Чюйютлелеге 5:7 - Сыйлы Инжил бла Забур

⁷ Масих дуниядагъы жашаууну кюнлеринде ачы къычырыкъла бла эм жилямукъла бла Аны ёлюмден къутхараллыкъ Аллахдан дууа этип тилек этгенди эм Аллахха хурмет этгени ючюн Аны тилеги къабыл болгъанды.

Чюйютлелеге 5:7 Iomraidhean Croise

Забур 69:1

Хорну таматасына: Дауутну зикири. Аллахны эсге тюшюрюр ючюн.

Забур 88:1

Эзрахлы Этанны юйретиу зикири.

Маттай 27:46

Тогъузунчу сагъатха жууукъ заманда уа Исса уллу ауаз бла: «Элий, Элий! Лема шевакътаний?» – деп къычырды. Аны магъанасы: «Аллахым, Аллахым! Сен Мени нек атып къойдунг?» – деген сёздю.

Маттай 27:50

Исса уа, дагъыда уллу ауаз бла къычырып, жанын берди.

Марк 15:34

Тогъузунчу сагъатда Исса уллу ауаз бла: «Элохий, Элохий! Лема шевакътаний?» – деп къычырды, аны магъанасы уа «Эй Аллахым, эй Аллахым! Сен Мени нек атып къойдунг?» деген сёздю.

Марк 15:37

Исса уа, уллу къычырып, жанын берди.

Лука 23:46

Исса, уллу ауаз бла къычырып: «Ата! Жанымы Сени къолунга береме!» – деди. Сора муну айтып, жанын берди.

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 11:35

Иссаны жилямукълары келди.

Ахия 11:42

Сен хар заманда да Мени тилегими къабыл этгенинги Мен биле эдим; алай а муну, былайда тургъан халкъ ючюн, Мени Сен ийгенинге ала ийнаныр ючюн айтдым», – деди.

Ахия 17:1

Бу сёзледен сора Исса, кёзлерин кёкге кётюрюп, былай айтды: «Ата! Сагъат жетди: Уланынгы махтаулу эт, Уланынг да Сени махтаулу этсин.

Римлилеге 8:3

Адам табийгъатдан кючсюзленнген Тауратны Закону эталмагъанны Аллах этгенди; Кесини Уланын, адамны гюняхлы чархына ушагъан чарх бла гюнях ючюн къурман болургъа ийгенди эм гюняхха адам чархында сюд этгенди.

Галатиялылагъа 4:4

Заманны толулугъу келгенде уа, Аллах, къатындан туугъан эмда Законнга кёре жашагъан Кесини Уланын,

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

Чюйютлелеге 10:10

Бу буйрукъгъа кёре уа, биз Масих Исса чархын бир кере къурманнга келтириую бла сыйлы этилгенбиз.

Чюйютлелеге 10:5

Ол себепден Масих, дуниягъа киргенинде, былай айтады: «Къурманланы бла саугъаланы Сен унамай къойгъанса, алай а Манга чарх хазырлагъанса.

Чюйютлелеге 11:7

Ийманы бла Нух, алыкъа кёрюнмеген болумланы юсюнден билим алып, Аллахха хурмет этиую бла кесини юйюрюн къутхарыргъа кеме хазырлагъанды. Аны бла ол битеу дунияны терслегенди эм ийманнга таяннган тюзлюклюлюкден юлюшлю болгъанды.

Чюйютлелеге 12:28

Ол себепли биз, титиремезлик патчахлыкъны алгъаныбызгъа кёре, Аллахны шафауатын тутайыкъ; аны бла уа Аллахны сыйлы кёрюу бла эм Аллахдан къоркъуу бла Аны ыразы этип къуллукъ этейик.

Чюйютлелеге 13:20

Къойланы уллу Сюрюучюсю болгъан бизни Раббийибиз Масих Иссаны ёмюрлюк кесамат къаны бла ёлгенледен тиргизген, ырахатлыкъ бериучю Аллах а,

Чюйютлелеге 2:14

Сабийле уа чархдан бла къандан юлюшлю болгъанлары ючюн, Исса да, ёлюмню бийин – ибилисни, ёлюмню юсю бла къоратыр ючюн, адам табийгъатны Кесине алгъанды.

I Ахия 4:3

Чархы бла келген Масих Иссаны ачыкъ къабыл этмеген нюр а Аллахдан тюйюлдю, алай а ол Масиххе къаршчыны нюрюдю. Сиз аны келлигин эшитгенсиз, ол а энди бу дуниядады.

II Ахия 1:7

Нек десегиз адам чархы бла келген Масих Иссаны къабыл этмеген кёп терилтиучюле дуниягъа чыкъгъандыла. Аллай адам терилтиучюдю эм Масиххе къаршчыды.