Чюйютлелеге 4:2 - Сыйлы Инжил бла Забур

² Нек десегиз къутхарылыуну юсюнден Хайыр Хапар алагъа билдирилгени кибик, бизге да билдирилгенди; алай а ала эшитген сёзню ийман бла къабыл этмегенлери себепли, ол сёз алагъа файда бермегенди.

Чюйютлелеге 4:2 Iomraidhean Croise

Ишлери 13:46

Ол заманда Пауул бла Барнаба таукеллик бла алагъа: «Аллахны сёзю бек алгъа сизге билдирилирге керек эди; алай а сиз аны къабыл этмей, кесигиз-кесигизни ёмюрлюк жашаугъа тийишли болмазча этгенигиз ючюн, ма, биз башха миллетлилеге айланып айтабыз.

Ишлери 3:26

Аллах, сизни хар биригизни да аман ишлеригизден тайдырып сизни алгъышлы этер ючюн, Кесини Уланы Иссаны тиргизип, бек алгъа сизге ийгенди», – деп сёлешди.

Римлилеге 2:25

Тауратны толтура эсенг, сюннетни файдасы барды; сен Тауратны бузуучу эсенг а, сени сюннетинги магъанасы жокъду.

Римлилеге 3:3

Аланы бир къауумлары ийман салмагъан эселе, не болур? Аланы иймансызлыкълары Аллахны ышаннгылылыгъын жокъ этерми?

I Коринфлилеге 13:3

Эмда мен, битеу мюлкюмю садакъа этип юлешсем да эм чархымы кюйдюрюрге берсем да, сюймеклигим жокъ эсе уа, андан манга бир тюрлю файда жокъду.

Галатиялылагъа 3:2

Сизден жаланда муну билирге сюеме: сиз Сыйлы Нюрню Тауратны фарызларын тутууугъуз бламы, огъесе Хайыр Хапарны эшитип анга ийнаныуугъуз бламы алгъансыз?

Галатиялылагъа 3:8

Сыйлы Китап да, Аллах башха миллетлилени да ийман бла ариуларыгъын алгъындан кёрюп, Ибрахимге: «Сени юсюнг бла битеу миллетлеге ыразылыкъ берилликди», – деп Хайыр Хапарны алгъындан билдиргенди.

Галатиялылагъа 4:13

Мен Хайыр Хапарны сизге биринчи кере чархымы къарыусузлугъу бла бергеними сиз билесиз.

I Фесалоникачылагъа 1:5

Нек десегиз бизни сизге Хайыр Хапарны жайгъаныбыз жаланда сёз бла болуп къалмагъанды, алай а кюч бла эм Сыйлы Нюр бла эм толу ышаныу бла болгъанды; биз сизни ючюн сизни арагъызда къалай болгъаныбызны сёзсюз сиз кесигиз билесиз.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

I Тимотейге 4:8

Нек десенг чархын юйретиуню файдасы азды, Аллахны жолунда жюрюмеклиг’а Аны берген сёзюне кёре бизге хар не жаны бла да, эндиги жашауда да, ёмюрлюк жашауда да файдалыды.

Чюйютлелеге 11:6

Ийманынг болмаса, Аллахны ыразы этерге амал жокъду. Ол себепден Аллахха жууукълашхан Аны бар болгъанына эм Аны излегенлеге Ол тийишлисин бергенине ийнаныргъа керекди.

Чюйютлелеге 3:12

Сакъ болугъуз, къарындашла, сизден биреуде да жашау бериучю Аллахдан тайгъан харам эм иймансыз жюрек болмасын.

Чюйютлелеге 4:6

Алай бла бир къауумла ол ырахатлыкъгъа ишексиз кирликдиле. Алгъын алагъа хайыр хапар билдирилгенле уа, боюн салмагъанлыкълары ючюн, анга кирмегендиле.

Якъуп 1:21

Ол себепден, хар тюрлю харамлыкъны эм аманлыкъны къалгъанын къоюп, сизге орнатылгъан эм сизни жанларыгъызны къутхараллыкъ сёзню жууашлыкъ бла къабыл этигиз.

I Петер 1:12

Кёкледен ийилген Сыйлы Нюр бла Хайыр Хапарны айтханланы энди сизге билдиргенлерини хайыры, аланы кеслерине тюйюл, сизге жарагъаны алагъа ачыкъ болгъанды. Бу затлагъа уа мёлекле да къараргъа талпыйдыла.