Чюйютлелеге 13:7 - Сыйлы Инжил бла Забур

⁷ Сизге Аллахны сёзюн билдирген оноучуларыгъызны эсигизде тутугъуз эм аланы жашауларыны ахырына къарап, аланы ийманларындан юлгю алыгъыз.

Чюйютлелеге 13:7 Iomraidhean Croise

Маттай 24:45

Аны бийи, кесини жумушчуларына тамата этип алагъа заманында аш берирге салгъан ышаннгылы эм акъыллы къул ким эсе?

Лука 12:42

Раббий да: «Аны бийи кесини жумушчуларына тамата этип, алагъа заманында ётмек марданы юлешип берирге салгъан ышангылы эм акъыллы юй жюрютюучю ким эсе да,

Лука 5:1

Бир жолда Аллахны сёзюн эшитир ючюн, халкъ Иссагъа басынып, Ол а Гинесар кёлню къатында тургъан заманда,

Лука 8:11

Бу таурух а ма бу магъананы тутады: урлукъ Аллахны сёзюдю.

Ишлери 13:46

Ол заманда Пауул бла Барнаба таукеллик бла алагъа: «Аллахны сёзю бек алгъа сизге билдирилирге керек эди; алай а сиз аны къабыл этмей, кесигиз-кесигизни ёмюрлюк жашаугъа тийишли болмазча этгенигиз ючюн, ма, биз башха миллетлилеге айланып айтабыз.

Ишлери 14:23

Хар жамауатда алагъа таматала сайлагъандан сора, ораза бла тилек этип, ала ийнаннган Раббийге аланы аманат этип кетдиле.

Ишлери 4:31

Ала тилек этгенден сора, жыйылып тургъан жерлери да титиреди эм барысы да Сыйлы Нюрден толуп Аллахны сёзюн таукеллик бла айта эдиле.

Римлилеге 10:17

Алай бла ийман Хайыр Хапарны эшитиуденди, эшитиу а Аллахны сёзю билдирилиуюнденди.

I Коринфлилеге 10:13

Сиз хар адам да тюбеучю сыналыуладан башха тюрлю сыналыулагъа тюбемегенсиз. Аллах а ышаннгылыды. Ол сиз чыдаялмазча сыналыу бла сизни сынатмаз, алай а сыналыуда сиз тёзюп къутулурча амал да берир.

I Коринфлилеге 11:1

Мен Масихден юлгю алыучу болгъаным кибик, сиз да менден юлгю алыучу болугъуз.

I Коринфлилеге 4:16

Ол себепден сизден тилейме: мен Масиххе эниклегеним кибик, сиз да манга эниклегиз.

I Фесалоникачылагъа 1:6

Сиз да бизге эм Раббийге эниклеучюле болгъансыз; кёп къыйынлыкъла сынагъан эсегиз да, Сыйлы Нюр берген къууанч бла Аллахны сёзюн къабыл этгенсиз.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

II Фесалоникачылагъа 3:7

Сиз бизге къалай эниклерге керегигизни кесигиз билесиз; нек десегиз биз сизде болгъаныбызда, ишлемей бош айланнганла тюйюл эдик.

II Фесалоникачылагъа 3:9

Аны уа бизни эркинлигибиз болмагъандан этмегенбиз, алай а сиз бизге эниклер ючюн кесибизни сизге юлгюге берирге этгенбиз.

I Тимотейге 3:5

Нек десегиз кесини юйюрюн жюрюте билмеген адам Аллахны Жамауатыны къайгъысын этерикмиди?

Чюйютлелеге 13:17

Жамауатларыгъызны оноучуларына бойсунугъуз эм айтханларын этигиз; нек десегиз ала сизни ючюн жууап берирге борчлулача тохтаусуз сизни жанларыгъызны къайгъысын этип турадыла. Ала къуллукъларын, ахтынып этмей, къууанып этсинле; нек десегиз, аны ахтынып этселе, сизге файда болмаз.

Чюйютлелеге 13:24

Битеу оноучуларыгъызгъа эм битеу сыйлылагъа салам айтыгъыз. Италиядан келгенле сизге салам айтадыла.

Чюйютлелеге 6:12

Сиз, эринчек болмай, алай а Аллах ант бла сёз берген затладан ийман бла эм тёзюмлюлюк бла юлюшлю болгъанлагъа эниклеригизни сюебиз.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.

Билим Ачханы 1:9

Масих Иссаны азап чегиуюне, патчахлыгъына эм тёзюмюне сизни бла къатышхан мен, Ахия къарындашыгъыз, Аллахны сёзю ючюн эм Масих Иссаны шагъатлыгъы ючюн Патмос атлы айрыкамда тутмакъ эдим.

Билим Ачханы 20:4

Сора мен тахталаны да, алада олтургъанланы да кёрдюм. Сюд этерге алагъа эркинлик берилген эди. Иссагъа этген шагъатлыкълары эм Аллахны Сёзю ючюн башлары кесилгенлени жанларын да кёрдюм. Ала уа жаныуаргъа да, аны суратына да сежда этмеген эдиле эм аны тамгъасын не кеслерини мангылайларына, не къолларына къабыл этмеген эдиле. Ала тирилдиле эм Масих бла бирге минг жыл патчахлыкъ этдиле.

Билим Ачханы 6:9

Къозу бешинчи мухурну ачхан заманда, къурман этилиучю жерни тюбюнде Аллахны Сёзю ючюн эм кеслерини этген шагъатлыкълары ючюн ёлтюрюлгенлени жанларын кёрдюм.