Чюйютлелеге 12:24 - Сыйлы Инжил бла Забур

²⁴ Жангы кесаматны Келечиси Иссагъа эмда Абилни къанындан эсе игисин айтхан бюркюлген къаннга жууукълашхансыз.

Чюйютлелеге 12:24 Iomraidhean Croise

Маттай 23:35

Алай бла жер башында тёгюлген битеу тюзлюклюлени къанлары, тюзлюклю Абилни къанындан башлап, сиз аны табыныучу юйню бла къурман этилиучю жерни арасында ёлтюрген, Берекия улу Зекерияны къанына дери, сизни башыгъызгъа келсин.

Маттай 26:28

Бу Мени, гюняхла кечилсинле деп, кёпле ючюн тёгюлген, жангы кесаматны бегим этген къанымды.

Марк 14:24

Дагъыда алагъа: «Бу Мени кёпле ючюн тёгюлген, жангы кесаматны бегим этген къанымды.

Лука 11:51

Абилни къанындан башлап, къурман этилиучю жерни бла табыныучу юйню арасында ёлтюрюлген Зекерияны къанына дери бу тукъумдан тёленирикди. Алайды деп, сизге айтама: бу тукъумдан тёленирикди.

Лука 22:20

Ашагъандан сора аякъны да алай алып: «Бу аякъ, сизни ючюн тёгюлген Мени къаным бла (бегитилген) жангы кесаматды.

Галатиялылагъа 3:20

Жангыз бир адам ючюн келечи болмайды, Аллах а бирди.

I Тимотейге 2:5

Нек десегиз Аллах бирди, Аллахны бла адамланы арасында келечи да бирди, Ол а Адам Масих Иссады.

Чюйютлелеге 10:22

Ол себепли таза жюрекден, толу ышаныу бла, жюреклерибизни аман ниетден тазалап эмда чархыбызны ариу суу бла жуууп, Аллахха жууукълашайыкъ.

Чюйютлелеге 11:28

Тюнгючлени къыргъан мёлек Израильлилеге тиймез ючюн, Муса, ийманы бла Къутхарылыу къурман этдирип, аны къанын эшиклени башларына бюркдюргенди

Чюйютлелеге 11:4

Ийманы бла Къабилден эсе Абил Аллахха иги къурман келтиргенди. Ол тюзлюклю болгъанына ийманы бла шагъатлыкъ алгъанды; нек десегиз аны саугъаларыны юсюнден Аллах ыразы болгъанына шагъатлыкъ этгенди. Абил ёлген эсе да, ийманы бла ол энтда айтып турады.

Чюйютлелеге 13:20

Къойланы уллу Сюрюучюсю болгъан бизни Раббийибиз Масих Иссаны ёмюрлюк кесамат къаны бла ёлгенледен тиргизген, ырахатлыкъ бериучю Аллах а,

Чюйютлелеге 7:22

Исса алай бла эм иги кесаматны боюнуна алгъан Адам болуп къалгъанды.

Чюйютлелеге 8:13

«Жангы кесамат» деп айтып, биринчини эскилигин кёргюзтгенди; эскирген бла къартайгъан а жокъ этилирге жууукъду.

Чюйютлелеге 8:6

Энди уа Исса, эм иги ант сёзле бла бегиген эм иги кесаматны Келечиси болгъаны кибик, жердеги дин къуллукъчуладан айырма къуллукъ да алгъанды.

Чюйютлелеге 8:8

Алай а файгъамбар, алагъа гурушха этип: «Ма, келедиле кюнле, дейди Раббий, Мен ол заманда Израильни юйюрю бла эм Яхуданы юйюрю бла жангы кесамат этерикме.

Чюйютлелеге 9:15

Эм ол себепден, чакъырылгъанла ант сёз бла берилген ёмюрлюк юлюшню алыр ючюн, Масих жангы кесаматны Келечиси болгъанды. Аланы биринчи кесаматны заманында этген гюняхларындан къутхарыр ючюн, Ол жулуучу болуп ёлгенди.

Чюйютлелеге 9:19

Нек десегиз Муса, битеу фарызланы Тауратны Законуна кёре битеу халкъны аллында айтханында, таналаны бла текелени къанларын суу бла эм къызыл жюн бла эм сепгич бла алып, Китапны кесине да, аны кибик битеу халкъны юсюне да сепгенди

Чюйютлелеге 9:21

Аны кибик чатыргъа да эм Аллахха къуллукъ этерге жюрютюлюучю битеу сауутлагъа да къан бюркгенди.

I Петер 1:2

Нюрден сыйлыланыу бла, сёзге тынгылаугъа эм Масих Иссаны къаны бла бюркюлюуге, Аллах Ата алгъындан билип сайлагъанлагъа: сизге шафауат бла ырахатлыкъ кёп болсун.