Аны уа кереклиси жокъду; нек десегиз Ол Кеси-Кесин къурман этгени бла муну бир кереге этип бошагъанды.

Чюйютлелеге 9:12

Текелени эм бугъаланы къанлары бла тюйюл, алай а Кесини къаны бла сыйлы жерге бир кере кирип, бизге ёмюрлюк къутхарыу алгъанды.

Чюйютлелеге 9:26

Алайсыз Анга дунияны башланнганындан берисинде кёп кере азап чегерге керек боллукъ эди. Ол а бир кере, ёмюрлени ахырында, Кесини къурманы бла гюняхны жокъ этерге келгенди.

Чюйютлелеге 9:7

Чатырны экинчи бёлюмюне уа жылдан бир кере жангыз баш дин къуллукъчу киреди, ол да кеси ючюн эм халкъны билмей этген гюняхлары ючюн этилген къурман къан бла болмаса ары кирмейди.

Чюйютлелеге 9:9

Бу уа бусагъат заманнга юлгюдю; келтирилип тургъан саугъала бла къурманла Аллахха табыннган адамны жюрегин саулай таза эталмагъанларын кёргюзтеди.

I Петер 1:19

Алай а къыяусуз эм таза къозуну къаны кибик, Масихни багъалы къаны бла жулуннганыгъызны билигиз.

I Петер 2:22

Ол бир тюрлю гюнях этмегенди эм Аны ауузунда жалгъан сёз болмагъанды;

I Петер 2:24

Биз, гюняхларыбыздан къутулуп, тюзлюк амалтын жашар ючюн, Ол Кеси бизни гюняхларыбызны Кесини чархы бла къачха кётюргенди. Сиз Аны жаралары бла сау этилгенсиз.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Петер 4:2

Алай бла ол энди чархында къалгъан заманында, адамланы тыйгъычсызлыкъларына кёре тюйюл, Аллахны буйругъуна кёре жашайды.

I Ахия 1:7

Аны жарыкъда болгъаны кибик, жарыкъда жюрюй эсег’а, бир-бирибиз бла бирикмеклигибиз барды эм Аны Уланы Масих Иссаны къаны бизни хар гюняхдан тазалайды.

I Ахия 3:5

Масих бизни гюняхларыбызны Кесини боюнуна алыр ючюн келгенин эм Анда гюнях болмагъанын сиз билесиз.

Билим Ачханы 1:5

Эм тюз шагъат болгъан, ёлгенледен биринчи болуп тиргизилген, дунияны патчахларыны Бийи Масих Иссадан сизге шафауат эм ырахатлыкъ болсун. Бизни сюйген, Кесини къаны бла гюняхларыбыздан бизни азат этген