Чюйютлелеге 3:6 - Сыйлы Инжил бла Забур

⁶ Масих а Аллахны юйюнде Уланыча тюздю. Биз таукеллигибизни эм аны бла махтаннган ышаныуубузну ахырына дери къаты сакъласакъ, Аны юйю бизбиз.

Чюйютлелеге 3:6 Iomraidhean Croise

Забур 2:12

Уланын сыйлы кёрюгюз, алайсыз Ол чамланыр эмда сиз баргъан жолугъузда жоюлурсуз; нек десегиз къысха заманда Аны чамланыуу къабынырыкъды. Битеу Анга ышаннганла насыплыдыла.

Маттай 10:22

Мени атым ючюн сизни бары да кёрюп болмай къаллыкъдыла; ахырына дери тёзген а къутхарыллыкъды.

Маттай 16:18

Мен да санга айтама: сен Петерсе эм бу ташны юсюнде Мен жамауатымы къурарыкъма; ахыратны къабакълары аны хорларыкъ тюйюлдюле.

Маттай 24:13

Ахырына дери тёзген а къутхарыллыкъды.

Римлилеге 11:22

Алай бла Аллахны ахшылыгъын эм къатылыгъын кёресе. Ол тайып къалгъанлагъа къатыды; санга уа, Аны ахшылыгъында турсанг, ахшылыкълыды; турмасанг а, сен да кесилип тюшериксе.

Римлилеге 12:12

Ышаныу бла къууаныгъыз, къыйынлыкъда тёзюмлю, тилек этиуде тохтаусуз болугъуз.

Римлилеге 15:13

Умут берген Аллах, сиз Сыйлы Нюрню кючюнден ышаныу бла бай болур ючюн ийманда сизни хар тюрлю къууанчдан эм ырахатлыкъдан толтурсун.

Римлилеге 5:2

Аны юсю бла уа ийнаныуубуз бла бу биз тургъан шафауатха эркинлик алгъанбыз эм Аллахны махтаууна ышаныу бла махтанабыз.

I Коринфлилеге 3:16

Сиз Аллахны юйю болгъаныгъызны эм Аллахны Нюрю сизде жашагъанын билмеймисиз?

I Коринфлилеге 6:19

Сизни чархларыгъыз, сиз Аллахдан алгъан, Ол сизде жашагъан Сыйлы Нюрню юйю болгъанын эмда сиз кесигизге ие болмагъаныгъызны билмеймисиз?

II Коринфлилеге 6:16

Аллахны юйюню идолла бла бирге не келишиую барды? Нек десегиз сиз, жашау берген Аллахны юйюсюз: «Алада мекям салып, араларында жюрюрюкме. Мен аланы Аллахы боллукъма, ала да Мени халкъым боллукъдула, – деп Аллахны айтханы кибик.

Галатиялылагъа 6:10

Алай бла, онгубуз болгъанда, барына да, артыгъыракъ да ийманда кесибизникилеге ахшылыкъ этейик.

Галатиялылагъа 6:9

Ахшылыкъ этиуден безмейик; нек десегиз жунчуп къалмасакъ, заманы келгенде орурбуз.

Эфеслилеге 3:12

Масихде уа, бизни Анга ийнаныуубуз бла, Аллахха таукеллик бла эм ышаныу бла жууукълашыргъа амалыбыз барды.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

I Фесалоникачылагъа 5:16

Хар заманда къууаныгъыз.

II Фесалоникачылагъа 2:16

Бизни Раббийибиз Масих Исса Кеси эм бизни сюйюп шафауаты бла ёмюрлюк жапсарылыуну эмда ахшы умутну берген бизни Атабыз Аллах,

I Тимотейге 3:15

Мычысам а, сен Аллахны юйюрюнде къалай этерге тийишли болгъанын билир ючюн, быланы санга жазама. Ол юйюр жашау бериучю Аллахны Жамауатыды, хакъ кертини тамалыды эм чигинжисиди.

Чюйютлелеге 1:2

Бу ахыр кюнледе бизге Уланыны юсю бла айтып билдиргенди. Аны уа хар неге да ие этип салгъанды, дунияланы да Аны юсю бла жаратханды.

Чюйютлелеге 10:19

Ол себепден, къарындашла, Иссаны къаныны болушлугъу бла сыйлы жерге кирирге таукеллигибиз барды.

Чюйютлелеге 10:21

Аллахны юйюнде башчылыкъ этген уллу Дин Къуллукъчубуз барды.

Чюйютлелеге 10:23

Ачыкъ къабыл этген умутубузну таймай тутайыкъ, нек десегиз бизге сёз Берген ышаннгылыды.

Чюйютлелеге 10:35

Ол себепли уллу саугъасы боллукъ ышаныуугъузну къоймагъыз.

Чюйютлелеге 11:1

Ийман а умут этгенлерибизге ышаныу эм алыкъа кёрмеген затларыбызгъа толу ийнаныуду.

Чюйютлелеге 3:14

Нек десегиз алгъы бурун бизде болгъан ышаныуубузну ахырына дери къаты сакъласакъ, биз Масих бла бир боллукъбуз.

Чюйютлелеге 4:11

Алай бла, бизден бир киши да аладан юлгю алып боюн салмаулукъгъа тюшмез ючюн, ол ырахатлыкъгъа кирирге кюрешейик.

Чюйютлелеге 4:14

Алай бла, Аллахны Уланы Исса кёкледен озгъан уллу Баш Дин Къуллукъчубуз болгъанына кёре, ачыкъ къабыл этген ийманыбызны къаты тутайыкъ.

Чюйютлелеге 4:16

Ол себепден биз мархамат алыр ючюн эм кезиуюнде бизге болушур шафауат табар ючюн, Аллахны шафауат тахтасына таукеллик бла жууукълашайыкъ.

Чюйютлелеге 6:11

Сизни хар биригиз да, умут этиуде толу ышаныулу болур ючюн, ахырына дери да аллай эришиулюк этеригизни сюебиз;

Чюйютлелеге 6:18

Аллах жалгъан айтыргъа амал жокъду. Ол себепден биз, къутхарылыр ючюн Анга келгенле, уллу таукеллик бла аллыбызда болгъан умутну тутар ючюн, Аллах эки тюрленмезлик затны: сёз бериуюн бла антын жюрютгенди.

Чюйютлелеге 7:19

Нек десегиз Тауратны Закону бир затны да тамамлыкъгъа жетдирмегенди. Аны орунуна бизге бизни Аллахха жууукълашдыргъан андан да ахшы умут келгенди.

I Петер 1:8

Масихни уа кёрмегенлей сюесиз эм Аны эндиге дери да кёрмей эсегиз да, Анга ийнаныу бла айтылынмагъанча уллу махтаулу къууанч бла къууанасыз.

I Петер 2:5

Кесигиз да, тири ташла кибик, кесикесигизден нюр юй къурагъыз; алай бла сиз, Масих Иссаны юсю бла Аллахны ыразы этерча, нюр къурманла этер ючюн, Аллахха сыйлы къуллукъ этиучюле болурсуз.

I Петер 4:17

Нек десегиз сюд этилир заман жетгенди, сюд этилиу а Аллахны юйюрюнден башланырыкъды; сора алгъа бизден башланырыкъ эсе, Аллахны Хайыр Хапарына боюн салмагъанланы ахырлары уа къалай боллукъду?

Билим Ачханы 2:18

«Тиатираны жамауатыны мёлегине да былай жаз: Аны кёзлери отну жилтини кибик болгъан, аякълары да сыйдам жезге ушагъан, Аллахны Уланы былай айтады:

Билим Ачханы 2:25

Мен келгинчи, ол сизде болгъанны тутугъуз, ансы юсюгюзге башха жюк саллыкъ тюйюлме, – деп айтама.

Билим Ачханы 2:26

Хорлагъан эм Мени ишлерими ахырына дери бардыргъан адамгъа, Атам Манга бергенича, битеу миллетлени оноуун берликме;

Билим Ачханы 3:11

Ма, кёп турмай келликме! Тажынгы киши алып къачмаз ючюн, болгъан затынгы тутуп тур.