Чюйютлелеге 2:14 - Сыйлы Инжил бла Забур

¹⁴ Сабийле уа чархдан бла къандан юлюшлю болгъанлары ючюн, Исса да, ёлюмню бийин – ибилисни, ёлюмню юсю бла къоратыр ючюн, адам табийгъатны Кесине алгъанды.

Чюйютлелеге 2:14 Iomraidhean Croise

Маттай 16:17

Сора Исса анга жууапха: «Жюнюс улу Шимон, сен насыплыса; нек десенг муну санга ачхан адамла тюйюл, Мени кёкледеги Атамды.

Маттай 25:41

Ол заманда сол жанындагъылагъа да: „Кетигиз Мени къатымдан налатла, ибилисге бла аны мёлеклерине хазырланнган ёмюрлюк отха!

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 12:24

Кертисин, кертисин айтама сизге: будай бюртюк, жерге тюшюп, ёлмесе, жангызлай къаллыкъды; ёлсе уа, кёп тирлик берликди.

Римлилеге 14:9

Нек десегиз Масих, ёлгенлеге да, саулагъа да бийлик этер ючюн, ёлюп тиргизилгенди эм жангыдан сау болгъанды.

Римлилеге 8:3

Адам табийгъатдан кючсюзленнген Тауратны Закону эталмагъанны Аллах этгенди; Кесини Уланын, адамны гюняхлы чархына ушагъан чарх бла гюнях ючюн къурман болургъа ийгенди эм гюняхха адам чархында сюд этгенди.

I Коринфлилеге 1:28

Эмда, уллугъа саналгъанланы кетерир ючюн, Аллах бу дунияны асылсыз эм сансыз деп айтханларын, бир затха да саналмагъанланы сайлагъанды.

I Коринфлилеге 15:50

Алай а муну сизге айтайым, къарындашла, эт бла къан Аллахны Патчахлыгъындан юлюшлю болаллыкъ тюйюлдюле эм чиририк, чиримезликден юлюшлю тюйюлдю.

Галатиялылагъа 4:4

Заманны толулугъу келгенде уа, Аллах, къатындан туугъан эмда Законнга кёре жашагъан Кесини Уланын,

Колослулагъа 2:15

Башчыланы бла властьланы кючлерин сыйырып, аланы къачны юсюнде хорлап, барыны да аллында аланы бедишлик этгенди.

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

II Тимотейге 1:10

Алай а энди Аны келгени бла ачыкъ этилгенди. Бизни Къутхарыучубуз Масих Исса ёлюмню жокъ этгенди. Ол, Хайыр Хапарны юсю бла, жашауну эм ёлюмсюзлюкню кёргюзтгенди.

Чюйютлелеге 10:10

Бу буйрукъгъа кёре уа, биз Масих Исса чархын бир кере къурманнга келтириую бла сыйлы этилгенбиз.

Чюйютлелеге 10:5

Ол себепден Масих, дуниягъа киргенинде, былай айтады: «Къурманланы бла саугъаланы Сен унамай къойгъанса, алай а Манга чарх хазырлагъанса.

Чюйютлелеге 2:17

Ол себепден Исса, Аллахха къуллукъ этиую бла мархаматлы эм ышаннгылы Баш Дин Къуллукъчу болуп, халкъны гюняхларын кечдириучю къурман болур ючюн, хар не жаны бла да къарындашларына ушаргъа керек эди.

Чюйютлелеге 2:18

Нек десегиз Ол Кеси сыналып къыйынлыкъгъа тёзгени кибик, сыналгъанлагъа да болушаллыкъды.

Чюйютлелеге 4:15

Нек десегиз бизни Баш Дин Къуллукъчубуз къарыусузлукъларыбызда бизге жазыкъсыналмазча аллай тюйюлдю. Ол хар не жаны бла да бизни кибик сыналгъанды, алай а гюнях этмегенди.

Чюйютлелеге 9:15

Эм ол себепден, чакъырылгъанла ант сёз бла берилген ёмюрлюк юлюшню алыр ючюн, Масих жангы кесаматны Келечиси болгъанды. Аланы биринчи кесаматны заманында этген гюняхларындан къутхарыр ючюн, Ол жулуучу болуп ёлгенди.

I Петер 1:20

Масих а дуния жаратылырдан да алгъа жораланнганды, алай а ахыр заманлада сизни ючюн келгенди.

Билим Ачханы 1:18

Сау Менме. Ёлген да болгъанма; ма къара, ёмюрледен ёмюрлеге да саума. Амин. Ахыратны эм ёлюмню ачхычлары Мендедиле.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 2:10

Сен сынарыкъ къыйынлыкъладан къоркъма. Ма, ибилис, сизни сынар ючюн, сизни арагъыздан бир къауумланы тюрмеге саллыкъды эм он кюн къыйынлыкъда боллукъсуз. Ёлюрге керек болсанг да тюз бол, сора санга жашауну тажын берликме.

Билим Ачханы 20:2

Ол ибилис эм шайтан болгъан аждагъанны, буруннгулу жилянны тутуп, аны минг жылгъа бугъоулады.