Чюйютлелеге 3:1 - Сыйлы Инжил бла Забур

¹ Алай бла, кёкню чакъырыууна къошулгъан сыйлы къарындашла, биз ачыкъ къабыл этген ийманыбызны Келечиси эм Баш Дин Къуллукъчусу болгъан Масих Иссаны ангылагъыз.

Чюйютлелеге 3:1 Iomraidhean Croise

Забур 110:4

Ол Кесини сейирлик ишлерин унутулмазлыкъла этгенди, мархаматлыды эм ырахматлыды Раббий.

Ахия 17:3

Ёмюрлюк жашау а буду, Сени – бир хакъ керти Аллахны – эм Сен ийген Масих Иссаны танысынла;

Ахия 20:21

Исса уа алагъа экинчи кере да: «Сизге ырахатлыкъ! Мени Ата ийгени кибик, Мен да сизни иеме», – деди.

Ахия 20:27

Андан сора Томагъа: «Бармагъынгы узат да, къолларыма къара; къолунгу узат да, къабыргъама сал. Ийнанмаучу болма да, ийнаныучу бол!» – деди.

Ишлери 1:15

Ол кюнледе Петер, жюз жыйырма чакълы сохта жыйылгъан бир жыйылыуну арасында туруп:

Римлилеге 11:17

Бутакъладан бир бёлеги сыннган эселе уа, сен а, кийик зейтун терек, аланы жерлерине жалгъанып, зейтун терекни тамырына бла суууна ала бла бирча къошулгъан эсенг,

Римлилеге 15:27

Хау, къабыл кёргендиле. Кертиси да алагъа борчлудула. Нек десегиз миллетле аланы нюр жанындан игиликлерине къошулгъан эселе, сора аланы дуния жанындан кереклилерине жараргъа да керекдиле.

Римлилеге 15:8

Айтханым буду: Масих Исса Аллахны ышаннгылы болгъанын кёргюзтюр ючюн иудейлилеге къуллукъ этиучю болгъанды. Ол аланы аталарына берилген ант сёзле толсунла

Римлилеге 9:24

Биз да Аллах жангыз иудейлиледен тюйюл, алай а башха миллетледен да чакъыргъан ол адамлабыз,

I Коринфлилеге 1:2

Аллахны Коринфде болгъан жамауатына салам! Сизге – Масих Иссада сыйлы этилип, сыйлы болургъа чакъырылгъанлагъа эм хар жерде барыбызны Раббийи Масих Иссаны атын айтып тилек этген битеу адамлагъа –

I Коринфлилеге 10:17

Ётмек бирди, биз да кёп эсек да, бир чарх болабыз; нек десегиз барыбыз да бир ётмекден ашап, бирге къошулабыз.

I Коринфлилеге 9:23

Быланы барын да Хайыр Хапарны жайыуну ишине къатышыр мурат бла, Хайыр Хапар ючюн этеме.

II Коринфлилеге 1:7

Бизни сизге ышаныуубуз къатыды. Биз жапсарыла эсек да, сизни жапсарылыуугъуз эм къутхарылыуугъуз ючюн жапсарылабыз; нек десегиз сиз бизни къыйналыуларыбызгъа къошулгъаныгъыз кибик, жапсарылыуубузгъа да къошулгъаныгъызны билебиз.

II Коринфлилеге 9:13

Нек десегиз адамла бу къуллукъ этиуню сынамын кёрюп, сиз Масихни Хайыр Хапарын ачыкъ къабыл этип, анга боюн салгъаныгъыз ючюн эм таза жюрекден алагъа эм барысына этген чомартлыгъыгъыз ючюн Аллахха махтау саладыла.

Эфеслилеге 3:6

Башха миллетлиле да, Хайыр Хапарны жайылыуу бла, Израиль бла бирча игиликге ие боладыла, бир чархны санлары болуп, Аллахны Масих Иссада ант сёз бла бергенинден юлюшлю боладыла.

Эфеслилеге 4:1

Алай бла мен, Раббий ючюн тутмакъ болуп сизден тилейме, сиз алгъан чакъырылыуугъузгъа тийишли жашагъыз.

Эфеслилеге 4:4

Сиз чакъырылгъаныгъызда бир умутха чакъырылгъаныгъыз кибик, Нюр бирди, чарх да бирди,

Колослулагъа 1:12

Эмда сыйлыланы жарыкъда юлюшлерине къошулургъа бизни чакъыргъан Аллах Атагъа сиз шукур этер ючюн тилек этебиз.

Колослулагъа 1:22

Энди уа Масих, сизни сыйлы, бузукъсуз эм терсликсиз этип Аллахны аллына чыгъарыр ючюн, Кесини эт чархыны ёлюмю бла сизни Аллах бла жарашдыргъанды.

Колослулагъа 3:12

Алай бла, сюйюлюннген сыйлыла, Аллах сайлагъанлача, жумушакъ жюреклиликни, жазыкъсыныулукъну, сабыр акъыллылыкъны, жууашлыкъны, кёп тёзюмлюлюкню юсюгюзге кийигиз.

I Фесалоникачылагъа 2:12

Биз сизден, сизни Кесини Патчахлыгъына эм махтаууна чакъыргъан Аллахха тийишли жашарыгъызны жалбарып тилеген эдик, сизни кёллендирип ийнандыргъан эдик.

I Фесалоникачылагъа 5:27

Бу жазып ийгеними битеу сыйлы къарындашлагъа окъуругъузну Раббийни хакъы бла сизден тилейме.

II Фесалоникачылагъа 1:11

Ол себепден сизни ючюн хар заманда да тилек этебиз; Аллахыбыз сизни чакъырылыуугъузгъа тийишли кёрсюн эм ахшылыкъ этерге хар ниетигизни эм иймандан келген ишигизни Кесини къудурети бла тамам этсин деп тилейбиз.

II Фесалоникачылагъа 2:14

Сиз Раббийибиз Масих Иссаны махтаууна жетер ючюн, бизни сизге Хайыр Хапарны билдириуюбюз бла ол къутхарылыугъа сизни чакъыргъанды.

I Тимотейге 6:12

Ийман ючюн ахшы кюреш, ёмюрлюк жашауну тут; сен а анга чакъырылгъанса эмда кёп шагъатланы аллында огъурлу ийманны ачыкъ къабыл этгенсе.

I Тимотейге 6:2

Ийманлы бийлери болгъан къулла да, алагъа сансыз къараргъа керек тюйюлдюле, нек десенг ала къарындашладыла; алай а ала ийманлыла эм сюйюлюннгенле болуп эмда алагъа игилик этип тургъанлары ючюн, алагъа андан да иги къуллукъ этерге керекдиле. Бу затлагъа юйрет эм ангылат.

II Тимотейге 1:9

Аллах, бизни ишлерибизге кёре тюйюл, Кесини муратына эм шафауатына кёре бизни къутхарып, сыйлы жашаугъа чакъыргъанды. Ол шафауат бизге Масих Иссада ёмюрледен да алгъын берилгенди,

II Тимотейге 2:7

Мен не айтханымы эсле. Раббий санга хар не жаны бла да ангылаулукъ берсин.

Чюйютлелеге 10:19

Ол себепден, къарындашла, Иссаны къаныны болушлугъу бла сыйлы жерге кирирге таукеллигибиз барды.

Чюйютлелеге 10:21

Аллахны юйюнде башчылыкъ этген уллу Дин Къуллукъчубуз барды.

Чюйютлелеге 10:23

Ачыкъ къабыл этген умутубузну таймай тутайыкъ, нек десегиз бизге сёз Берген ышаннгылыды.

Чюйютлелеге 13:22

Къарындашла, сизден тилейме, бу насийхат сёзюмю тёзюмлюк бла къабыл этигиз; мен а сизге кёп да жазмагъанма.

Чюйютлелеге 2:11

Нек десегиз сыйлы этген Исса да, сыйлы этилгенле да, бары да бир Атадандыла. Ол себепден Исса алагъа къарындашларым дерге ыйлыкъсынырыкъ тюйюлдю:

Чюйютлелеге 2:17

Ол себепден Исса, Аллахха къуллукъ этиую бла мархаматлы эм ышаннгылы Баш Дин Къуллукъчу болуп, халкъны гюняхларын кечдириучю къурман болур ючюн, хар не жаны бла да къарындашларына ушаргъа керек эди.

Чюйютлелеге 3:12

Сакъ болугъуз, къарындашла, сизден биреуде да жашау бериучю Аллахдан тайгъан харам эм иймансыз жюрек болмасын.

Чюйютлелеге 3:14

Нек десегиз алгъы бурун бизде болгъан ышаныуубузну ахырына дери къаты сакъласакъ, биз Масих бла бир боллукъбуз.

Чюйютлелеге 6:20

Ары уа Мелкиседекни чынында ёмюрге да Баш Дин Къуллукъчубуз болгъан Исса бизге жол ачханды.

Чюйютлелеге 7:26

Аллай Баш Дин Къуллукъчу бизни кереклибизге болушаллыкъды. Ол сыйлыды, аманлыкъгъа къатышмагъанды, таза айыпсызды, гюняхлыладан айырылгъанды эм кёкледен да бийикде турады.

Чюйютлелеге 7:28

Тауратны Законуна кёре, баш дин къуллукъчугъа къарыусуз адамла салынадыла. Закондан сора берилген ант сёз а ёмюрлюк тамамлыкъгъа жетишген Аллахны Уланын Баш Дин Къуллукъчугъа салгъанды.

Чюйютлелеге 9:11

Келлик ахшылыкъланы Баш Дин Къуллукъчусу Масих а келгенди. Ол, къол бла ишленмеген, башхача айтханда, бу жаратылгъан дуниядан болмагъан, жердегинден эсе уллу эм тамамлы чатырдан озуп,

Чюйютлелеге 9:15

Эм ол себепден, чакъырылгъанла ант сёз бла берилген ёмюрлюк юлюшню алыр ючюн, Масих жангы кесаматны Келечиси болгъанды. Аланы биринчи кесаматны заманында этген гюняхларындан къутхарыр ючюн, Ол жулуучу болуп ёлгенди.

I Петер 2:9

Сиз а сайланнган тукъумсуз, Патчахны дин къуллукъчуларысыз, сыйлы миллетсиз, Аллахны энчи халкъысыз. Сизни къарангылыкъдан Кесини аламат жарыгъына Чакъыргъанны тамамлылыгъын билдирир ючюн сайланнганласыз.

I Петер 3:5

Алгъын заманда Аллахха ышаннган сыйлы тиширыула да, эрлерине боюн салыу бла кеслерин алай ариу этгендиле.

I Петер 5:1

Мен, бир тамата эм Масихни азап чекгенине шагъат эм ачыллыкъ махтаууна къошулгъан нёгер, сизни таматаларыгъыздан тилейме:

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.

I Ахия 1:3

Сизни да бизни бла бирикмеклигигиз болур ючюн, биз кёргенибизни эм эшитгенибизни сизге билдиребиз. Бизни бирикмеклигибиз да Ата бла эм Аны Уланы Масих Исса блады.

Яхуда 1:1

Масих Иссаны къулу эм Якъупну къарындашы мен Яхудадан, Аллах Ата сыйлы этген, Масих Исса сакълагъан, чакъырылгъанлагъа салам болсун!

Билим Ачханы 17:14

Ала Къозу бла къазауат этерикдиле, Къозу аланы хорларыкъды; нек десенг Ол бийлени Бийиди эм патчахланы Патчахыды, Аны бла болгъанла да чакъырылгъанладыла, сайланнганладыла эм ийманлыладыла», – деди.

Билим Ачханы 18:20

Кёк да, сыйлы абустолла да, файгъамбарла да, аны башына келгеннге къууаныгъыз; нек десегиз Аллах анга сюд этип, дертигизни жетдиргенди», – деп къычырыкъ этдиле.