Чюйютлелеге 11:7 - Сыйлы Инжил бла Забур

⁷ Ийманы бла Нух, алыкъа кёрюнмеген болумланы юсюнден билим алып, Аллахха хурмет этиую бла кесини юйюрюн къутхарыргъа кеме хазырлагъанды. Аны бла ол битеу дунияны терслегенди эм ийманнга таяннган тюзлюклюлюкден юлюшлю болгъанды.

Чюйютлелеге 11:7 Iomraidhean Croise

Маттай 2:12

Сора, Иродха къайтмазгъа, тюшлеринде билим алып, башха жол бла кеслерини къыралларына кетдиле.

Маттай 24:15

Алай бла, Даниял файгъамбар айтханча, халеклик келтириучю жийиргенчли зат сыйлы жерде тургъанын кёрген заманыгъызда – окъугъан ангыласын –

Маттай 24:25

Ма, Мен сизге алгъындан айтдым.

Маттай 24:38

Суу къыяманы аллында кюнледе, Нух кемеге миннген кюннге дери, адамла ашап, ичип, къатын алып, эрге барып

Маттай 3:7

Ахия уа, кёп фарисейлени бла садукейлени анга сууда кёмюлдюрюлюрге келгенлерин кёрюп, алагъа: «Жилянны балалары! Келлик чамланыудан къачаргъа сизни ким юйретгенди?

Лука 17:26

Нухну заманында къалай болгъан эсе, Адам Улуну заманында да алай боллукъду.

Римлилеге 1:17

Хайыр Хапарда Аллахны тюзлюклюлюгю, Китапда: «Тюзлюклю ийманы бла жашарыкъды», – деп жазылгъаны кибик, ачыкъ этиледи. Тюзлюклюлюк жаланда ийман бла болады.

Римлилеге 10:6

Иймандан болгъан тюзлюклюлюк а былай айтады: «Сен жюрегингде: кёкге – алай демеклик Масихни тюшюрюрге ким чыгъар?», – деп айтма.

Римлилеге 3:22

Аллах адамланы Масих Иссагъа ийнаныулары бла ариулайды. Муну ийнаннганланы барына да эм барында да этеди. Нек десегиз адам айырыу жокъду.

Римлилеге 4:11

Сюннетсиз болгъанлай, ийман салгъанланы барыны да аталары болур ючюн эм алай бла аланы да ийманлары тюзлюклюлюкге саналыр ючюн, Ибрахим, сюннет этилгинчи, кесинде болгъан ийманы бла тюзлюклю болгъанын кёргюзтген мухургъа сюннет белгини алгъанды.

Римлилеге 4:13

Нек десегиз Ибрахимге неда аны урлугъуна дунияны иеси болургъа ант сёз, Тауратны Законуну юсю бла берилмегенди, алай а иймандан келген тюзлюклюлюк бла берилгенди.

Римлилеге 9:30

Сора не айтайыкъ? Тюзлюклюлюкню излемеген миллетле тюзлюклюлюкге, иймандан келген тюзлюклюлюкге жетгендиле.

Галатиялылагъа 5:5

Биз а ариуланнганыбыздан келген умутну толурун Сыйлы Нюрге ышанып сакълайбыз.

Чюйютлелеге 11:1

Ийман а умут этгенлерибизге ышаныу эм алыкъа кёрмеген затларыбызгъа толу ийнаныуду.

Чюйютлелеге 12:25

Сакъ болугъуз, быланы Айтханны къабыл этмей къоймагъыз. Нек десегиз ала, жер башында айтханнга тынгыламагъанлары ючюн, жазадан къутулмагъан эселе, сора бегирек да биз, кёкледен бизге Айтханны къабыл этмей къойсакъ, жазадан къутуллукъ тюйюлбюз.

Чюйютлелеге 5:7

Масих дуниядагъы жашаууну кюнлеринде ачы къычырыкъла бла эм жилямукъла бла Аны ёлюмден къутхараллыкъ Аллахдан дууа этип тилек этгенди эм Аллахха хурмет этгени ючюн Аны тилеги къабыл болгъанды.

Чюйютлелеге 8:5

Ала кёкдегини юлгюсюне эм ауанасына къуллукъ этедиле, нек десегиз Муса табыныучу чатырны ишлерге башлагъан заманда Аллах анга: «Къара, хар затын да санга тауну башында кёргюзтюлген юлгюге кёре ишле», – деп айтханды.

I Петер 3:20

Бу нюрле, бир заманда Нухну кюнлеринде кеме ишленнген кезиуде Аллахны тёзюмлюк бла сакълагъанына къарамай, Анга боюн салмагъан эдиле. Ол кемеде бир къауум адам, тюзюн айтсакъ, сегиз адам суу къыямадан къутулгъандыла.

II Петер 1:1

Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!

II Петер 2:5

Буруннгу дунияны да аямай, аллахсызланы дуниясына суу къыяма айландыргъан заманында тюзлюкню ууазчысы Нухну юйюрю сегиз жанны уа сакълагъан эсе,

II Петер 3:6

Аны себепли ол замандагъы дуния суу къыямадан жоюлгъанды.