Чюйютлелеге 2:10 - Сыйлы Инжил бла Забур

¹⁰ Нек десегиз хар неда Аны ючюн болгъан эм хар неда Аны юсю бла болгъан Аллах, кёп уланланы махтаулу халгъа жетдирип, аланы къутхарылыуларыны Башчысын азап чегиую бла тамамлы этерге керек эди.

Чюйютлелеге 2:10 Iomraidhean Croise

Лука 13:32

Исса алагъа: «Барып, ол тюлкюге: „Ма, бюгюн бла тамбла жинлени къыстайма эм ауругъанланы сау этеме, ючюнчю кюн а ишими бошарыкъма (дейди)“ деп айтыгъыз.

Лука 2:14

«Эм бийикледе Аллахха махтау, жер юсюнде Ол ыразы болгъан адамлада ырахатлыкъ!» – деп айта эдиле.

Лука 24:26

Масих алай азап чегип, Кесини махтаууна алай жетерге керек тюйюлмю эди?» – деди.

Лука 24:46

Сора алагъа: «Алай жазылгъанды, Масих алай азап чегип, ёлгенледен ючюнчю кюн тиргизилирге керек эди

Ахия 11:52

Эм жаланда ол халкъ ючюн тюйюл, Аллахны чачылып айланнган сабийлерин да бирге жыяр ючюн ёллюгюн алгъындан айтхан эди.

Ахия 19:30

Исса, чагъырны уртлагъанлай: «Тамам болду!» – деди. Сора, башын энишге ийип, жанын берди.

Ишлери 3:15

Сиз Жашауну Башчысын ёлтюргенсиз, Аллах а Аны ёлгенледен тиргизгенди. Биз мынга шагъатбыз.

Ишлери 5:31

Израильге гюняхларындан тобагъа къайтышып кечилирге амал берир ючюн, Аллах, Иссаны Башчы эм Къутхарыучу этип, Кесини онг жанына кётюргенди.

Римлилеге 11:36

Нек десегиз хар неда Анданды, Аны юсю блады эмда Аны ючюндю. Ёмюрледе да махтау Анга болсун. Амин.

Римлилеге 9:23

Ол, махтаулу болургъа алгъындан хазырлап, алагъа мархамат этерик адамларына Кесини махтаууну байлыгъын билдирир ючюн алай этген эсе, не айтайыкъ?

I Коринфлилеге 2:7

Алай а Аллах ёмюрледен да алгъа бизни махтауубузгъа буюргъан, Аллахны таша, жашырын акъылманлыгъын билдиребиз.

I Коринфлилеге 8:6

Бизде уа бир Аллах Атады, хар зат да Анданды, биз да Аны ючюн барбыз; эм Раббий Масих Исса да бирди, хар зат да Аны юсю бла жаратылгъанды, биз да Аны юсю бла жашайбыз.

II Коринфлилеге 3:18

Биз а барыбыз да, кюзгюде кибик, ачыкъ бетли болуп, Раббийни аламатлыгъына къарап, Анга ушаш болур ючюн аламатлыкъны бир даражасындан бир даражасына тюрленебиз; бу да Раббийни Нюрюню юсю бла болады.

II Коринфлилеге 4:17

Нек десегиз бизни бир кесек заманнга азчыкъ къыйналгъаныбыз бизге мардасыз кёп ёмюрлюк махтау чыгъарады.

II Коринфлилеге 5:18

Бары да Масих Иссаны юсю бла бизни Кеси бла жарашдыргъан эм бизге жарашдырыуну къуллугъун берген Аллахданды.

II Коринфлилеге 6:18

Эмда сизге Ата боллукъма, сиз да Мени уланларым бла къызларым боллукъсуз“ дейди битеу дунияны тутхан Раббий».

Галатиялылагъа 3:26

Нек десегиз Масих Иссагъа ийнаныуугъуз бла сиз барыгъыз да Аллахны уланларысыз.

Эфеслилеге 2:7

Ол, Масих Иссада бизге этген игилик бла, Кесини шафауатыны мардасыз уллу байлыгъын келлик ёмюрледе кёргюзтюр ючюн алай этгенди.

Эфеслилеге 3:10

Аллах, Кесини кёп тюрлю акъылманлыгъы энди Жамауатыны юсю бла кёкледеги башчылагъа бла властьлагъа белгили болур ючюн, алай этгенди.

Колослулагъа 3:4

Сизни жашауугъуз Масих кёрюннгенде уа, сиз да ол заманда Аны бла бирге махтау бла кёрюнюрсюз.

II Тимотейге 2:10

Ол себепден Аллах сайлагъанла, Масих Исса алагъа берлик къутхарыуну эм ёмюрлюк махтауну алсынла деп, ала ючюн хар неге да тёземе.

Чюйютлелеге 12:2

Ийманыбызны башчысы эм тамамлаучусу болгъан Иссагъа къарайыкъ. Ол, Анга боллукъ къууанч ючюн Кесини ыйлыкъдырылыууна къайгъырмай къоюп, къачны юсюнде ёлюмге тёзгенди, энди уа Аллахны тахтасыны онг жанында олтурады.

Чюйютлелеге 6:20

Ары уа Мелкиседекни чынында ёмюрге да Баш Дин Къуллукъчубуз болгъан Исса бизге жол ачханды.

Чюйютлелеге 7:26

Аллай Баш Дин Къуллукъчу бизни кереклибизге болушаллыкъды. Ол сыйлыды, аманлыкъгъа къатышмагъанды, таза айыпсызды, гюняхлыладан айырылгъанды эм кёкледен да бийикде турады.

Чюйютлелеге 7:28

Тауратны Законуна кёре, баш дин къуллукъчугъа къарыусуз адамла салынадыла. Закондан сора берилген ант сёз а ёмюрлюк тамамлыкъгъа жетишген Аллахны Уланын Баш Дин Къуллукъчугъа салгъанды.

I Петер 1:12

Кёкледен ийилген Сыйлы Нюр бла Хайыр Хапарны айтханланы энди сизге билдиргенлерини хайыры, аланы кеслерине тюйюл, сизге жарагъаны алагъа ачыкъ болгъанды. Бу затлагъа уа мёлекле да къараргъа талпыйдыла.

I Петер 5:1

Мен, бир тамата эм Масихни азап чекгенине шагъат эм ачыллыкъ махтаууна къошулгъан нёгер, сизни таматаларыгъыздан тилейме:

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.

Билим Ачханы 4:11

«Я Раббий Аллахыбыз, хурметни да, махтауну да, кючню да алыргъа тийишли Сенсе; хар нени да Сен жаратханса эм хар неда Сени буйругъунг бла бар болуп турады эм жаратылгъанды», – дейдиле.

Билим Ачханы 7:9

Андан сора мен, къарап, хар миллетден эм хар тукъумдан, хар халкъдан эм хар тилден болгъан, аланы уа бир киши да санаргъа болалмагъан бек кёп адамла тахтаны аллында эм Къозуну аллында тургъанларын кёрдюм. Ала акъ кийимле кийип эдиле эмда къолларында хурма терек бутакълары бар эдиле.