Чюйютлелеге 4:12 - Сыйлы Инжил бла Забур

¹² Нек десегиз Аллахны сёзю жашайды эм кючлюдю эм хар тюрлю эки ауузлу къылычдан да жютюдю; ол жанны бла нюрню, жиклени бла жиликлени айырыугъа дери ётеди эм жюрекни ойлашыуларына бла ниетлерине сюд этеди.

Чюйютлелеге 4:12 Iomraidhean Croise

Забур 110:2

Раббийни ишлери уллудула, битеу аланы сюйгенле аланы билирге излейдиле.

Забур 139:2

Я Раббий, огъурсуз адамдан мени къутхар, зулмучудан мени сакъла.

Забур 149:6

Аллахха уллу ауаз бла махтау салсынла, эки ауузлу къылыч да аланы къолларында болсун

Забур 45:3

Ол себепден, жер окъуна титиресе да, таула да тенгизлени ортасына атылсала да, къоркъурукъ тюйюлбюз.

Лука 8:11

Бу таурух а ма бу магъананы тутады: урлукъ Аллахны сёзюдю.

Ахия 12:48

Мени къабыл этмегенни эм Мени сёзлерими алмагъанны кесини сюдюсю барды: Мен айтхан сёз ахыр кюн анга сюд этерикди.

Ахия 6:51

Кёкден тюшген, жашау бериучю ётмек Менме. Бу ётмекден ашагъан ёмюрге жашарыкъды. Мен берлик ётмег’а Мени чархымды; аны уа Мен дуниягъа жашау берир ючюн берликме», – деди.

Ишлери 2:37

Муну эшитгенлеринде, аланы жюреклери эрип, Петерге бла къалгъан абустоллагъа: «Къарындашла, биз не этейик?» – дедиле.

Ишлери 4:31

Ала тилек этгенден сора, жыйылып тургъан жерлери да титиреди эм барысы да Сыйлы Нюрден толуп Аллахны сёзюн таукеллик бла айта эдиле.

Ишлери 5:33

Муну эшитгенде, ала ачыудан къутура эдиле эм абустолланы ёлтюрюрге къаст эте эдиле.

Ишлери 7:38

Къум тюзде жамауатны арасында жашагъан, Синай тауда анга сёлешген мёлек бла эм аталарыбыз бла бирге болгъан эм бизге айтыр ючюн жашау бериучю сёзле алгъан олду.

Римлилеге 1:16

Мен Масихни Хайыр Хапарын билдирирге ыйлыкъсынмайма; нек десегиз ол бек алгъа иудейлилени, андан сора уа башха миллетлилени, хар ийнаннганны къутхарыргъа Аллахны кючюдю.

I Коринфлилеге 1:24

Алай а Масих, иудейлиледен да, греклиледен да чакъырылгъанланы кеслерине Аллахны кючюдю эмда Аллахны акъылманлыгъыды.

II Коринфлилеге 2:17

Нек десегиз биз, кёплеча, Аллахны сёзюн кесибизге файда болур ючюн жюрютюучюле тюйюлбюз, алай а Аллах ийгенле, Масихникиле болуп, Аллахны аллында таза жюрекден айтабыз.

II Коринфлилеге 4:2

Алай а, таша болгъан айыплы ишлени атып, хыйлалыкъ этерге излемей эм Аллахны сёзюн терсине бурмай, хакъ кертини уа ачып, кесибизни хар адамны жюрегине Аллахны аллында ачыкъ этебиз.

Эфеслилеге 5:13

Алай а жарыкъ ачыкъ этген хар зат кёрюнеди, нек десегиз хар затны да ачыкъ этип кёргюзтген жарыкъды.

Эфеслилеге 5:26

Масих Жамауатын суу бла жуууп, Аллахны сёзю бла тазалап сыйлы этер ючюн,

Эфеслилеге 6:17

Къутхарылыуну темир бёркюн кийигиз эмда Сыйлы Нюрню къылычын, Аллахны сёзюн алыгъыз.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

I Фесалоникачылагъа 5:23

Ырахатлыкъ бериучю Аллах а Кеси сизни толусунлай сыйлы этсин эм сизни нюрюгюз да, жаныгъыз да, чархыгъыз да, Раббийибиз Масих Иссаны келиуюнде къыяусуз болур ючюн, битеу саулай сакълансын.

Чюйютлелеге 13:7

Сизге Аллахны сёзюн билдирген оноучуларыгъызны эсигизде тутугъуз эм аланы жашауларыны ахырына къарап, аланы ийманларындан юлгю алыгъыз.

Чюйютлелеге 6:5

Аллахны ахшы сёзюнден эм боллукъ ёмюрню къудуретлеринден татып,

Якъуп 1:18

Биз, Ол жаратханланы биринчилери болур ючюн, Кеси сюйюп, Ол бизни хакъ кертини сёзю бла туудургъанды.

I Петер 1:23

Сиз чиририк урлукъдан тюйюл, алай а чиримезлик урлукъдан, Аллахны керти эм ёмюрде да болуп турлукъ сёзюню юсю бла жангыдан туугъанласыз.

Билим Ачханы 1:16

Онг къолунда жети жулдузну тута эди; Аны ауузундан эки жаны да жютю къылыч чыгъа эди; Аны бети да битеу кючю бла жарыгъан кюн кибик эди.

Билим Ачханы 19:15

Ол миллетлени хорлар ючюн, Аны ауузундан а жютю къылыч чыгъады. Ол Кеси аланы темир таякъ бла кютерикди; Ол битеу дунияны тутхан Аллахны ачыу эм чамланыу чагъырыны жюзюм сыгъыучусун малтарыкъды.

Билим Ачханы 19:21

Къалгъанлары уа, атха минип Тургъанны ауузундан чыкъгъан къылыч бла ёлтюрюлдюле; битеу къанатлыла да аланы этлеринден тойдула.

Билим Ачханы 2:16

Ол себепден тобагъа къайтыш! Алай этмесенг а, къысха заманда санга келип, ала бла ауузумдагъы къылыч бла къазауат этерикме.

Билим Ачханы 2:23

Аны сабийлерин да ёлюм бла къырлыкъма эм Мен адамланы жюреклерин бла кёллериндегин сынаучу болгъанымы битеу жамауатла ангыларла эм сизни хар биригизге да этген ишлеригизге кёре тийишлисин берирме.

Билим Ачханы 20:4

Сора мен тахталаны да, алада олтургъанланы да кёрдюм. Сюд этерге алагъа эркинлик берилген эди. Иссагъа этген шагъатлыкълары эм Аллахны Сёзю ючюн башлары кесилгенлени жанларын да кёрдюм. Ала уа жаныуаргъа да, аны суратына да сежда этмеген эдиле эм аны тамгъасын не кеслерини мангылайларына, не къолларына къабыл этмеген эдиле. Ала тирилдиле эм Масих бла бирге минг жыл патчахлыкъ этдиле.