Чюйютлелеге 13:15 - Сыйлы Инжил бла Забур

¹⁵ Ол себепден Иссаны юсю бла Аллахха къурман орунуна тохтаусуз махтау салып, Аны атына барына да эшитдирип шукур этип турайыкъ.

Чюйютлелеге 13:15 Iomraidhean Croise

Забур 118:19

Мен жер башында жолоучума, фарызларынгы менден жашырма.

Забур 50:14

Сени къутхарыуунгу къууанчын манга къайтарып бер, сюйюп берген Нюрюнг бла мени кючлендир.

Маттай 11:25

Ол заманда сёзюн бардыра, Исса: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып, гитче сабийлеге ачханынг ючюн, Санга шукур этеме.

Лука 10:21

Олсагъатда Исса, кёлю бла къууанып: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып гитче сабийлеге ачханынг ючюн Санга шукур этеме. Алайды, Атам! Сен алай этиуню иги кёргенсе, – деди.

Ахия 10:9

Мен эшикме. Мени юсюм бла ким кирсе да, ол къутхарыллыкъды, кирген да, чыкъгъан да этерикди, отлау да табарыкъды.

Ахия 14:6

Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

Римлилеге 12:1

Алай бла, къарындашла, Аллахны мархаматлылыгъыны хатыры бла сизден тилейме, кесигизни Аллахха тири, сыйлы, Аны ыразы этиучю къурманнга беригиз. Анга тюз акъыл бла алай къуллукъ этерсиз.

Римлилеге 6:19

Сизни адам табийгъатыгъызны къарыу сузлугъу ючюн адамланы оюмларына кёре айтама. Сиз санларыгъызны харамлы къгъа эм законсузлукъ ишлеге къулгъа къалай берип тургъан эсегиз да, энди уа санларыгъызны, сыйлы болур ючюн, тюзлюклюлюкге къулгъа алай беригиз.

Эфеслилеге 2:18

Нек десегиз Аны юсю бла эки къауумубузну да, бир Нюрде Атагъа барыргъа жолубуз барды.

Колослулагъа 1:12

Эмда сыйлыланы жарыкъда юлюшлерине къошулургъа бизни чакъыргъан Аллах Атагъа сиз шукур этер ючюн тилек этебиз.

Чюйютлелеге 12:28

Ол себепли биз, титиремезлик патчахлыкъны алгъаныбызгъа кёре, Аллахны шафауатын тутайыкъ; аны бла уа Аллахны сыйлы кёрюу бла эм Аллахдан къоркъуу бла Аны ыразы этип къуллукъ этейик.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

I Петер 2:5

Кесигиз да, тири ташла кибик, кесикесигизден нюр юй къурагъыз; алай бла сиз, Масих Иссаны юсю бла Аллахны ыразы этерча, нюр къурманла этер ючюн, Аллахха сыйлы къуллукъ этиучюле болурсуз.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.