Чюйютлелеге 2:17 - Сыйлы Инжил бла Забур

¹⁷ Ол себепден Исса, Аллахха къуллукъ этиую бла мархаматлы эм ышаннгылы Баш Дин Къуллукъчу болуп, халкъны гюняхларын кечдириучю къурман болур ючюн, хар не жаны бла да къарындашларына ушаргъа керек эди.

Чюйютлелеге 2:17 Iomraidhean Croise

Римлилеге 15:17

Алай бла, мен Масих Иссаны болуп, Аллахха этген къуллугъум бла махтаналлыкъма.

Римлилеге 5:10

Нек десегиз биз, Аллах бла жау болуп тургъанлай, Аны Уланыны ёлюмю бла Аллах бла жарашхан эсек, бегирек да, жарашхандан сора, Аны жашауу бла къутуллукъбуз;

Эфеслилеге 2:16

Ол, эки къауумубуздан да Кеси-Кесинде бир жангы адамны болдуруп, жарашыулукъ къурар ючюн эм душманчылыкъны къачны юсюнде жокъ этип, къачны юсю бла бир чархда эки къауумубузну да Аллах бла жарашдырыр ючюн алай этгенди.

Колослулагъа 1:21

Сиз да, этген аман ишлеригиз себепли, бир заманлада акъылыгъыз бла Аллахдан узакъ эм Аны душманлары эдигиз.

Чюйютлелеге 10:21

Аллахны юйюнде башчылыкъ этген уллу Дин Къуллукъчубуз барды.

Чюйютлелеге 2:11

Нек десегиз сыйлы этген Исса да, сыйлы этилгенле да, бары да бир Атадандыла. Ол себепден Исса алагъа къарындашларым дерге ыйлыкъсынырыкъ тюйюлдю:

Чюйютлелеге 2:14

Сабийле уа чархдан бла къандан юлюшлю болгъанлары ючюн, Исса да, ёлюмню бийин – ибилисни, ёлюмню юсю бла къоратыр ючюн, адам табийгъатны Кесине алгъанды.

Чюйютлелеге 2:16

Нек десегиз Ол мёлеклеге болушлукъ этмейди, алай а Ибрахимни урлугъуна болушлукъ этеди.

Чюйютлелеге 3:1

Алай бла, кёкню чакъырыууна къошулгъан сыйлы къарындашла, биз ачыкъ къабыл этген ийманыбызны Келечиси эм Баш Дин Къуллукъчусу болгъан Масих Иссаны ангылагъыз.

Чюйютлелеге 3:2

Муса Аллахны битеу юйюнде тюз болгъаны кибик, Исса да Аны Салгъаннга тюздю.

Чюйютлелеге 3:5

Муса да, билдирилирге керекли сёзлеге шагъатлыкъ этер ючюн, Аллахны битеу юйюнде бир къуллукъчу кибик тюздю.

Чюйютлелеге 4:14

Алай бла, Аллахны Уланы Исса кёкледен озгъан уллу Баш Дин Къуллукъчубуз болгъанына кёре, ачыкъ къабыл этген ийманыбызны къаты тутайыкъ.

Чюйютлелеге 4:15

Нек десегиз бизни Баш Дин Къуллукъчубуз къарыусузлукъларыбызда бизге жазыкъсыналмазча аллай тюйюлдю. Ол хар не жаны бла да бизни кибик сыналгъанды, алай а гюнях этмегенди.

Чюйютлелеге 5:1

Эски Кесаматха кёре, адамладан сайланнган хар баш дин къуллукъчу саугъала эмда адамланы гюняхларын кечдириучю къурманла келтирирге, Аллахны аллында адамла ючюн къуллукъ этерге сайланады.

Чюйютлелеге 5:10

Нек десегиз Мелкиседекни чынында Баш Дин Къуллукъчу этерге Аллах Аны Кеси сайлагъанды.

Чюйютлелеге 5:2

Ол жахиллик этгенлеге эм ажашханлагъа жан аурумакълыкъ этерге болаллыкъды; алай болгъанлыкъгъа ол кеси уа къарыусуз адамды.

Чюйютлелеге 5:5

Масих да алай, Баш Дин Къуллукъчу болуу махтауну Кеси-Кесинден алмагъанды, алай а Анга: «Сен Мени Уланымса, Мен бюгюн Сени туудурдум», – деп Ким айтхан эсе да, Ол бергенди;

Чюйютлелеге 6:20

Ары уа Мелкиседекни чынында ёмюрге да Баш Дин Къуллукъчубуз болгъан Исса бизге жол ачханды.

Чюйютлелеге 7:26

Аллай Баш Дин Къуллукъчу бизни кереклибизге болушаллыкъды. Ол сыйлыды, аманлыкъгъа къатышмагъанды, таза айыпсызды, гюняхлыладан айырылгъанды эм кёкледен да бийикде турады.

Чюйютлелеге 7:28

Тауратны Законуна кёре, баш дин къуллукъчугъа къарыусуз адамла салынадыла. Закондан сора берилген ант сёз а ёмюрлюк тамамлыкъгъа жетишген Аллахны Уланын Баш Дин Къуллукъчугъа салгъанды.

Чюйютлелеге 8:1

Аны юсюнден айтханыбызны эм башы уа буду: кёкледе уллу Аллахны тахтасыны онг жанында олтургъан бизни аллай Баш Дин Къуллукъчубуз барды.

Чюйютлелеге 8:3

Хар баш дин къуллукъчу саугъала бла къурманла келтирир ючюн салынады; ол себепден бизни Баш Дин Къуллукъчубуз да къурман келтирирге керек эди.

Чюйютлелеге 9:11

Келлик ахшылыкъланы Баш Дин Къуллукъчусу Масих а келгенди. Ол, къол бла ишленмеген, башхача айтханда, бу жаратылгъан дуниядан болмагъан, жердегинден эсе уллу эм тамамлы чатырдан озуп,