Чюйютлелеге 6:4 - Сыйлы Инжил бла Забур

⁴ Бир кере жарыкъланып, кёкню саугъасындан татып, Сыйлы Нюрден юлюшлю болуп,

Чюйютлелеге 6:4 Iomraidhean Croise

Маттай 12:45

Сора барып, кесинден да огъурсуз башха жети харам нюрню биргесине алып келип, ары кирип анда жашайдыла; ол адамны артдагъы халы алгъыннгыдан да аман болады. Бу огъурсуз тукъумгъа да алай боллукъду», – деди.

Маттай 5:13

«Сиз – жерни тузусуз. Тузну кючю кетсе уа, сора аны не бла тузлу этериксе? Ол энди тышына атылып адамланы аякъ тюплеринде малтаннгандан башха бир затха да жарамайды.

Ахия 15:6

Менде болуп турмагъан адам, бутакъ кибик, тышына атыллыкъды эмда къурурукъду; аллай бутакъланы уа, жыйып, отха атадыла, ала да кюедиле.

Ахия 3:27

Ахия алагъа жууапха: «Адам, анга кёкден берилмесе, бир зат да алаллыкъ тюйюлдю.

Ахия 4:10

Исса анга жууапха: «Сен Аллахны саугъасын билсенг эди эмда санга: „Манга бир суу ичирчи“ деген ким болгъанын билсенг эди, сен кесинг Андан тилер эдинг, Ол да санга жашау бериучю суу берир эди», – деди.

Ахия 6:32

Исса уа алагъа: «Кертисин, кертисин айтама сизге: кёкден сизге ётмек берген Муса тюйюлдю, сизге кёкден керти ётмекни берген а Мени Атамды.

Ишлери 10:45

Петер бла келген сюннетли ийнаннганла, башха миллетлилеге да Сыйлы Нюрню саугъасы къуюлгъанына сейирсиндиле.

Ишлери 11:17

Алай бла, Аллах бизге, Раббий Масих Иссагъа ийнаннганлагъа бергени кибик, алагъа да аллай саугъа берген эсе, мен а кимме, Аллахха къажау турургъа?» – деди.

Ишлери 15:8

Адамланы жюреклерин билген Аллах а, Сыйлы Нюрню бизге бергени кибик, алагъа да берип, аланы къабыл этгенин кёргюзтгенди.

Ишлери 8:20

Алай а Петер анга: «Сен Аллахны саугъасын ахчагъа алыргъа ойлагъанынг ючюн, сени кюмюшюнг да сени бла бирге жоюлсун!

Римлилеге 1:11

Нек десегиз, сиз ийманда бегимли болур ючюн, сизге нюр жанындан бир фахму берир мурат бла сизни кёрюрге бек сюеме,

II Коринфлилеге 4:4

Кёрюнмеген Аллахны сыфаты болгъан Масихни аламатлыгъыны юсюнден Хайыр Хапарны жарыгъы иймансызланы жарытмаз ючюн, бу ёмюрню аллахы аланы акъылларын сокъур этгенди.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

Галатиялылагъа 3:2

Сизден жаланда муну билирге сюеме: сиз Сыйлы Нюрню Тауратны фарызларын тутууугъуз бламы, огъесе Хайыр Хапарны эшитип анга ийнаныуугъуз бламы алгъансыз?

Галатиялылагъа 3:5

Сизге Сыйлы Нюрню берген эм сизни арагъызда къудуретли ишле этген Аллах, быланы Тауратны фарызларын тутханыгъыз ючюнмю, огъесе сиз Хайыр Хапаргъа тынгылап анга ийнаннганыгъыз ючюнмю этеди?

Эфеслилеге 1:18

Аны чакъырыуундан келген умутну, Ол сыйлы халкъына юлюшге берирге сёз берген аламат байлыкъны

Эфеслилеге 2:8

Нек десегиз сиз Аны шафауаты бла, ийнаныуугъузну юсю бла къутхарылгъансыз, ол да сиз жетишген зат тюйюлдю, Аллахны саугъасыды.

Эфеслилеге 3:7

Аллахны менде жюрюген кючю бла манга берген шафауатыны саугъасы бла мен ол Хайыр Хапарны жайыучу жумушчу болгъанма.

Эфеслилеге 4:7

Масихни берген саугъасыны мардасына кёре бизни хар бирибизге да шафауат берилгенди.

I Тимотейге 4:14

Жамауатны таматалары сени юсюнге къолларын салып тилек этгенде, файгъамбарлыкъ сёз бла санга берилген эм энтда сенде болгъан нюр пахмуну сансыз этип къойма.

II Тимотейге 2:25

Къажау тургъанланы сабырлыкъ бла тюшюндюрюрге керекди, тобагъа къайтышып, хакъ кертини билирге Аллах алагъа онг берир эсе уа деп.

II Тимотейге 4:14

Багъырчы Аскендир манга кёп заран этгенди. Раббий анга, этген ишлерине кёре жетишдирир.

Чюйютлелеге 10:32

Озгъан кюнлеригизни – сиз жарыкъланнганыгъыздан сора уллу къыйынлыкълагъа тёзген кюнлеригизни – эсигизге тюшюрюгюз.

Чюйютлелеге 2:4

Аллах да ол хапаргъа илишанла бла, сейирликле бла, кёп тюрлю къудуретли ишле бла эмда Сыйлы Нюрню саугъалары бла шагъатлыкъ этгенди; аланы уа адамлагъа Кеси сюйгенча юлешгенди.

I Ахия 5:16

Къарындашы ёлюмге тийишли болмагъан гюнях этгенин кёрген адам, аны ючюн тилек этсин; Аллах да ёлюмге тийишли болмагъан гюнях этген къарындашха жашау берир. Барды ёлюмге тийишли гюнях, аны ючюн тилек этсин демейме.