Чюйютлелеге 2:2 - Сыйлы Инжил бла Забур

² Нек десегиз мёлеклени юслери бла билдирилген сёз къаты болгъан эсе, эм хар тюрлю терслик эм тынгыламаулукъ тюз тийишлисин алгъан эсе,

Чюйютлелеге 2:2 Iomraidhean Croise

Забур 68:17

Раббий, мени тилегими къабыл эт, нек десенг Сени мархаматынг игиди. Сени уллу ырахматынг бла манга къара.

Ишлери 7:53

Сиз, мёлеклени юсю бла буюрулгъан Тауратны алгъансыз, тутхан а этмегенсиз!» – деди.

Галатиялылагъа 3:19

Алай эсе, Тауратны Закону не ючюн берилгенди? Ол а терсликлени ачыкъ этер ючюн кесаматха къошулуп берилгенди. Аны кючю, ант сёз Анга берилген эм Ибрахимни урлугъундан болгъан Масихни келир заманына дери баргъанды. Закон мёлеклени юсю бла келечини къолу бла берилгенди.

Чюйютлелеге 1:1

Бурун заманладан Аллах аталарыбызгъа файгъамбарланы юсю бла кёп кере эм кёп тюрлю айтып билдиргенди.

Чюйютлелеге 10:28

Мусаны законун бузгъан адамгъа эки неда юч шагъатны сёзю бла жан ауруусуз ёлюм азап бериле эсе,

Чюйютлелеге 10:35

Ол себепли уллу саугъасы боллукъ ышаныуугъузну къоймагъыз.

Чюйютлелеге 11:26

Эм Мисирни хазналарындан эсе, Масих ючюн ыйлыкъдырылгъанын кесине уллу байлыкъгъа санагъанды; нек десегиз ол аллыкъ саугъасына къарагъанды.

Чюйютлелеге 11:6

Ийманынг болмаса, Аллахны ыразы этерге амал жокъду. Ол себепден Аллахха жууукълашхан Аны бар болгъанына эм Аны излегенлеге Ол тийишлисин бергенине ийнаныргъа керекди.

Чюйютлелеге 12:25

Сакъ болугъуз, быланы Айтханны къабыл этмей къоймагъыз. Нек десегиз ала, жер башында айтханнга тынгыламагъанлары ючюн, жазадан къутулмагъан эселе, сора бегирек да биз, кёкледен бизге Айтханны къабыл этмей къойсакъ, жазадан къутуллукъ тюйюлбюз.

II Петер 1:19

Аны себепли файгъамбарланы сёзлери бизге бегирек да къаты болгъанды; сиз да, жюреклеригизде танг жарып башлагъынчыгъа эм эрттен жулдуз чыкъгъынчыгъа дери, къарангы жерде жарытхан чыракъгъа ушагъан ол сёзлеге эс бёлгенигизни иги этесиз.

Яхуда 1:5

Мен сизге, муну алгъындан билгенлеге, Раббий Мисирни жеринден халкъын къутхарып, артда уа ийнанмагъанланы жойгъанын эсгертирге сюеме.