Чюйютлелеге 12:23 - Сыйлы Инжил бла Забур

²³ Кёкледе атлары жазылгъан тюнгючлени къууанч этген жыйылыууна эм жамауатына, барыны да Сюдюсю Аллахха, тамамлыкъгъа жетишген тюзлюклюлени нюрлерине,

Чюйютлелеге 12:23 Iomraidhean Croise

Забур 111:1

Раббийден къоркъгъан эмда Аны фарызларын бек сюйген киши насыплыды.

Забур 89:7

Нек десенг Сени ачыуланыуунгдан биз думп болуп барабыз эмда Сени чамланыуунгдан биз абызыраудабыз.

Забур 94:2

Махтау салыу бла Аны аллына барайыкъ, зикир айтыу бла Анга сюйюнюп къычырайыкъ!

Забур 98:9

Раббий Аллахыбызны кётюрюгюз эмда Аны сыйлы тауунда сежда этигиз, нек десегиз Раббий Аллахыбыз сыйлыды.

Лука 10:20

Алай болгъанлыкъгъа жинлени сизге бойсуннганларына къууанмагъыз, алай а сизни атларыгъыз кёкледе жазылгъанына къууаныгъыз», – деди.

Ахия 5:27

Эм Ол Адам Улу болгъаны себепли, сюд этерге эркинликни да Анга бергенди.

Ишлери 20:28

Ол себепден кесигизге да, Сыйлы Нюр сизни кютюучюле этип салгъан битеу сюрюуге да сакъ болуп къарагъыз. Раббийни эм Аллахны жамауатын, Ол Кеси къаны бла сатып алгъан жамауатны кютюгюз.

I Коринфлилеге 13:12

Энди биз хар нени да мутхуз кюзгюде кёрген кибик кёребиз, ол заманда уа бетден-бетге кёрлюкбюз; энди мени билимим тамамлы тюйюлдю, ол заманда уа, мен билиннгеним кибик толу билликме.

I Коринфлилеге 15:49

Сора биз, жерден жаратылгъанны сыфатын жюрютгенибиз кибик, кёкден болгъанны сыфатын да жюрютюрюкбюз.

I Коринфлилеге 15:54

Бу чиририк чархыбыз чиримезликни кийсе эм бу ёллюк чархыбыз ёлюмсюзлюкню кийсе, ол заманда уа, Китапда: «Ёлюм хорланып жокъ этилгенди», – деп жазылгъан сёз къабыл боллукъду.

II Коринфлилеге 5:8

Сора биз тынч кёллю болабыз эм, чархыбыздан чыгъып кетип, Раббий бла жашаргъа сюебиз.

Эфеслилеге 1:22

Эм битеу барын да Аны аякъ тюбюне бойсундургъанды эм Аны битеу барындан да уллугъа салып, Аны Жамауатына баш этгенди.

Колослулагъа 1:12

Эмда сыйлыланы жарыкъда юлюшлерине къошулургъа бизни чакъыргъан Аллах Атагъа сиз шукур этер ючюн тилек этебиз.

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

I Тимотейге 3:5

Нек десегиз кесини юйюрюн жюрюте билмеген адам Аллахны Жамауатыны къайгъысын этерикмиди?

Чюйютлелеге 11:4

Ийманы бла Къабилден эсе Абил Аллахха иги къурман келтиргенди. Ол тюзлюклю болгъанына ийманы бла шагъатлыкъ алгъанды; нек десегиз аны саугъаларыны юсюнден Аллах ыразы болгъанына шагъатлыкъ этгенди. Абил ёлген эсе да, ийманы бла ол энтда айтып турады.

Чюйютлелеге 11:40

Нек десегиз ала бизсиз тамамлыкъгъа жетмез ючюн, Аллах бизни ючюн андан да игисин хазырлагъанды.

Чюйютлелеге 2:12

«Сени атынгы Мен къарындашларыма билдирликме, жамауатны арасында Санга зикир айтып махтау саллыкъма», – деп айтады.

Чюйютлелеге 9:27

Бир кере ёлюрге, андан сора уа сюд этилирге хар адамгъа къадар болгъаны кибик,

Якъуп 1:18

Биз, Ол жаратханланы биринчилери болур ючюн, Кеси сюйюп, Ол бизни хакъ кертини сёзю бла туудургъанды.

I Петер 2:23

Анга аман айтылгъанда, Ол къайтарып аман айтмагъанды; азап чеге туруп къоркъутмагъанды, алай а Кесин Тюзлюклю Хукмучугъа ышанып бергенди.

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.

Билим Ачханы 14:4

Бу адамла кеслерин къатынла бла харам этмегенледиле; нек десегиз ала таптаза адамладыла. Ала, Къозу къайры барса да, Аны ызындан баргъанладыла. Ала, Аллахха бла Къозугъа тюнгючлеча, адамланы арасындан сатып алыннгандыла.

Билим Ачханы 20:15

Сора жашау китабында аты жазылмагъан хар адам от кёлге атылды.

Билим Ачханы 6:11

Сора аланы хар бирине акъ кийимле берилдиле эмда алагъа, энтда бир кесек заманнга, аланы бирге уруннган нёгерлери эм къарындашлары ала кибик ёлтюрюлюп, санны толтургъунчу тынчайыргъа деп айтылды.

Билим Ачханы 6:9

Къозу бешинчи мухурну ачхан заманда, къурман этилиучю жерни тюбюнде Аллахны Сёзю ючюн эм кеслерини этген шагъатлыкълары ючюн ёлтюрюлгенлени жанларын кёрдюм.