Чюйютлелеге 13:4 - Сыйлы Инжил бла Забур

⁴ Некях барыгъызда да багъалы кёрюлсюн эмда жатхан жеригиз айыпсыз болсун; саякълагъа бла зийначылагъа уа Аллах сюд этерикди.

Чюйютлелеге 13:4 Iomraidhean Croise

I Коринфлилеге 5:13

Тыш адамлагъа уа сюд Аллах этеди. Алай бла, аман адамны арагъыздан чыгъарып атыгъыз.

I Коринфлилеге 6:18

Саякълыкъдан къачыгъыз; адам этген хар гюнях чархындан тышындады, саякъ а кесини чархына къажау гюнях этеди.

I Коринфлилеге 6:9

Неда тюзлюклю болмагъанла Аллахны Патчахлыгъындан юлюшлю болмазлыкъларын билмеймисиз? Алданмагъыз: не саякъ жюрюучюле, не идоллагъа табыныучула, не зийначыла, не эр киши бла жатышыучу эр кишиле,

I Коринфлилеге 7:38

Ол себепден кесини къызын эрге берген иги этеди, бермеген а андан да иги этеди.

I Коринфлилеге 9:5

Неда жашау нёгерге ийманлы тиширыуладан бир къатын алыргъа, башха абустоллача, Раббийни къарындашларыча эм Кефача эркинлигибиз жокъмуду?

II Коринфлилеге 5:10

Нек десегиз биз, чархыбызда жашагъан заманыбызда, ахшылыкъ неда аманлыкъ этгенибизге кёре тийишлисин алыр ючюн, хар бирибиз да Масихни сюдюню аллында кёрюнюрге керекбиз.

Галатиялылагъа 5:19

Адамны гюняхлы табийгъатыны ишлери белгилидиле. Ала: зийначылыкъ, саякълыкъ, харамлыкъ, адепсизлик,

Галатиялылагъа 5:21

Жутлукъ, мурдарлыкъ, ичгичилик, къутуруулукъ эмда алагъа ушагъан затла. Сизге алгъын айтханымча энтда айтама, алай этиучюле Аллахны Патчахлыгъындан юлюшлю боллукъ тюйюлдюле.

Эфеслилеге 5:5

Нек десегиз бир тюрлю саякъ, неда харам адамны, неда идоллагъа табыныучу бла бирча болгъан жыртхыч адамны, Масихни эмда Аллахны Патчахлыгъындан юлюшю болмагъанын билигиз.

I Фесалоникачылагъа 4:6

Сизден биригиз да бу ишде къарындашына аманлыкъ этмесин эмда анга хыйла этмесин. Биз алгъын да сизге айтханыбыз эм шагъатлыкъ этгенибиз кибик, Раббий битеу ол затла ючюн адамлагъа азап саллыкъды.

I Тимотейге 3:12

Жамауатны болушлукъчусу бир къатынны эри, сабийлерин да, юйюрюн да иги жюрютген адам болургъа керекди.

I Тимотейге 3:2

Алай а къуллукъчу айыпсыз болургъа керекди, бир къатынны эри тыйгъылы, оюмлу, адепли, къонакъ сюйюучю, юйретирге болаллыкъ,

I Тимотейге 3:4

Кесини юйюрюн иги жюрютген, хар тюрлю тийишлилик бла сабийлерин кесине бойсундуруп тутхан адам болургъа керекди.

I Тимотейге 4:3

Ала адамланы некяхлы болуудан эмда ийманлыла эм хакъ кертини билгенле шукур этип ашасынла деп Аллах жаратхан тюрлю затланы ашаудан тыяргъа буйрукъ этерикдиле.

I Тимотейге 5:14

Ол себепден мен жаш, тул къатынланы некяхлы болурларын, сабийле табарларын, юйлерин тутарларын эм душманнга аман айтыргъа бир тюрлю сылтау бермезлерин сюеме.

Титге 1:6

Таматагъа сайланырыкъ адам айыпсыз, бир къатынлы болсун. Аны сабийлери да, хаулелик бла неда боюн салмаулукъ бла айыпланыулары болмагъанла, ийманлыла болургъа керекдиле.

Чюйютлелеге 12:16

Сизни арагъызда бир тюрлю саякъ неда Эсауча Аллахдан узакъ болгъан адам болмасын. Эсау бир ашарыкъ ючюн кесини тюнгюч эркинлигин сатханды.

Билим Ачханы 22:15

Ит адамла эм хыйнычыла, саякъ адамла эм мурдарла, идоллагъа табыныучула эм ётюрюкню сюйюучю эм этиучю хар адам шахардан тышындадыла.