Чюйютлелеге 12:14 - Сыйлы Инжил бла Забур

¹⁴ Битеу адамла бла жарашыулу жашаргъа эмда сыйлы болургъа кюрешигиз; сыйлы болмаса, бир киши да Раббийни кёрлюк тюйюлдю.

Чюйютлелеге 12:14 Iomraidhean Croise

Забур 120:6

Кюндюз кюн, кечегиде ай санга заран тийирмезле.

Забур 133:1

Кечени заманында, Раббийни юйюнде тургъан, Раббийни битеу къуллары, энди Раббийге шукур этигиз.

Забур 34:14

Мен анга ол мени шуёхум, къарындашым болгъанча этгенме; мен мудах болуп, башымы кётюрмей, анамы жиляуун этгенча жюрюгенме.

Марк 9:50

Туз иги затды; алай а, туз тузлу болмаса, сиз аны не бла тюзетириксиз? Кесигизде тузугъуз болсун эмда бир-биригиз бла жарашыулу жашагъыз», – деди.

Лука 1:75

Бизни битеу жашау кюнлерибизде Кесини аллында сыйлылыкъ бла эм тюзлюк бла Кесине къоркъуусуз къуллукъ этдирирге айтханды.

Римлилеге 12:18

Сизни жаныгъыздан онг бар эсе, битеу адамла бла жарашыулукъда болугъуз.

Римлилеге 14:19

Алай бла жарашыулукъ келтирген эм бир-бирибизни нюр бла кючлендириуге жарагъан затланы излейик.

Римлилеге 6:22

Энди уа, сиз гюняхдан азат этилип, Аллахны къуллары болгъаныгъызгъа кёре, сизни хайырыгъыз сыйлылыкъды, ахыры уа ёмюрлюк жашауду.

I Коринфлилеге 1:10

Къарындашла, Раббийибиз Масих Иссаны аты бла сизге жалбарама, сиз барыгъыз да бирни айтыгъыз, арагъызда айырылыу болмасын, сиз бир ниетде эм бир акъылда бирлешигиз.

I Коринфлилеге 13:12

Энди биз хар нени да мутхуз кюзгюде кёрген кибик кёребиз, ол заманда уа бетден-бетге кёрлюкбюз; энди мени билимим тамамлы тюйюлдю, ол заманда уа, мен билиннгеним кибик толу билликме.

II Коринфлилеге 6:17

Сора ол себепден: „Иймансызланы араларындан чыгъыгъыз эмда аладан айырылыгъыз“ дейди Раббий. „Харам затха тиймегиз, Мен сизни къабыл этерикме

II Коринфлилеге 7:1

Алай бла, сюйюлюннгенле, Аллахны бизде аллай ант сёзлери болгъаны себепли, чархыбызны неда нюрюбюзню харам этген хар бир затдан кесибизни тазалайыкъ эмда Аллахдан къоркъуу бла толусунлай Аллахха берилейик.

Галатиялылагъа 3:21

Алай бла Аллахны ант бла берген сёзлерине Тауратны Закону къажаумуду? Чыртда угъай! Нек десегиз жашау берирге болаллыкъ закон берилсе эди, сора кертиси да адам закон бла ариуланыр эди.

Эфеслилеге 5:5

Нек десегиз бир тюрлю саякъ, неда харам адамны, неда идоллагъа табыныучу бла бирча болгъан жыртхыч адамны, Масихни эмда Аллахны Патчахлыгъындан юлюшю болмагъанын билигиз.

I Фесалоникачылагъа 3:13

Раббийибиз Масих Исса, сизни жюреклеригизни кючлендирип, битеу сыйлылары бла келишинде Атабыз Аллахны аллында сыйлылыкъда айыпсыз этсин. Амин.

I Фесалоникачылагъа 4:7

Нек десегиз Аллах бизни харамлыкъгъа тюйюл, сыйлы жашаугъа чакъыргъанды.

I Фесалоникачылагъа 5:15

Сакъ болугъуз, бир киши да аманлыкъгъа аманлыкъ бла жууап этмесин; алай а хар заманда бир-биригизге да эм барына да ахшылыкъны излегиз.

I Тимотейге 6:11

Сен а Аллахны адамыса, ол затладан къач, алай а тюзлюклюлюкде, Аллахны жолунда, ийманда, сюймекликде, тёзюмлюкде, сабырлыкъда жюрю.

II Тимотейге 2:22

Жаш адамлада болуучу кюсеуледен къачып къутул, алай а Раббийни таза жюрекден чакъыргъанланы барысы бла бирге тюзлюкню, ийманны, сюймекликни, жарашыулукъну тут.

Чюйютлелеге 12:10

Ала, кеслери сюйгенча этип, бизни аз кюнле ючюн азапландырып юйретгендиле. Аллах а, биз Аны сыйлылыгъына къатышыр ючюн, бизни хайыргъа азапландырып юйретеди.

Чюйютлелеге 9:28

Масих да алай, кёплени гюняхларын Кесини боюнуна алыр ючюн, Кесин бир кере къурманнга келтиргенди. Экинчи кере уа гюняхдан тазалар ючюн тюйюл, алай а Аны сакълагъанланы къутхарыр ючюн келликди.

I Петер 3:11

Аманлыкъдан бир жанына турсун эм ахшылыкъ этсин, жарашыулукъ излесин эм аны ючюн кюрешсин.

I Петер 3:13

Сора сизге ким аманлыкъ этерикди, сиз ахшылыкъ этерге эриш болсагъыз?

II Петер 3:11

Ала бары да алай бузуллукъ эселе, сора сыйлы жашауда эмда Аллахны жолуна тюз болууда къаллайла болургъа керексиз сиз,

II Петер 3:18

Алай а Раббийибиз эм Къутхарыучубуз Масих Иссаны шафауаты бла эм Аны билиу бла ёсюгюз. Анга уа энди да, ёмюрлюк кюнде да махтау болсун! Амин.

III Ахия 1:11

Сюйюлюннген! Аманлыкъдан юлгю алма, алай а ахшылыкъдан юлгю ал. Ахшылыкъ этиучю адам Аллахданды; аманлыкъ этиучю уа Аллахны кёрмегенди.