Чюйютлелеге 7:27 - Сыйлы Инжил бла Забур

²⁷ Ол баш дин къуллукъчула алгъа кеслерини гюняхлары ючюн, андан сора уа халкъны гюняхлары ючюн хар кюн сайын къурманла этгенлерича этерге Аны уа кереклиси жокъду; нек десегиз Ол Кеси-Кесин къурман этгени бла муну бир кереге этип бошагъанды.

Чюйютлелеге 7:27 Iomraidhean Croise

Римлилеге 6:10

Нек десегиз Аны ёлюмю гюнях ючюн ауал эм ахыр ёлюмдю, Аны жашауу уа Аллах ючюн жашауду.

Эфеслилеге 2:22

Аны юсюнде сиз да бирге къуралып Сыйлы Нюрню юсю бла Аллахны жашагъан жери болгъансыз.

Эфеслилеге 5:2

Масих, бизни сюйюп, Кесин бизни ючюн Аллахха саугъагъа эм ариу ийисли къурманнга бергени кибик, сиз да алай, сюймекликни жолунда жюрюгюз.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Чюйютлелеге 5:1

Эски Кесаматха кёре, адамладан сайланнган хар баш дин къуллукъчу саугъала эмда адамланы гюняхларын кечдириучю къурманла келтирирге, Аллахны аллында адамла ючюн къуллукъ этерге сайланады.

Чюйютлелеге 5:3

Эм ол себепден ол, халкъ ючюн да, кеси ючюн да гюняхланы кечдириучю къурманла этерге керекди.

Чюйютлелеге 8:4

Ол, жер башында къалгъан болса эди, сора дин къуллукъчу да боллукъ тюйюл эди; нек десегиз, Тауратны Законуна кёре, къурман келтириучю дин къуллукъчула бардыла.

Чюйютлелеге 9:12

Текелени эм бугъаланы къанлары бла тюйюл, алай а Кесини къаны бла сыйлы жерге бир кере кирип, бизге ёмюрлюк къутхарыу алгъанды.

Чюйютлелеге 9:14

Сора ёмюрлюк Нюр бла Кесин таза айыпсызны Аллахха къурманнга келтирген Масихни къаны уа, биз жашау бериучю Аллахха къуллукъ этер ючюн, жюреклерибизни ёлюм келтирген ишледен бек да тазаларыкъды!

Чюйютлелеге 9:25

Аны кёкге киргени, баш дин къуллукъчу хар жылдан Эм Сыйлы Жерге башханы къаны бла киргенча, Кесин кёп кере къурманнга келтирир ючюн тюйюлдю.

Чюйютлелеге 9:26

Алайсыз Анга дунияны башланнганындан берисинде кёп кере азап чегерге керек боллукъ эди. Ол а бир кере, ёмюрлени ахырында, Кесини къурманы бла гюняхны жокъ этерге келгенди.

Чюйютлелеге 9:28

Масих да алай, кёплени гюняхларын Кесини боюнуна алыр ючюн, Кесин бир кере къурманнга келтиргенди. Экинчи кере уа гюняхдан тазалар ючюн тюйюл, алай а Аны сакълагъанланы къутхарыр ючюн келликди.

Чюйютлелеге 9:7

Чатырны экинчи бёлюмюне уа жылдан бир кере жангыз баш дин къуллукъчу киреди, ол да кеси ючюн эм халкъны билмей этген гюняхлары ючюн этилген къурман къан бла болмаса ары кирмейди.