Чюйютлелеге 6:18 - Сыйлы Инжил бла Забур

¹⁸ Аллах жалгъан айтыргъа амал жокъду. Ол себепден биз, къутхарылыр ючюн Анга келгенле, уллу таукеллик бла аллыбызда болгъан умутну тутар ючюн, Аллах эки тюрленмезлик затны: сёз бериуюн бла антын жюрютгенди.

Чюйютлелеге 6:18 Iomraidhean Croise

Забур 110:4

Ол Кесини сейирлик ишлерин унутулмазлыкъла этгенди, мархаматлыды эм ырахматлыды Раббий.

Забур 46:1

Хорну таматасына: Къорах улуланы зикири.

Забур 62:8

Нек десенг мени болушлукъчум Сенсе эмда Сени къанатларынгы тюбюнде къууанч этерикме.

Маттай 24:35

Кёк бла жер жокъ болсала да, Мени сёзлерим а къаллыкъдыла».

Маттай 3:7

Ахия уа, кёп фарисейлени бла садукейлени анга сууда кёмюлдюрюлюрге келгенлерин кёрюп, алагъа: «Жилянны балалары! Келлик чамланыудан къачаргъа сизни ким юйретгенди?

Лука 2:25

Ол заманда Иерусалимде Шимон атлы бир адам бар эди. Ол Израильни жапсарыллыкъ заманын сакълагъан, тюзлюклю эм дин ахлу киши эди эм аны юсюнде Сыйлы Нюр бар эди.

Римлилеге 15:5

Тёзюмлюлюк бериучю эм кёл этдириучю Аллах а, Масих Иссаны юйретиуюне кёре, сизни арагъызда бир акъыллы болууну сизге берсин.

Римлилеге 3:25

Аллах Масихни, Аны къанына ийнаныуубуз бла гюняхларыбызны кечдирген къурманнга бергенди эм алай бла Кесини тюзлюгюн кёргюзтгенди. Нек десегиз Аллах, бизге тёзюп, алгъын этген гюняхларыбызны кечгенди.

Римлилеге 3:4

Чыртда угъай! Хар адам ётюрюкчю эсе да, Аллахны тюз сёзлю болгъаны билинсин, Китапда: «Сен сёзлерингде тюзлюклю чыгъарыкъса эм сюдюнгде хорларыкъса», – деп жазылгъаны кибик.

Римлилеге 5:5

Ышаныу а айыплы этмейди; нек десегиз бизге берилген Сыйлы Нюрню юсю бла бизни жюреклерибизге Аллахны сюймеклиги къуюлгъанды.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 1:5

Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

I Фесалоникачылагъа 1:10

Эм Кесини ёлгенледен тиргизген Уланыны – келлик чамланыудан бизни къутхарыучу Иссаны – кёкледен келлигин сакълар ючюн, идоллагъа табыныуну къоюп, Аллахха къалай къайтышханыгъызны айтадыла.

I Тимотейге 1:1

Бизни Къутхарыучубуз Аллахны эм бизни ышаннганыбыз Раббий Масих Иссаны буйругъу бла Масих Иссаны абустолу мен Пауулдан

I Тимотейге 6:12

Ийман ючюн ахшы кюреш, ёмюрлюк жашауну тут; сен а анга чакъырылгъанса эмда кёп шагъатланы аллында огъурлу ийманны ачыкъ къабыл этгенсе.

II Тимотейге 2:13

Биз ышаннгылы тюйюл эсек да, Ол а ышаннгылыды; нек десенг Кесин инкяр эталлыкъ тюйюлдю.

Титге 1:2

Абустоллугъум а сёзюнден таймагъан Аллах ёмюрледен да алгъын заманлада берирге айтхан ёмюрлюк жашаугъа ышаныуума таянады.

Чюйютлелеге 11:7

Ийманы бла Нух, алыкъа кёрюнмеген болумланы юсюнден билим алып, Аллахха хурмет этиую бла кесини юйюрюн къутхарыргъа кеме хазырлагъанды. Аны бла ол битеу дунияны терслегенди эм ийманнга таяннган тюзлюклюлюкден юлюшлю болгъанды.

Чюйютлелеге 3:11

Ол себепден, Мен ачыуум бла ант этгенимча, ала Мени берлик ырахатлыгъыма кирлик тюйюлдюле“ дегенме».

Чюйютлелеге 3:6

Масих а Аллахны юйюнде Уланыча тюздю. Биз таукеллигибизни эм аны бла махтаннган ышаныуубузну ахырына дери къаты сакъласакъ, Аны юйю бизбиз.

Чюйютлелеге 6:17

Ол себепден Аллах да, сёз бергенинден юлюшлюлеге Кесини муратыны тюрленмезлигин кёргюзтюрге сюйюп, арада ант жюрютгенди.

Чюйютлелеге 7:19

Нек десегиз Тауратны Закону бир затны да тамамлыкъгъа жетдирмегенди. Аны орунуна бизге бизни Аллахха жууукълашдыргъан андан да ахшы умут келгенди.

Чюйютлелеге 7:21

Нек десегиз левийлиле ант этилмеген дин къуллукъчула эдиле; Исса уа Аны юсюнден: «Раббий ант этгенди эм сокъуранырыкъ тюйюлдю: „Сен Мелкиседекни чынында ёмюрде да Дин Къуллукъчуса“», – деп айтхан Аллахны анты бла Дин Къуллукъчу болгъанды.

I Ахия 1:10

Биз гюнях этмегенбиз дей эсег’а, сора Аны ётюрюкчю этебиз эм бизде Аны сёзю жокъду.

I Ахия 5:10

Аллахны Уланына ийнаннганны кесини кесинде шагъатлыгъы барды. Аллахха ийнанмагъан, Аны ётюрюкчю сунады; нек десегиз Аллах Кесини Уланыны юсюнден этген шагъатлыкъгъа ийнанмагъанды.