Чюйютлелеге 13:3 - Сыйлы Инжил бла Забур

³ Тюрмедегилени эсигизде тутугъуз, сиз кесигиз да, ала бла тутмакъда болгъан кибик, алагъа алай болушугъуз. Зулмулукъ сынагъанлагъа болушугъуз. Алагъа кеси-кесигизге къайгъыргъанча къайгъырыгъыз.

Чюйютлелеге 13:3 Iomraidhean Croise

Маттай 25:36

Жаланнгач болгъанымда, сиз Мени кийиндирген эдигиз; ауругъанымда, сиз Манга къарагъан эдигиз; тюрмеде болгъанымда, сиз Манга келген эдигиз“ деп айтырыкъды.

Маттай 25:43

Жолоучу болгъанымда, Мени къонакъгъа алмагъан эдигиз; жаланнгач болгъанымда, Мени кийиндирмеген эдигиз; ауругъанымда, тюрмеде болгъанымда, Манга келмеген эдигиз“ деп айтырыкъды.

Ишлери 24:23

Пауулну уа сакъларгъа, анга бираз эркинлик да берирге эм анга болушхан неда келип кёрген жууукъларын тыймазгъа жюзбашчыгъа буйрукъ этди.

Ишлери 27:3

Экинчи кюн Сидоннга жетип тохтадыкъ. Юлийни Пауулгъа жаны ауруп, анга шуёхларына барыргъа эм аланы болушлукъларындан хайырланыргъа эркинлик берди.

Римлилеге 12:15

Къууаннганла бла къууаныгъыз, жилягъанла бла жилягъыз.

I Коринфлилеге 12:26

Бир сан къыйнала эсе, аны бла бирге битеу санла да къыйналадыла. Бир сан махтаулу бола эсе да, аны бла бирге битеу санла да къууанадыла.

Эфеслилеге 4:1

Алай бла мен, Раббий ючюн тутмакъ болуп сизден тилейме, сиз алгъан чакъырылыуугъузгъа тийишли жашагъыз.

Колослулагъа 4:18

Мен – Пауул – къолум бла салам жазама. Мени тутмакълыгъымы эсигизде тутугъуз. Аллахны шафауаты сизни барыгъыз бла да болсун. Амин.

Чюйютлелеге 10:34

Нек десегиз сиз мени тутмакълыгъыма да жарсыгъан эдигиз эм сизни кёкледе эм ахшы, ёмюрлюк мюлкюгюз болгъанын билип, сизни мюлкюгюзню чачханларын окъуна къууанч бла къабыл этген эдигиз.

Чюйютлелеге 11:37

Ташла бла тюйюлюп ёлтюрюлгендиле, быхчы бла кесилгендиле, азапха салыннгандыла, къылыч бла тууралгъандыла, къой бла эчки териле кийип, ауаралыкъда айланнгандыла, къытлыкълагъа, къыйынлыкълагъа, зулмулукълагъа тёзгендиле.

I Петер 3:8

Ахырында, барыгъыз да бир акъыллы, жазыкъсыныучу, къарындаш сюйюучю, жумушакъ жюрекли, шуёхлукъну сюйюучю, сабыр акъыллы болугъуз.