Чюйютлелеге 7:16 - Сыйлы Инжил бла Забур

¹⁶ Ол а Тауратны, тукъумну юсюнден фарызына кёре тюйюл, тохтаусуз жашауну кючюне кёре Дин Къуллукъчу болгъанды.

Чюйютлелеге 7:16 Iomraidhean Croise

Римлилеге 7:14

Нек десегиз биз билгенликден, Закон нюрденди, мен а чархданма, гюняхха къулгъа сатылгъанма.

Галатиялылагъа 4:3

Биз да аны кибик, «сабийликде» болгъан заманыбызда, бу дунияны башланнгыч жорукъларына бойсунуп тургъанбыз.

Галатиялылагъа 4:9

Энди уа, сиз Аллахны билесиз неда тюзюн айтханда, Аллах сизни биледи. Алай эсе дагъыда ол къарыусуз эм файдасыз башланнгыч жорукълагъа не ючюн къайтасыз? Кесигизни энтда жангыдан алагъа къул этергеми сюесиз?

Колослулагъа 2:14

Жорукълары бла бизге къажау жазылгъан эмда терслигибизни кёргюзтген борч къагъытны къоратып, аны арадан алып, чюйле бла къачха ургъанды.

Колослулагъа 2:20

Алай бла, сиз Масих бла ёлюп бу дунияны башланнгыч жорукъларындан азат болгъан эсегиз, сора сиз, бу дунияда жашагъанлача:

Чюйютлелеге 10:1

Тауратны Закону уа, келлик ахшылыкъланы керти сыфатлары тюйюл, бу затланы жаланда ауанасыды. Ол себепден Закон, хар жылдан тохтаусуз келтирилген бир къурманла бла Аллахха жууукълашханланы бир заманда да тамамлы эталлыкъ тюйюлдю.

Чюйютлелеге 7:15

Мелкиседекге ушап, башха дин къуллукъчу келгени себепли, бу айтханыбыз энди бегирек да ачыкъ болуп ангылашынады.

Чюйютлелеге 7:17

Нек десегиз: «Сен Мелкиседекни чынында ёмюрде да Дин Къуллукъчуса», – деп шагъатлыкъ этилгенди.

Чюйютлелеге 7:21

Нек десегиз левийлиле ант этилмеген дин къуллукъчула эдиле; Исса уа Аны юсюнден: «Раббий ант этгенди эм сокъуранырыкъ тюйюлдю: „Сен Мелкиседекни чынында ёмюрде да Дин Къуллукъчуса“», – деп айтхан Аллахны анты бла Дин Къуллукъчу болгъанды.

Чюйютлелеге 7:28

Тауратны Законуна кёре, баш дин къуллукъчугъа къарыусуз адамла салынадыла. Закондан сора берилген ант сёз а ёмюрлюк тамамлыкъгъа жетишген Аллахны Уланын Баш Дин Къуллукъчугъа салгъанды.

Чюйютлелеге 7:3

Ол атасыз, анасызды; тукъумуну тарыхы жокъду; не кюнлерини башланнганы, не жашаууну ахыры жокъду; Аллахны Уланына ушап, хар заманда да дин къуллукъчу болуп турады.

Чюйютлелеге 9:14

Сора ёмюрлюк Нюр бла Кесин таза айыпсызны Аллахха къурманнга келтирген Масихни къаны уа, биз жашау бериучю Аллахха къуллукъ этер ючюн, жюреклерибизни ёлюм келтирген ишледен бек да тазаларыкъды!

Билим Ачханы 1:18

Сау Менме. Ёлген да болгъанма; ма къара, ёмюрледен ёмюрлеге да саума. Амин. Ахыратны эм ёлюмню ачхычлары Мендедиле.